Stòria de Cao Verdo
![](http://upload.wikimedia.org/wikipedia/commons/thumb/3/31/Cv-map.png/250px-Cv-map.png)
La Storia de Cao Verdo la scominsia co l’arivo de i portoghexi. No ghera xente che abitava stabilmente su le ìzołe prima de lori.
Ancò, le ìzołe de Cao Verdo le ga na popolasion che la riflete i popoli che i xe rivà su ste ìzołe durante la colonixasion: portoghexi, africani da tuta la costa orientale del continente, axiateghi e statunitensi.
Portoghexi
[canbia | canbia el còdaxe]![](http://upload.wikimedia.org/wikipedia/commons/thumb/e/e5/Coat_of_arms_of_Cape_Verde_%281935%E2%80%931975%2C_lesser%29.svg/136px-Coat_of_arms_of_Cape_Verde_%281935%E2%80%931975%2C_lesser%29.svg.png)
La leteratura greca e latina la ga de le referense a le ìzołe de Cao Verdo, ciamade Gorgades par ricordar el mitego Gorgon che el gavea copà Perseo. Anca se le ìzołe le xera dexabitae prima de l’arivo d ei portoghexi, pescatori de la costa africana – da le rejon che le diventarà el Senegal e la Guinea – i usave le ìzołe come baxe durante la pesca. I arabi i se rifaria a ste ìzołe col nome de Aulil. El nome de Cao Verdo el vien da cuelo del Cao Verdo che se cata in Senegal.
El caitan venexian Alvise Cadamosto (Venexia 1432 – 18 lujo 1488) el xe rivà a l’arsipelago de Cao Verdo in tel 1456. Cadamosto laoraa par el principe portoghexe Enrico el Navigator. I portoghexi i xe tornai su le ìzołe in tel 1462 par fondar la sità de Ribeira Grande (ancò Cidade Velha) su l’Ixola de Santiago. I portoghexi i ga portà i s-ciavi de l’Africa ocidentale par laorar la tera e i porti de Cao Verdo i xe presto diventà inportanti par la trata de s-ciavi e de altre marcansie da l’Africa a le Meriche. La richesa de la cavedal la ga tirà i pirati, conprendesto Francis Drake che el ga atacà Ribeira Granda in tel 1582 e in tel 1585. I fransexi i ga atacà in tel 1712. Da alora Ribeira Grande la ga perso inportansa fin che Praia la xe diventà cavedal in tel 1770.
sicità
[canbia | canbia el còdaxe]Co i portoghexi i xe rivà so l’arsipelago, le ìzołe le gave na vegetasion consistente. Dopo pochi ani, l’abuso de i tereni par l’agricoltura e l’alevamento le gavea trasformà tanti posti in aree semi-desertiche. En tel 1747 le ìzołe le ga soferto la prima de tante sicità. En tel XVIII e XVIIII secolo, pi de 100.000 persone le xe morte de fame causà da la sicità. El governo portoghexe el no ga mai mandà de i socorsi.
En tel XVIIII secolo ghe stà anca l’abolision de la s-ciavitù, che la xera a la baxe de la richesa de l’arsipelago. I portoghexi de Cao Verdo i ga emigrà in i Stati Unii par laorar co le conpanie baleniere.
L’economia de Cao Verdo la xe stà aiutà da le nove linee mercantili che traversava l’Atlantego. El porto de Mindelo el xera na sosta ideale par le nave che le dovea embarcar acua da bear, carbon e animali da maselo. Anca sto sboco economego el xe finio co la seconda guera mondiale e co la fin de i viaji transaoseaneghi.
Indipendensa
[canbia | canbia el còdaxe]![](http://upload.wikimedia.org/wikipedia/commons/thumb/9/98/Pedro_Verona_Rodrigues_Pires.jpg/200px-Pedro_Verona_Rodrigues_Pires.jpg)
I portoghexi i no ga mai tratà ben i africani. A Cao Verdo, parò, i ga fato mejo che inte le altre colonie. A l’indipendensa, el 26% de i caoverdiani i savea lexar, contro el 5% de i abitanti de la Guinea Bissau. A Cao Verdo i portoghexi i gavea anca costruio na scola superiore. En tel 1956, Amílcar Cabral co altri panafricanisti el ga fondà el Partio Africano par l’Indipendensa de la Guinea e del Cao Verdo. Le domande de indipendensa no le podea esar caié da i portoghexi, governadi da na ditatura de destra. I abitanti de Cao Verdo e de la Guinea Bissau i ga combatu imsieme par l’indipendensa. Dopo la fin de la ditatura (avril 1974) i portoghexi i ga dato l’indipendensa a tute le colonie. Guinea Bissau e Cao Verdo le volea formar on solo paexe.
El progeto de unità el xe finio co el colpo de stato del 1980 a Bissau. Cao Verdo el ga volù ndar vanti su la strada de la democrasia alontanandose da la Guinea Bissau. El novo partio Partio Africano par l’Indipendensa de Cao Verdo el ga controlà la vita politega de le ìzołe fin al 1990.
Al tenpo de la primavera democratega (1990-91) anca a Cao Verdo l’oposision politega la ga domandà el ricnosimento ufisiale. En tel avril del 1990, el governo el ga verto le porte al multipartiismo, co l’oposision che la formava el Movimento par la Democrasia. El mono partiismo el xe stà abolì el 28 setembre 1990 e le prime elesion multipartiteghe le xe stà inte el genaro 1991. El Movimento par la Democrasia el ga vinto la majoransa in tel parlamento e la presidensa. António Mascarenhas Monteiro el xe stà eleto presidente e el xe sucedesto a Aristides Pereira, presidente de Cao Verdo dal 1975. El Movimento par la Democrasia el ga vinto anca le elesion dal 1995 (aministrative) e 1996 (presidensiali). En tel 2000 e 2001, i do partii i xe rivà a la pari, co el candidato a la presidensa Pedro Pires che el ga vinto par 12 voti.