Regno de Nàpułi
|
|||||
Pozision | |||||
---|---|---|---|---|---|
Continente | Eoropa ![]() | ||||
Capitałe | ![]() ![]() | ||||
Popołasion | |||||
Demònemo | napołitan, napołitana
, ![]() | ||||
Rełijon | Ceza catòłega ![]() | ||||
Dati istòreghi | |||||
Desolvimento | Eror Lua: callParserFunction: function " [[Categoria" was not found. | ||||
Organizasion pułìtega | |||||
Forma de goerno | monarchìa asołuta ![]() | ||||
Economia | |||||
Moneda | piastra napoletana (it) ![]() ![]() | ||||
Istòrego | |||||
|
El Regno de Nàpułi (in latin:
Regnum Neapolitanum
) el ze el nome col cuało el ze conosesto, inte ła storiografia moderna, l'antigo Stato gavesto dal XIV al XIX secoło e estendesto a tuto el meridion continentałe italian.
El so nome ufisałe el zera Regnum Siciliae citra Pharum, el cuało signifegà el zera “Regno de Sicìlia par de cuà del Faro”, refaréndose al Faro de Mesina, e el se contraponea al contenporàneo Regnum Siciliae ultra Pharum, o sia “Regno de Sicìlia al de là del Faro”, che el ghea estension su l'intiera ìzoła de Sicìlia. In època normana, l'intiero Regno de Sicìlia el zera organizà in du macro-àree: ła prima, che ła includeva i teritori siciliani e całabrezi, ła costituiva el Regno de Sicìlia propiamente dizesto; ła seconda, che ła includeva i restanti teritori peninsułari, ła costituiva el Dogado de Apùlia (o Apuja) e el Prinsipà de Càpua, co che el teritòrio el zera parte integrante del Regno norman de Sicìlia.
St'ùltemo Stato el ze sta istituio inte el 1130, col conferimento a Rujero II de Altaviła del tìtuło de Rex Siciliae da l'antipapa Anacleto II, tìtuło confermà inte el 1139 da papa Inocenso II. El novo Stato el insisteva cusita su tuti i teritori del Mezodì itàłego, intestàndose cofà el pì grando dei antighi Stati italiani; ła so configurasion normativa ła ze sta definitivamente formałizà fin da łe Asise de Arian del 1140-1142. De sevente, co ła stìpuła de ła Paze de Caltabellotta del 1302, el ghea seguio ła formałe divizion del regno in du: Regnum Siciliae citra Pharum (pùblego inte ła storiografia cofà Regno de Nàpułi) e Regnum Siciliae ultra Pharum (anca conosesto, par un curto perìodo, cofà Regno de Trinàcria e conosesto inte ła storiografia cofà Regno de Sicìlia). Par tanto sto tratà el połe vegner considarà l'ato de fondasion convensionałe de l'entità pułìtega oncó conosesta cofà Regno de Nàpułi.
El regno, cofà Stato sovran, el ghea vedesto na granda sfioridura intełetuałe, econòmega e siviłe sia soto de łe vàrie dinastie anzoine (1282-1442), sia de sevente de ła concuista aragoneza de Alfonso I (1442-1458), sia soto del goerno de un rama cadeto de ła caza d'Aragona (1458-1501); in cuel tenpo, ła capitałe, Nàpułi, ła zera sèłebre par el sbrełùzego de ła so corte e el mecenatismo dei so sovrani. Inte el 1504 ła Spagna unia ła ghea dezemà ła Fransa inte el contesto de łe guere de Itàlia, e el regno de Nàpułi e ze sta da chel momento ligà dinastegamente a ła monarchia ispànega, co cueło de Sicìlia, finmente al 1707 – anbedó i zera stai goernai cofà du vicereami destinguesti ma co ła nomea ultra et citra Pharum e co ła consevente difarensiasion storiogràfega e teritoriałe intrà Regno de Nàpułi e Regno de Sicìlia. De sevente a ła paze de Utrecht el reame napułetan el zera pasà devegner aministrà, par un curto perìodo (1713-1734), da ła monarchia asbùrzega de Austria. Sibè che i du regni, de novo reunii, i ghea otegnesto l'indipendensa co Carlo de Borbon za inte el 1734, l'unificasion zurìdega definitiva de anbedó i regni ła se ga avesto solché inte inte el disenbre del 1816, col fondamento del Stato sovran del Regno de łe Du Sicìlie.
El teritòrio del Regno de Nàpułi, inisialmente, el corispondeva al totałe de cuełi de łe atuałi rejon italiane de Abruso, Mołize, Canpània, Puja, Baziłicata, Całàbria e ła conprendea anca racuante àree de l'odierno Làsio sud e orientałe partegnenti finmente al 1927 a ła Canpània, o sia a l'antiga provincia de Tera de Lavoro (circondàrio de Gaeta e circondàrio de Sora), e a l'Abruso (circondàrio de Cittaducale).
Notasion
[canbia | canbia el còdaxe]
Altri projeti
[canbia | canbia el còdaxe]Wikimedia Commons el detien imàjini o altri file so Regno de Nàpułi
Linganbi foresti
[canbia | canbia el còdaxe]- Napoli, Regno diTreccani.it – Enciclopedie on line, Istituto de ła Ençiclopedia Italiana.
- MicheIangelo Schipa, NAPOLI, Regno di, in Ençiclopedia Italiana, Istituto de ła Ençiclopedia Italiana, 1934.
- Napoli, regno di, in Disionàrio de istòria, Istituto de ła Ençiclopedia Italiana, 2010.
- (EN) Kingdom of NaplesEnçiclopedia Britannica, Encyclopædia Britannica, Inc.
Controło de autorità | VIAF (EN) 155695791 · ISNI (EN) 0000 0001 2190 826X · LCCN (EN) n79063272 · GND (DE) 4041478-4 · WorldCat Identities (EN) n79-063272 |
---|