Pavesini
I Pavesini i ze dei biscoti prodoti da ła Pavesi fin da'l 1948, so'l prensipi i zera ciamà "Biscottini di Novara", i ze venjesti rebetezà inte'l 1952[1][2].
Storia
[canbia | canbia el còdaxe]Mario Pavesi el gaveva invià ła propie atività de produsion dolsiaria inte'l 1937 a Novara e el gaveva rescontrà na bona acołiensa da parte de'l pùblego. Tutavia durando ła segonda guera mondiałe Pavesi el se ga ocupà dei aprovizonamenti ałimentari de l'ezèrsito, el che el ghe ga parmeso de conóser i gusti de'l pòoło statunitense. Dapò un viazo inte i Stati Unìi d'America, el ga desizo de trasformar ła produsion dei stòreghi "Biscotini de Novara" in cueła dei Pavesini, prodoto de minor e major dizeribiłità.[3]
Promosion
[canbia | canbia el còdaxe]Fin dai primi tenpi, ła promosion dei Pavesini ła ze senpre stada consentrada so ła łezeresa de'l prodoto, cuindi partegołarmente indegài par i putełi, a'l ponto che el publisitario Erberto Carboni inte'l 1960 el ga ideà el séłebre bomò "È sempre l'ora dei Pavesini" propio so st'altra falsariga[4]. Bomò, scuazi senpre conpanjà da l'imàzene de un rełogio, in cui a'l posto de łe łansete ghe zera propio i Pavesini[1]. El steso bomò el ze stà po' reprendesto inte i spot publisitari dai ani novanta fin vanti. Da'l 1963, durando Carosello, testimonial dei Pavesini A ze stà Topo Gigio, che'l concludeva onji spot cantando "Ho comprato i Pavesini e son contento, ho comprato Pavesini e me ne vanto, me ne mangio un pacchettin di quei buoni biscottin e mi tengo su, su, su, con i Pavesin".
Ingredienti
[canbia | canbia el còdaxe]Ła reseta ła prevede el dòparo de sùcaro, farina de fromento, vovi, azenti łievitanti (carbonato acido d'amonio, carbonato acido de sodio), sùcaro caramełà e aroma vaniłina.
Varianti
[canbia | canbia el còdaxe]Atualmente i Pavesini i vien produzesti inte ła formuła "tradisionałe" e inte łe varianti a'l cafè[5] e, da'l 31 agosto 2015, a'l cacao[6]. Inte i ani domiłe A ze stà produzesta anca na variante dei pavesini a'l coco. Inte i ani Otanta A ze produzeta na łinea ciamada Tresor, co recovertura de graneła de sùcaro e righini de ciocołato fondente. Drioman l'azienda ła ga desizo de cesarghene ła produsion. Inte'l 2021 A ze stà łansà so'l marcà na nova variante co ciocołato: i Pavesini Double.
Notasion
[canbia | canbia el còdaxe]- ↑ 1,0 1,1 La storiapavesi.it. entrada il August 24, 2016.
- ↑ Simone Colafranceschi, La nostra storia. 1946-2011 Cronologia dell'Italia unita - 1946 - 2011, Bompiani, 2011, ISBN 88-587-0314-6.
- ↑ Centenario Mario Pavesiluxuryonline.it. entrada l'11 febbraio 2010 (archivià dal URL orizenałe il 9 febbraio 2011).
- ↑ Pavesi. Storia
- ↑ Pavesini al caffèpavesi.it. entrada il August 24, 2016.
- ↑ Pavesini al cacaopavesi.it. entrada il August 24, 2016.
Bibliografia
[canbia | canbia el còdaxe]- L'Italia dei Pavesini: cinquant'anni di pubblicità e comunicazione Pavesi, Archivio storico barilla, 1997, 1997.