Fotografia

La fotografia la xe na tecnica che parmete de otegner un'imagine che rapresenta fedelmente dei ojeti reali. Le imagini otegnùe co sta tecnica le se ciama anca lore fotografie o par far prima senplisemente foto.

La pi vecia fotografia mai realizà: la mostra quel che se vedéa da la finestra de casa sua de Niépce

La parola fotografia la xe stà inventà tacando insieme le do parole greche φώς (phos) che vol dir luce e γραφίς (graphis) che vol dir dixegno, scritura. Quindi vorìa dir "scrivar co la luce". El prinsìpio de la càmara oscura el jera conossesto da secoli, almanco dal Quatrosento: el consiste de na scàtola serà, co on buseto che lassa entrar la luce, e che el proièta sul lato oposto de la scàtola l'imagine che quel che se vede de là dal buso. Solo intel 1826 parò el fransese Joseph Nicéphore Niépce el xe riussìo a fissar su na làmina de rame l'imagine prodota da la càmara oscura, co on particolare prosedimento chìmego.

Inisialmente el prosedimento par otegner na fotografia el jera longo e conplicà, e bixognava che el sogeto de la foto el restesse esposto a la màchina anca par diverse ore. Nei ani naturalmente ghe xe stà un mucio de mejoramenti, specialmente con l'invension de la pelìcola de celulòide e de le fotocàmare digitali, e al dì de uncuò le machine fotografeghe le xe a la portata de tuti, e le te parmete de scatar na foto e stanpàrtela in pochi secondi.

Altri projeti

Altri progetti

• Wikimedia Commons

• Wikimedia Commons el detien imàjini o altri file so fotografia
• el detien schemi gràfeghi so

Linganbi foresti

• (IT, DE, FR) Fotografiahls-dhs-dss.ch, Disionàrio stòrego de ła Svìsara.
• (EN) Beaumont Newhall, Naomi Rosenblum, Andy Grundberg e Helmut Erich Robert Gernsheim, history of photographyEnçiclopedia Britannica, Encyclopædia Britannica, Inc.
• (EN) Opere riguardanti FotografiaOpen Library, Internet Archive.