Cołina
![](http://upload.wikimedia.org/wikipedia/commons/thumb/1/11/Colli_Euganei_%28144792223%29.jpeg/429px-Colli_Euganei_%28144792223%29.jpeg)
La cołina, cołe o montezeło el ze un rełievo de altitùdene manco ełevada e co aparensa manco inpèrvio in confronto a ła montagna.
La difarensiasion intrà montagna e cołina no ła ze neta e ghe ze vàrie convension al revardo; d'ordenàrio se definise cołina un'altura che aprosimativamente no ła sùpara i 500-600 metri de altitùdene (basta che no ła gàpia na aparensa inpèrvia), benché inte łe raprezentasion cartogràfeghe i sìpia mapai cofà che cołinari i rełievi de altitùdene inferiora a 675 m s.l.m.
Termenołozia[canbia | canbia el còdaxe]
![](http://upload.wikimedia.org/wikipedia/commons/thumb/2/2d/Garda%2C_view_to_the_Rocca_di_Garda.jpg/240px-Garda%2C_view_to_the_Rocca_di_Garda.jpg)
Inte el Regno Unio i zeògrafi istoregamente i reconosea cofà che montagne alture superiore ai 1 000 pie (300 m)
. I escursionisti i ghe metea cofà che lìmite i 2 000 pie (610 m)
. L'Oxford English Dictionary el ne sujerise invese el lìmite dei 2 000 pie (610 m) e Whittow el aserta: "Racuante autorità łe retien che łe ełevasion sora 610 m łe sìpia montagne, chełe soto cofà cołine". Par sta motivasion Cavanal Hill situada arente de Poteau (Oklahoma) ła vien considerada ła cołina pì alta del mondo rivando ai 609 m.
![](http://upload.wikimedia.org/wikipedia/commons/thumb/6/69/Euganei-26.jpg/220px-Euganei-26.jpg)
Inte l'Itàlia, L'ISTAT el definise ła zona altimètrega de cołina un teritòrio pien de rełievi de altitùdene zeneralmente inferiora ai 600 metri inte el Vèneto e tuta l'Itàlia setentrionałe e 800 metri inte l'Itàlia sentro-meridionałe e insułare; pusìbiłi picenine àree vàrie sarae inte ła zona łe vien definie parte de ła zona de cołina
In racuante zone zeogràfeghe, ghe ze na distinsion intrà montezeło, cołe e cołina. In Fransa par ezénpio el apeładivo mont el ze doparà anca par base ełevasion, cofà che inte ła łéngua vèneta (Monti Bèreghi).
Tipołozie[canbia | canbia el còdaxe]
La cołina ła połe ver forme dolse e rodondae, co coertura de vezetasion, ma anca rìpede, brułe o całanchive.
Anca łe cołine, cofà che łe montagne, łe połe vere vari mecanismi de formasion. Drio ła so orìzene in struturałi, morèneghe, vulcàneghe e tetòneghe.
Le cołine struturałi łe deriva da montagne sotoponeste a erozion par longhi perìodi de tenpo.
Le cołine sedimentàrie łe ze formae dai detrii (jara, piere, ec.) trasportai dal vento o dai fiumi.
Le cołine vulcàneghe derivae da antighi vulcani stuai che i ze stai cuerto da ła vezetasion e i ze stai erodesti. Conosesti i ze i Cołi Eugànei.
Le cołine tetòneghe derivae da corugamento de ła crosta terestre e dal sorlevamento dei fondali marini.
Altri projeti[canbia | canbia el còdaxe]
Wikimedia Commons el detien imàjini o altri file so cołina
Linganbi foresti[canbia | canbia el còdaxe]
Controło de autorità | GND (DE) 4135744-9 |
---|