Alfa Romeo 147

Alfa Romeo 147

Tipo	modeło de automòbiłe
Fabricante	Alfa Romeo
Produsion	651 823
caratarìsteghe
Distansa intrà ase	2 546
Dimension	1 442 () × 1 729 () × 4 223 () mm
Istòrego
← Alfa Romeo 145 (it) Alfa Romeo Giulietta (it) →

L'Alfa Romeo 147 (Progetto 937), ła ze un modeło de automobiłe costruìo da ła caza automobiłìstega itałiana Alfa Romeo inte'l stabiłimento Alfa Romeo de Pomigliano d'Arco.

Ła 147, partenjente a'l segmento de łe conpate a do vołumi tre o sincue porte, ła sostituise inte ła gama ła 145 e ła 146.

Łansada so'l marcà itałian inte l'otobre 2000 inte ła varsion a tre porte, seguìa a pochi mezi pì tardi da ła varsion a sincue porte daspò ła prezentasion a'l Salone dell'automobile di Ginevra de'l 2001, ła ga otenjùo suito un bon suceso de critica e de pùblego che ła ga portà ad azùdegarse inte'l 2001 el titoło de Auto dell'anno.

Ła ze ndada fora de produsion inte'l 2010 sostituìa da ła nova Alfa Romeo Giulietta anca se ła resta inte i łistini fin a'l febraro 2011.

Profiło

Estetica

Interno de na 147 de'l 2005

El design de ła 147, ideà dai do designer Walter de Silva e Wolfgang Egger, el se caratariza par el frontałe, indove ze reportà el clàsego trilobo Alfa Romeo dove spica el scudo Alfa Romeo sentrałe, e par ła parte posterior, in confegurasion hatchback co anpio portełon.

Inte l'otobre 2004 ła vetura ła ze stà sotoponesta a un restyling, a òpara de'l soło Egger, che'l ga intaresà soradetuto ła parte anterior e posterior de ła vetura. Ła łinea ła ze restà scuazi invariada par cuanto revarda łe fiancade; łe modifeghe łe ga revardà in partegołar modo ła parte anterior e, in mezura minor, el posterior: A ze prezente na nova całandra, zbasada, de major dimension e arichìa da ciari de novo desenjo, pì clàsego respeto ai presedenti. I proietori, deso a forma de giosa, i prezenta na palpiera de materiałe plàstego conprensiva de tre ełementi sircołari cromài so fondo moro; ła preza d'aria soto a'l cofano inte ła prima varsion ła jera spartìa orizontalmente, in cheła sucesiva invese ła prezenta na divizion verticałe co łe parte pì esterne che łe ospita anca i zbregacałigo. Inte ła parte posterior i designer i ga redezenjà el portełon e i ga aportà intarventi łezieri so i fanałi posteriori so'l portełon mèdemo: i grupi òteghi i se zlonga inte na confegurasion triangołar, sotołineàida na modanadura cromada. A l'interno ła Nova Alfa 147 ła conferma ła sportiva e zbasada pozision de guida presedente mentre ze stà introduzesti novi cołori pa'ła plancia bicołor: grizo so grizo e blé so grizo. 'St'altri do abinamenti i va a zontarse ai clàseghi nero so nero, nero so grizo, nero so beige, anca łori parò renovà grasie a l'introdusion de un brunjołà pì rafinà de grana "bufało d'acua". Nova anca ła gràfega de ła strumentasion, nova ła seładura a "canełoni" dei sediłi e de'l paneło de ła porta e un inedito design dei pozatesta posteriori che i vien zbasà par parmétar major vizibiłità.

Inte'l meze de novenbre 2005 nase ła 147 serie 2, co redote difarense de contenjudo respeto a łe presedenti. L'ałestimento Progression a tre porte no'l ga pì l'ałeton de serie e sparise ła modanadura so'l portełon posterior, mentre tuti i ałestimenti Distinctive i vien dotà dei comandi radio a'l vołante. Anca ła varsion Exclusive ła vien azornada inte l'ałestimento, mantenjendo łe rode da 17" e sostituìndo tuti i contenjùi presedentemente ełencài co'l Connect Nav+ e i comandi radio-tełefono a'l vołante.

Inte'l setenbre 2006 vien invese prezentada ła 147 serie 3. Nuła varia so'l fronte dei ałestimenti e dei motori; ła novità ła consiste inte'l ritorno dei mustaci cromài so'l frontałe, desconparìi so'l restyling; in azonta ła greła frontałe ła ze cromada e A ze prezente na cornize cromada so ła całandra. A vien par zonta revizitàe algune serie spesiałi.

A novenbre 2008 vien invese mesa a łistin ła 147 sincue porte Serie 4.

Mecanega

Tełaro e sospension

Par 'st'altra veutra A ze stà adotada na sołusion partegołarmente sportiva nonché costoza par ła só categoria, che defati ła deriva da cueła de ła soreła major, l'Alfa Romeo 156, co sospension a 4 rode independenti de'l tipo a cuadriłatero alto inte ła parte anterior e MacPherson (mecanega) MacPherson in cueła posterior. Sołusion pardesòłito doparàe par veture de fasa asàe pì alta. Conpromeso, cofà par ła soreła mazor 156, catà da'l Gruppo Fiat, par poder tornar a sodisfar cuełe ch'A zera łe rechieste de una clienteła fortemente ezigente cofà cueła che senpre ła se ga inderisà a łe veture de'lBiscione.

Algune varsion, drioman, łe ze stàe reze disponibiłi anca co sistema difarensiałe Torsen de tipo Q2.

El pianałe utiłizà el ze el tełer Tipo 2 serie 3, doparà anca da ła Lancia Lybra, ma co ła pecułiarità de łe sospension pa'łe veture Alfa Romeo, anca par Alfa 156 (e derivada Crosswagon), Alfa GT e dal concept Alfa Romeo Kamal, mai entrada in produsion.

Motorizasion

A'l momento de'l łanso A jera disponibiłe tre motori a benzina, tuti de ła serie Twin Spark 16V: 1.6 da 105 cavałi; senpre 1.6, ma co variador de faze che'l incrementa ła potensa a 120 cavałi mejorándoghene ła fluidità; 2.0 da 150 cavałi. 'St'ùltemo propulsor el gaveva ła partegołarità de poder èsar achipajà co'l canbio robotizà Selespeed derivà diretamente da l'espariensa inte łe corse. Tuti 'sti tre motori i zera dotà de dopia inpisada a do candełe par siłindro, i jera in zonta catarizài da un andamento de ła copia partegołarmente favorevołe, fin dai basi rezimi.

Inte'l novenbre 2002 fa el só debuto ła varsion GTA, achipajada co'l motor 3.2 V6 "Busso" portà a 250 CV e za montà so ła 156 GTA.

Dettaglio del motore a benzina 3.2 V6 24V di un'Alfa Romeo 147 GTA

Par cuanto revarda łe motorizasion a gazołio, tute common rail, inte un primo tenpo l'ùnega sità disponibiłe el zera un 1.9 JTD 8V (Unijet) da 110 cavałi (de'l cuało no A se conose ezenplari entrài in sircołasion) portà daspò pochisimi mezi a 115 cavałi; inte'l novenbre 2002 ze entrà a łistin el novo 1.9 JTD 16V da 140 cavałi seguìo da un 1.9 JTD 8V da 100 cavałi che i raprezentava ła varsion d'ingreso a ła gama a gazołio e ze stà fornìo soło co alguni ałestimenti.

In ocazion de'l restyling, i motori diesel de ła gama 147 i gaveva subìo ritochi de incremento de potensa, e mejorie varie; a'l posto de'l sistema JTD A zera stà introduzesto el Multijet (denominà JTDm in caza Alfa), cusì el 1.9 16V 140 cavałi el ga benefisià de un incremento de potensa de 10 cavałi, pasando a 150 cavałi, mentre el 1.9 8V da 115 cavałi el ze pasà a 120 cavałi, mentre el motor 1.9 da 110 CV el ze ndà fora da'l łistin. I tre motori a benzina i ze restà invese invariài. Ła varsion 1.9 JTDm 150 CV ła ze disponibiłe anca co difarensiałe Torsen Q2 che ła mejora ła trasion inte onji condision de guida. A fine 2007 ga debutà na nova varsion de'l 1.9 JTDm 16V da 170 cavałi co difarensiałe Q2 so ła serie spesiałe denominad Alfa 147 Ducati Corse. In sèvito 'sto motor el ze stà rezo disponibiłe anca so ła 147 Q2 normałe mediante l'ałestimento "Sport Pack".

Seguresa

Ła vetura ła ze stà sotoponesta a łe prove d'inpato Euro NCAP inte'l corso de'l 2001, totałizando un pontezo de 3 stełe so 5. Ła 147 ła ga evidensià un pontezo de 3/16 (18%) inte'l test de inpato frontałe e de 18/18 (100%) in cueło łaterałe par un pontezo conplesivo de'l 62% a'l cuało coresponde na vałutasion de 3 stełe so 5. Drìo l'ente ezaminador, ła 147 ła ga evidensià un rezultado asè scarso inte'l test de inpato frontałe esponendo i ocupanti a seri risci de infortunio. Drioman ze stàe aportàe modifeghe par réndar l'auto pì segura inte i inpati frontałi: zbare de renforso so łe portiere, seradure renforsàe, łongheron in asaro soto el pianałe guidator.

Varsion spesiałe

Alfa Romeo 147 Ducati Corse de'l 2009

Durando i ani ła 147 ła ze stada indispensabiłe in diversi ałestimenti: Impression, Progression, CUP, Connect, Plug In, Distinctive (2001-2008), Exclusive (2004-2008), TI (2003 - 2008), BlackLine (2006-2008), Q2 (2007-2010),Moving e New Progression (2009-2010).

Ne ze stà prezentàe anca algune varsion spesiałe: ła Ducati Corse, reałizada in cołaborasion co ła Ducati, in edision łimitada da 500 ezenplari e ła C'N'C Costume National, edision łimitada de 1000 ezenplari prezentada a'l Sałon de Francoforte inte'l 2007.

Caratarìsteghe dei motori a benzina

Modeło	Disponibiłità	Motore	Siłindrata cm³	Potensa	Copia (Nm)	0–100 km/h in s	Vełosità max (km/h)	Consumo medio (km/l)
1,6 TS	da'l 2000 a'l 2010	4 siłindri in łinea	1598	77 kW (105 CV)/5600 RPM	140/4200 RPM	11,3	187	12,3
1,6 TS	da'l 2000 a'l 2010	4 siłindri in łinea	1598	88 kW (120 CV)/6200 RPM	146/4200 RPM	10,6	195	12,3
2,0 TS	da'l 2000 a'l 2009	4 siłindri in łinea	1970	110 kW (150 CV)/6300 RPM	181/3800 RPM	9,3	208	10,5
GTA	da'l 2003 a'l 2004	6 siłindri a V	3179	184 kW (250 CV)/6200 RPM	300/4200 RPM	6,2	248	7,5

Caratarìsteghe dei motori a gazołio

Modeło	Disponibiłità	Motor	Siłindrata cm³	Potensa	Copia (Nm)	0–100 km/h in s	Vełosità max (Km/h)	Consumo medio (Km/l)
1.9 JTD	da'l 2000 a'l 2002	4 siłindri in łinea	1910	74 kW (100 Cv)/4000 RPM	200/2000 RPM	12.1	183	16.8
1.9 JTD	da'l 2000 a'l 2001	4 siłindri in łinea	1910	80 kW (110 CV)/4000 RPM	275/2000 RPM	9.9	191	16.8
1.9 JTD	da'l 2001 a'l 2005	4 siłindri in łinea	1910	85 kW (115 CV)/4000 RPM	275/2000 RPM	9.9	191	16.8
1.9 JTDm	dal 2005 al 2010	4 siłindri in łinea	1910	88 kW (120 CV)/4000 RPM	280/2000 RPM	9.6	195	18.2
1.9 JTD 16V	da'l 2002 a'l 2005	4 siłindri in łinea	1910	103 kW (140 CV)/4000 RPM	305/2000 RPM	9.1	206	16.6
1.9 JTDm 16V	da'l 2005 a'l 2010	4 siłindri in łinea	1910	110 kW (150 CV)/4000 RPM	305/2000 RPM	8.8	208	17.4
1.9 JTDm 16V	da'l 2007 a'l 2009	4 siłindri in łinea	1910	125 kW (170 CV)/4000 RPM	330/2000 RPM	8,0	215	17.4

N.B: Ła 1.9 JTDm 16v 170 CV ła jera disponibiłe soło in varsion Ducati corse e drioman co l'ałestimento Sport Pack.

Produsion

Varsion	Ani	Ezenplari
Alfa 147 1.6	2000 - 10	240 262
Alfa 147 1.9 JTD	2000 - 10	346 976
Alfa 147 2.0	2000 - 10	59 196
Alfa 147 3.2 GTA	2002 - 06	5 389
Totałe		651 823

Atività sportiva

A sanca n'Alfa 147 GTA Cup

Fin da'l 2003, A ze stà organizà un canpionato europeo monomarca par łe Alfa 147 GTA in varsion Cup dotàe de motor Twin Spark da 220 CV. Inte'l 2005 'st'altra conpetision ła ghe ze stà afiancada a'l WTCC. In cheł'ano ga vinsesto el piłota irlandeze Eoin Murray.