Fontaniva

Fontaniva

Pozision
45°38′11″N 11°45′18″E45°38′11″N, 11°45′18″E (Fontaniva)
Stato	Itàłia
Rejon	Vèneto
Provinsa	provincia de Pàdoa
Capitałe	Fontaniva (it)
Popołasion
Totałe	8 048 (2023)
Densità	390,49 hab./km²
Zènaro	3 960 (%49,2)   (%49,2) 3 958
Demònemo	fontanivari o fontanivezi, Bartandi ,
Zeografia
Parte de	Union dei comuni del Brenta
Àrea	20,61 km²
Altitùdene	45 m
Rente a	Carmignan   Sitadeła   Grantorto San Zorzi in Bosco
Dati istòreghi
Dì festivo	Festa patronałe(1° de marso)
Patrono	Bertrando d'Orenga
Còdazi de identifegasion
Còdaze postałe	35014
Còdaze de matricołasion	PD
Fuzo oràrio	UTC+1 UTC+2
Clasifegasion climàtega	clima subtropegałe ùmido
Prefiso tełefònego	049
ID ISTAT	028038
Còdaze catastałe de Itàlia	D679
Sito web	comune.fontaniva.pd.it

Fontaniva el xe un comun de 8.249 abitanti de l'alta padovana.

Giografia fixica

El teritorio comunaƚe de Fontaniva el se cata 'nte'l core de ƚa pianura vèneta, al confin tra alta e basa pianura, 'nte ła xona de ƚe risorgive, e el xe traversà da ƚa Brenta.

Stòria

Orixene del nòme
A ła gran richesa d'acua del teritorio se deve probabilmente el nome de ƚa locaƚità, che secondo serti ƚa derivaria dal latin fontes ibi (chi a ghe xe de ƚe fontane) o fons viva (fontana viva).
Santo patrono	Bertrando d'Orenga

El teritorio de Fontaniva el fa parte de la centuriasion romana de Sitadèƚa-Basan e l'xe sta abità sicuramente fin da l'epoca romana. Dopo che xe cascà 'l inpero Roman ve se ga stabiƚìo xenti longobarde.

Fontaniva ƚa xe una de ƚe locaƚità interesae da ƚe visende storiche ligae a la famèja dei Exeƚini che i gheva de ƚe propietà inte'l paexe.

Monumenti e loghi d'intarèse

Architeture reƚigioxe

La cexa parochiaƚe, dedicà al Beato Bartrando e a ƚa Madòna, che de resente ƚa xe deventà dòmo, la xe sta ingrandìa pì volte inte la so stòria. Al so interno se cata anca de ƚe teƚe d'autor, come par exenpio na Ultema sèna de Palma el xóvane. De fianco a la cexa ghe xe el canpaniƚe, costruìo so na vècia tore del castèƚo (distruto, el castèƚo, inte'l 1228).

Inte'l teritorio comunaƚe se cata anca la cexa parochiale de San Dordi e racuanti oratori e cexete.

Architeture siviƚi

Come inte'l resto de ƚa canpagna vèneta na volta i laori agricoƚi i jera organixai co'l sistema de ƚe viƚe. De ste viƚe inte'l teritorio comunaƚe ghi ne xe tre:

• Viƚa Gallarati-Scotti (xà Cittadella-Vigodarzere, e al inisio de ƚa so stòria Vila Orsato) ai confini co Sitadèƚa;
• Viƚa Borromeo, a San Dordi
• Ca' Viero, in locaƚità Frata

Sosietà

Evoƚusion demografega

Abitanti censii

Etnìe e minoranse foreste

Ƚa comunità foresta pì grosa ƚa xe cueƚa rumena, scuaxi el 5% de ƚa popoƚasion del comun el vien da là.

Giografia antropica

L'ùgnoƚa frasion ła xe San Dordi in Brenta, co pì de miƚe abitanti, fondà in epoca longobarda e sede de un ramo de ƚa famèja Borromeo. Po ghe xe ƚe locaƚità de Boschi (l'ùgnoƚa in dreta Brenta), Caxoni, Fontaniveta e Frata.

Conomìa

Ƚa conomìa del paexe ƚa xe da senpre ligà a i materiaƚi ricavai da ƚa Brenta, fra tuti ƚa giara. Inportante xe sta, inte'l pasà, anca ƚe fornaxe da calse. Pì resente l'industria ligà ai pre-fabricai.

Aministrasion

Xemełagi

• Bartin (dal 2005)

• Amasra (dal 2005)

• Nova Pádua (dal 2010)

Voxe ligae

• Ła Brenta
• San Dordi in Brenta

Altri progeti

Altri progetti

• Wikimedia Commons

• Wikimedia Commons el detien imàjini o altri file so Fontaniva
• el detien schemi gràfeghi so