Sinxron suzish
![]() | |
Xarakteristikalari | |
---|---|
Kontakt | Ha |
Mintaqa | Butun dunyo |
Sinxron suzish — suvda turli figuralarni musiqa sadolari ostida ijro etish bilan bogʻliq suv sporti.
Koʻrinishidan oson tuyuladigan bu sport turi, ya’ni sinxron suzish sportchilardan juda katta mashaqqat talab etadi — suvda raqs tushuvchi sportchilar jiddiy ruhan jismoniy ogʻirlikni oʻz zimmalariga olgan holatda ulardan nafaqat chidamlilik, balki moslashuvchanlik, mukammal tajribalik, nafislik va nafas olish nazoratini ushlab tura bilish kerak boʻladi.
![](http://upload.wikimedia.org/wikipedia/commons/thumb/3/3f/%D0%94%D1%83%D1%8D%D1%82_%D0%A1%D0%B8%D0%BD%D1%85%D1%80%D0%BE%D0%BD%D0%BD%D0%BE%D0%B5_%D0%BF%D0%BB%D0%B0%D0%B2%D0%B0%D0%BD%D0%B8%D0%B5_%D0%A3%D0%A0.jpg/220px-%D0%94%D1%83%D1%8D%D1%82_%D0%A1%D0%B8%D0%BD%D1%85%D1%80%D0%BE%D0%BD%D0%BD%D0%BE%D0%B5_%D0%BF%D0%BB%D0%B0%D0%B2%D0%B0%D0%BD%D0%B8%D0%B5_%D0%A3%D0%A0.jpg)
Rasmiy musobaqalar sport yoʻnalishlari boʻyicha:
• figuralar
• yakkaxon
• yakkaxon-texnik dastur
• yakkaxon — erkin dastur
• duet • duet-texnik dastur
• duet — erkin dastur
• duet-aralash
• duet-aralash-texnik dastur
• duet-aralash- erkin dastur
• guruh • guruh — texnik dastur
• guruh — erkin dastur
• kombi
• akrobatik guruhi doirasida oʻtkaziladi.
Yosh boʻyicha: ayollar va erkaklar, oʻsmirlar va yoshlar, qizlar va oʻsmirlar, qiz va oʻgʻil bolalar. Bundan tashqari 15 yosh va undan katta; 15-18 yosh; 13-15 yosh; 13 yoshgacha guruhlarga ajratiladi.
MUSOBAQA ISHTIROKCHILARI quyidagi yosh toifalarida: qizlar, oʻgʻil bolalar, 11—12 yosh qizlar, 9—10 yoshli oʻgʻil bolalar, qizlar 8—9 yosh, oʻgʻil bolalar 7—8 yosh va 13 yoshgacha boʻlgan guruhda musobaqalar oʻtkazish mumkin.
Tarixi
[tahrir | manbasini tahrirlash]Dastlab suv baleti sifatida tanilgan bu sinxron suzish sporti 1920-yillarda Kanadada paydo boʻlgan. Keyingi oʻn yil ichida u Amerika Qoʻshma Shtatlarigacha tarqaldi. Sinxron suzish boʻyicha koʻrgazmali chiqishlar 1948-yilda Olimpiya oʻyinlariga kiritilgan va yigirma yil davomida saqlanib kelingan. Faqat 1984-yilda Los-Anjelesdagi oʻyinlarida ular toʻla huquqli olimpiya sport turi maqomini oldilar: shunda yakkalik va juftlik sinxron suzish boʻyicha namoyish koʻrsatishdi.
Musobaqalar texnik va uzoq dasturlardan iborat. Birinchi holatda, sportchilar ma’lum figuralarni bajaradilar. Davomli dasturda musiqiy yoki xoreografik kompozisiyaga hech qanday cheklovlar yoʻq. Sinxronlashtirilgan suzish boʻyicha hakamlar tomonidan beriladigan baholar xuddi figurali uchishdagiga oʻxshaydi. Sportchilarning harakatlarini baholaydigan hakamlar hay’ati ikki guruhdan iborat boʻlib, ularning har biri besh kishidan iborat: bir guruhi dasturiy chiqish texnikasini, ikkinchisi – badiiy mahoratini baholaydi. Hakamlar hovuzning ikki tomonida oʻtirishadi. Minimal ball - 0,1 ball. Hakamlar hay’atining har bir a’zosi berishi mumkin boʻlgan maksimal ball - oʻn ball tizimida.
2017-yilda Xalqaro suzish federasiyasi ushbu sport turining ommaviyligini oshirish maqsadida “sinxron suzish” nomini “badiiy suzish” deb oʻzgartirdi[1].
Ilgari sinxron suzish an’anaviy tarzda ayollar sporti boʻlgan boʻlsa, endi yakkalik va juftlik musobaqalarida erkaklar va bolalar ham ishtirok etishadi[2][3].
Olimpiya oʻyinlarida sinxron suzish
[tahrir | manbasini tahrirlash]1992-yilgi Barselona Olimpiadasi oldidan sinxron suzish dasturi yakkalik (yakkaxon) va juftlikdan iborat edi.
1996-yildagi Atlanta oʻyinlarida Olimpiya musobaqalarining sinxron suzish dasturiga oʻzgartirishlar kiritildi: yakkalik va juftlik musobaqalari olib tashlanib, oʻrniga guruh mashqlari qoʻyildi. Shunday qilib, Atlantadagi Olimpiya oʻyinlarida ushbu sport turida faqat bitta sovrin toʻplami uchun kurash olib borildi. Ushbu musobaqalarda ishtirok etayotgan har bir mamlakat terma jamoasidan oʻn nafar sportchilar qatnashdi. AQSH terma jamoasi oltin medalni, kanadaliklar kumush va Yaponiya terma jamoasi bronza medalini qoʻlga kiritdi.
2000-yilgi Olimpiya oʻyinlaridan buyon ikkita Olimpiya mukofotlari toʻplami - duet va guruhlar oʻrtasida (8 nafar sportchilar) ishtirok etishdi.
Manbalar
[tahrir | manbasini tahrirlash]- ↑ „Синхронное плавание переименовали. В «артистическое»“. 2020-yil 25-sentyabrda asl nusxadan arxivlangan. Qaraldi: 2017-yil 23-iyul.
- ↑ Synchronized Swimming Coach. „Bill May Heartbeat Solo 2002“ (2015-yil 4-iyun). 2017-yil 6-noyabrda asl nusxadan arxivlangan. Qaraldi: 2018-yil 19-may.
- ↑ Universal Sports Network. „Russia 2nd in first Mixed Synchro Swim Champs - Universal Sports“ (2015-yil 26-iyul). 2020-yil 1-martda asl nusxadan arxivlangan. Qaraldi: 2018-yil 19-may.