Antis

Antis
Kelib chiqishi	Litva
Janrlar	New wave, post-punk, art rock, shock rock, ska
Faoliyat yillari	1984–1990 1996, 2003, 2005 2007–2016
Leybllar	Melodya CCS Zona records MP3 Shownet
Veb-sayt	www.antis.lt

Antis — Litvaning postmodernist rok guruhi.

Kelib chiqishi

„Antis“ litva tilida „oʻrdak“ degan maʼnoni anglatadi. Lekin ayni paytda „gazeta oʻrdak“ ning qisqartmasi boʻlib, soʻzlashuvda keng ishlatiladi va bir necha Yevropa tillarida yolgʻon gazeta xabari, kanard (inglizcha: canard) degan maʼnoni anglatadi. Algirdas Kaushpėdas oʻz intervyusida guruh nomi aniq maqsadda tanlangan ekanligini aytdi. Bundan tashqari, sovet davridagi rasmiy „Tiesa“ (Litva tilida: „Haqiqat“, rasmiy Sovet kommunistik gazetasi „Pravda“ gazetasi) nomiga soʻz oʻyin boʻlib, bu nom Sharqiy blokdagi ommaviy axborot vositalarida noxolis xabarlar va haqiqatni notoʻgʻri eʼtirof etishni nazarda tutgan. Guruhning 1987-yilgi albomining muqovasida Tiesa logotipining kesilgan harflaridan yigʻilgan „Antis“ nomi aks ettirilgan edi. Kaušpėdasning soʻzlariga koʻra, mashhur notoʻgʻri qarashlardan farqli oʻlaroq, guruh nomi „Anti-Sovet“ soʻzini ifodalash maqsadida „Anti-S“ deb oʻqish uchun moʻljallanmagan. Biroq nomning shunday talqin qilinishini birinchi marta eshitganda, oʻrinli deb topdi va eʼtiroz bildirmadi.

Tarixi

1986-yilda Sovet Ittifoqining soʻnggi kunlarida Litvada alternativ rok portlashi sodir boʻlgan. Bungacha boʻlgan vaqt mobaynida barcha „gʻarbiy past sifatli musiqalar“, jumladan Ramones, AC/DC va Elis Kuperning qoʻshiqlari taqiqlangan edi.

Algirdas „Pablo“ Kaušpėdas 1984-yilda Kaunasdagi arxitektorlar uyushmasi uchun uyushtirgan yangi yil ziyofatida ishtirokchilarni xursand qilish maqsadida hazil tariqasida Antis guruhiga asos solgan. Guruhning chiqishlari shu qadar muvaffaqiyatli boʻlganki, guruh haqida butun Litva boʻylab xabar tarqalgan. Antis siyosiy motivli guruh boʻlib, taqiqlangan musiqani bir nechta uslublarda, shu jumladan skada ijro etgan. Shuningdek, ular oʻzlarining qoʻshiqlarini istehzoli soʻzlar bilan yozgan. 1986-yil yanvar oyida Vilnyusdan damli cholgʻuchilar boʻlimi guruhga qoʻshilgan va Petras „Sniegius“ Ubartas (boshqa bir bastakor, trubachi va gitarachi) guruhning musiqiy rahbariyatini oʻz qoliga olgan va bu ayni vaqtda Pablo qoʻshiq matni va reklamaga eʼtibor qaratishi uchun zamin yaratgan. Antis Vilnyus universitetidagi festivalda va shunga oʻxshash bir qator tadbirlarda kuylash uchun taklif qilingan.

Lituanica 86 festivalida Antisning chiqishi rossiyalik rok yulduzlari Akvarium va Bravo guruhlarini soya ostida qoldirdi. Keyingi chiqishlar Antisni milliy sensatsiyaga aylantirdi va ular butun sobiq Sovet Ittifoqidagi eng yaxshi rok guruhlardan biri sifatida tanildi. Antis shu qadar mashhur boʻldiki, ularning tomoshabinlari yuz minglab odamlarni tashkil etdi. Ular Yevropa va Qoʻshma Shtatlarning koʻp qismlariga gastrol safarlarini amalga oshirishdi.

Algirdas Kaušpėdas sahnada boʻyalgan yuzlar, moslangan musiqachilar, mototsikllar va kosmik kema modellari bilan dramatik jonli shou yaratdi. Guruh uchta videoklip yaratadi, keyinchalik ular 1986-yilda chiqqan „Kažkas Atsitiko“ (tarjimasi „Nimadir sodir boʻldi“) musiqiy filmida ishlatiladi.

17 yillik tanaffusdan soʻng (oxirgi albom 1990-yilda chiqarilgan) guruh 2007-yil 16-dekabrda „Ančių dainos“ (inglizcha: Songs of Ducks) albomini chiqaradi. Dastlabki albom sotuvi kutilganidan oshib ketadi va Antisning eng koʻp sotilgan albomiga aylanadi. Guruh 2016-yil 5-iyul kuni Trakay oroli qalʼasida rasmiy xayrlashuv konsertini oʻtkazadi. Ertasi kuni Raudondvaris qasrida yana bir chiqish qiladi va Antisning hikoyasi boshlangan joyda yakunlanadi.

Diskografiyasi

• Antis (1987)
• Anties Dovanėlė (1989)
• Geriausios Dainos (1995)
• Ša! (2003)
• Kažkas Atsitiko (2003)
• Visa Antis (2003)
• Antis Gyva (2005)
• Ančių Dainos (2007)
• Rugpjūčio 33 (2009)
• Zuikis Pleibojus (2009)
• Baisiai džiugu (2013)
• 2XDuck! (2013)
• Zombiai, Atrieda atidunda! (2015)
• Geriausios Dainos 2 (2016)

Havolalar

• Official website