ونے پاٹھک

ونے پاٹھک
معلومات شخصیت
پیدائش	12 جولا‎ئی 1968ء (56 سال)  دھنباد
شہریت	بھارت
عملی زندگی
مادر علمی	جامعہ اسٹونی بروک الہ آباد یونیورسٹی
پیشہ	ٹیلی ویژن میزبان ،  فلم ساز ،  اداکار ،  ٹیلی ویژن اداکار
پیشہ ورانہ زبان	ہندی
	IMDB پر صفحات

ونے پاٹھک ایک بھارتی اداکار ہیں جنھوں نے "کھوسلہ کا گھوسلا"، "بھیجا فرائی"، "آئس لینڈ سٹی" اور "جانی غدار" سمیت کئی فلموں میں اداکاری کی، انھیں شہرت فلم کھوسلا کا گھوسلا میں آصف اقبال کے کردار سے ملی، اس کے بعد بھیجا فرائی میں بھی ان کے اداکاری کو ناظرین اور ناقدین نے بہت سراہا۔ انھوں نے شاہ رخ خان کے ساتھ فلم "رب نے بنادی جوڑی" میں بھی معاون کردار نبھایا تھا۔

ابتدائی زندگی

ونے پاٹھک ضلع بھوج پور، بہار میں پیدا ہوئے۔ انھوں نے اپنی ابتدائی تعلیم  وکاس ودیالہ، رانچی سے حاصل کی۔ جہاں وہ 1982 کے بیچ کے سابق طالب علم تھے۔  انھوں نے گریجویشن الہ آباد یونیورسٹی سے حاصل کی اور پھر ریاست ہائے متحدہ امریکا میں اعلی تعلیم کے لیے چلے گئے۔

کیریئر

ونے پاٹھک نے اسٹونی بروک اسٹیٹ یونیورسٹی نیویارک میں کئی تھیٹر ڈراموں  میں کام کیا۔ بالی ووڈ میں ونے پاٹھک نے اداکاری کی ابتدا چھوٹے موٹے کرداروں سے کی۔  کامیڈی فلم  کھوسلہ کا گھوسلا  میں ان کے کردار سے ان کو پہچان ملی۔  جلد ہی اس کے بعد کامیڈی فلم  بھیجا فرائی  میں ان کی کارکردگی کو سراہا گیا۔ 1999ء میں انھوں نے ٹیلی ویژن سیریز ہپ ہپ ہررے میں ونے کا کردار ادا کیا۔ انھوں نے ایک فلم بھی پروڈیوس کی جس کا نام  دسویدانیا  (روسی زبان میں اس کا مطلب الوداع ہے) تھا، اس فلم کی کہانی ایک عام آدمی کی ہے جو ایک مرض کی وجہ سے مرنے والا ہے مگر وہ اس سے پہلے لوگوں کو اچھی طرح الوداع کہنا چاہتا ہے۔  ونے پھاٹک نے اپنے ساتھی فنکار کے ساتھ ساتھ اچھے دوست رنویر شورے  کے ساتھ ٹیلی ویژن شو OYE میں بھی میزبانی کی۔ 

اپنے  دوست اور شریک فنکار  رنویر شورے  کے ساتھ ہی انھوں نے ایک ٹاک شو رنویر ونے اور کون؟۔ میں بھی میزبانی کے فرائض انجام دئے۔   یہ دونوں فنکار مزید دیگر ٹیلی ویژن شو   ہاؤس اریسٹ اور دنیا گول ہیں میں بھی کام کیا۔ اس کے علاوہ ونے پاٹھک، اپنے دوست رنویر شورے ، سریش مینن اور گورو گھیرا کے ساتھ ایک کامیڈی شو گریٹ انڈین لافٹر شو کا بھی حصہ رہے۔ انھوں نے اسپورٹس شو کرکٹ کریزی ود شورے کی بھی میزبانی کی۔

ونے پاٹھک نے 2005ء میں کینیڈین ٹیلی ویژن کی ایک انگریزی فلم مرڈر انویلڈ میں انسپکٹر گرپال بخش کا ایک معمولی کردار نبھایا۔

اس کے بعد ونے پاٹھک نے کئی ہندی فلموں مثلاً جانی غدار ، آجا نچلے،  کھویا کھویا چاند چاند اور رب نے بنادی جوڑی  اور مائی نیم از خان میں بھی کام کیا۔ 

ونے پاٹھک  کی دیگر مشہور فلمیں جن میں انھوں نے اہم اور مرکزی کردار نبھائے ان میں  بھیجا فرائی2، دی فلم ایموشنل اتیاچار، چلو دلّی، اوُٹ پٹانگ، تیرے میرے پھیرے، پپو کانٹ ڈانس سالہ اور آئس لینڈ سٹی شامل ہیں۔

ونے پاٹھک دیپک بھانوشالی کے ساتھ  ونس مور اسٹوڈیوز کے محل وقوع پر

ذاتی زندگی

ونے پاٹھک نے سونیا سہائے سے شادی کی ہے

فلموں کی فہرست

ٹیلی ویژن

سال	ٹی وی سیریل	کردار	ٹی وی چینل	زبان	نوٹ
2001	کہانیاں پوری فلمی ہے	میزبان/پرستتکرتا	سونی سیٹ میکس	ہندی

اداکار

سال	فلم	کردار	زبان	نوٹ
2015	گور ہری داستان	گور ہری داس	ہندی
	آئس لینڈ سٹی	ہندی
	چڑیا	بالی	ہندی
	بدلہ پور	ہرمن	ہندی
	بجاتے رہو	منٹو حسن	ہندی
2012	وِنڈ آف چینج	ہارڈی	انگریزی
	فاتسو!	ہندی
	میکسیمم	ہندی
2011	پپو کانٹ ڈانس سالہ	ودیادھر آچاریہ	ہندی
	تیرے میرے پھیرے	ہندی
	بھیجا فرائی 2	بھارت بھوشن	ہندی
	جو ڈوبا سو پار	ہندی
	اُوٹ پٹانگ	ہندی
	چلو دلّی	منو گپتا	ہندی
	ایک تھو چانس	ہندی
2010	انتروند	مدھوکر شاہی	ہندی
	دی فلم ایموشنل اتیاچار	جوئے
	مائی نیم از خان	جتیش	ہندی
2009	رات گئی بات گئی	امیت	ہندی
	کوئیک گن مورگن	چتر گپت	ہندی
	اسٹرئیٹ	مسٹر پینو پٹیل	ہندی
2008	اوہ، مائی گاڈ	راجیندر دوبے	ہندی
	دساویدانیا	امر کول	ہندی	پروڈیوسر و ہدایتکار
	رب نے بنادی جوڑی	بلوندر"بوبی" کھوسلا	ہندی
	وایا ڈارجلنگ	انسپکٹر روبن دت	ہندی
	مٹھیا	رام بھائی	ہندی
	منورما سکس فیٹ انڈر	سب انسپکٹر برج موہن	ہندی
2007	جانی غدار	پرکاش	ہندی
	آجا نچلے	مسٹر چوجر	ہندی
	بھیجا فرائی	بھارت بھوشن	ہندی
	سے سلام انڈیا	مسٹر چوپڑا	ہندی
2006	کھوسلا کا گھوسلا	آصف اقبال	ہندی
	مکسڈ ڈبل	ونے	ہندی
2005	مرڈر انویلڈ	انسپکٹر گرپال داس
2003	جسم	ڈی سی پی سدھارتھ	ہندی
2000	ہر دل جو پیار کرے گا	مونٹی	ہندی
1999	ہم دل دے چکے صنم	ترون	ہندی
1998	فائر	تاج محل پر گائیڈ
	بمبے بوائز	چائے والا	ہندی	ہدایتکار

پروڈیوسر

سال	فلم
2008	دساویدانیا

بیرونی روابط

• انٹرنیٹ مووی ڈیٹابیس میں ونے پاٹھک