Lacoste

  

Lacoste S.A.

Flagship store sa Champs-Élysées
Uri	Société anonyme
Industriya	Fashion
Itinatag	1933 (1933)
Nagtatags	René Lacoste André Gillier
Punong-tanggapan	Troyes, Pransiya
Dami ng lokasyon	1,100 (2023)
Pinaglilingkuran	Worldwide
Pangunahing tauhan	Didier Maus (Executive Chairman) Thierry Guibert (CEO) Louise Trotter (CCO)
Produkto	Damit Sapatos Pabango Kagamitan sa bahay
Kita	$2.69 billion (2022)
Dami ng empleyado	8,500 (2019)
Magulang	Maus Frères
Website	lacoste.com

Ang Lacoste S.A. ay isang kumpanyang Pranses ng luxury sports fashion, na itinatag noong 1933 ng manlalaro ng tennis na si René Lacoste, at ng negosyanteng si André Gillier. Nagbebenta ito ng damit, kasuotan sa paa, kasuotang pampalakasan, kasuotan sa mata, mga gamit na gawa sa balat, pabango, tuwalya at relo. Ang kumpanya ay maaaring makilala sa pamamagitan ng kanilang logo na isang luntiang buwaya na Crocodile. Si René Lacoste, ang founder ng kumpanya, ay unang binigyan ng palayaw na "the Crocodile" ng mga Amerikano pagkatapos niyang pumusta sa kanyang team captain ng isang maleta na gawa sa balat ng buwaya kung siya ang mananalo sa kanyang laban. Kalaunan ay binansagan siya bilang "The Crocodile" ng mga Pranses dahil sa kanyang tiyaga sa palaruan ng tennis. Noong Nobyembre 2012, direktang binili ang Lacoste ng Swiss family-held group na Maus Frères.

Kasaysayan

Itinatag ni René Lacoste ang La Chemise Lacoste noong 1933 kasama si André Gillier, may-ari at pangulo ng pinakamalaking kumpanya sa pagmamanupaktura ng Pranses na mga niniting na damit noong panahong iyon. Nagsimula silang gumawa ng <i>tennis shirt</i> na idinisenyo at isinuot ni Lacoste sa mga palaruan ng tennis na may burda na logo ng buwaya sa dibdib. Sinasabi ng kumpanya na ito ang unang halimbawa ng isang pangalan ng tatak na lumalabas sa labas ng isang artikulo ng damit.

Simula noong 1950s, gumawa si Izod ng damit na kilala bilang Izod Lacoste sa ilalim ng lisensya para sa pagbebenta sa Estados Unidos. Natapos ang pakikipagsosyong ito noong 1993 nang mabawi ni Lacoste ang mga eksklusibong karapatan ng Estados Unidos na ipamahagi ang mga damit sa ilalim ng sarili nitong pangalan. Noong 1977, itinatag ang Le Tigre Clothing sa pagtatangkang direktang makipagkumpitensya sa Lacoste sa merkado ng Estados Unidos, na nagbebenta ng kaparehong hanay ng mga damit, ngunit nagtatampok ng tigre bilang kapalit ng buwaya ng Lacoste.

Kamakailan lamang, tinanggap ang taga-disenyong Pranses na si Christophe Lemaire upang lumikha ng isang mas makabagong hitsura sa Lacoste. Noong 2005, halos 50 milyong produkto ng Lacoste ang naibenta sa mahigit 110 bansa. Nadagdagan ang bisibílidád nito dahil sa mga kontrata sa pagitan ng Lacoste at ilang manlalaro ng tennis, kabilang ang mga dating Amerikanong manlalaro ng tennis na sina Andy Roddick at John Isner, beteranong Pranses na si Richard Gasquet, at Suwisong Olympic gold medalist na si Stanislas Wawrinka. Sinimulan na rin ng Lacoste na palakihin ang presensya nito sa mundo ng golf, kung saan nakitang nagsusuot ng mga kamisetang Lacoste sa mga paligsahan ang kilalang kampeon ng dalawang beses sa Masters Tournament na si José María Olazábal at Scottish golfer na si Colin Montgomerie.

Malubhang nagkasakit si Bernard Lacoste noong unang bahagi ng 2005, na nagbunsod sa kanya na ilipat ang pagkapangulo ng Lacoste sa kanyang nakababatang kapatid at pinakamalapit na katuwang sa loob ng maraming taon na si Michel Lacoste. Namatay si Bernard sa Paris noong 21 Marso 2006.

Nililisensyahan ng Lacoste ang tatak nito sa iba't-ibang kumpanya. Hanggang kamakailan lamang, pagmamay-ari ng Devanlay ang eksklusibong lisensya sa pananamit sa buong mundo, ngunit ngayon ang Lacoste Polo Shirts ay ginagawa na din sa ilalim ng lisensya sa Taylandiya ng ICC at gayundin sa Tsina. May eksklusibong lisensya para gumawa ng Lacoste footwear sa buong mundo ang Pentland Group, ang Coty Inc. ang nagmamay-ari ng eksklusibong pandaigdigang lisensya para makagawa ng pabango, at ang CEMALAC ang may hawak ng lisensya upang makagawa ng mga bag ng Lacoste at maliliit na mga produktong yari sa katad.

Noong Hunyo 2007, ipinakilala ng Lacoste ang kanilang e-commerce site para sa merkado ng Estados Unidos. Noong 2009, si Hayden Christensen ang naging mukha ng pabango ng Challenge para sa mga lalaki. Noong Setyembre 2010, bumaba sa pwesto si Christophe Lemaire at si Felipe Oliveira Baptista ang humalili sa kanya bilang creative manager ng Lacoste.

Ang René Lacoste Foundation ay isang programa sa komunidad na binuo upang matulungan ang mga bata na makapaglaro ng sports sa paaralan. Noong Marso 2016, nagbukas ang kumpanya ng bagong flagship store sa Fashion Street sa Budapest .

Noong 2017, ang manlalaro ng tennis na si Novak Djokovic ay pinangalanang brand ambassador at "ang bagong buwaya" (sa tabi ni Rene Lacoste) para sa Lacoste. Kasama sa obligasyong ito ang isang limang taong kontrata pati na rin ang maraming pagpapakita sa mga kampanya sa advertising, at pinalawig ng tatlong taon.

Noong Setyembre 2019, hinirang ni Lacoste ang Chinese singer/actor na si Z.Tao bilang kanilang brand spokesperson para sa Asia Pacific bilang unang pagtatangka ng brand sa paghirang ng isang tao para sa rehiyon. Noong 2017, 2018, at 2019, nakipagtulungan si Lacoste sa Supreme para maglabas ng koleksyon ng mga damit na may co-branded.

Noong 2018, si Louise Trotter ay hinirang na creative director ng Lacoste. Noong Enero 2023, umalis siya sa kanyang posisyon pagkatapos ng apat na taong panunungkulan.

Noong huling bahagi ng 2022, nilagdaan ni Lacoste ang isang 15-taong pandaigdigang kasunduan sa paglilisensya sa Interparfums at nagplanong maglunsad ng bagong linya ng pabango noong 2024, pagkatapos na tapusin ang dati nitong relasyon sa Coty Inc.

.3303In 2023, Pelagia Kolotouros became the creative design director of Lacoste. The same year, in December, Arthur Fils became the brand ambassador of Lacoste.

Noong 2024, hinirang si Pierre Niney bilang bagong brand ambassador ng Lacoste. Sa parehong taon, si Wang Yibo ay naging Global Ambassador ng Lacoste.

Panlabas na kawing

• Opisyal na website