Arnibal

Ang arnibal, sirup, o harabe (Kastila: almibar o arnibar; Ingles: syrup) ay isang uri ng makapal at malapot na pulot na nagagawa sa pamamagitan ng pagpapakulo ng asukal sa tubig.^[1]

Sa panggagamot

Kahalagahan

Nagagamit ang arnibal, dahil sa laman nitong asukal o pulot-pukyutan, sa pagtitinggal o pagpepreserba ng mga inpusyon at mga dekoksyon. Kabilang pa sa mga maiinam na katangian nito ang pagiging nakapagpapaginhawa ng pakiramdam (partikular na ang pulot-pukyutan), nakapagkukubli ng hindi kaayaayang lasa ng yerba, at nagagamit na pampalasa sa mga gamot na pambata.^[2]

Mga sangkap

Sa paghahanda ng arnibal na may halamang-gamot, gumagamit ng hinandang 500 ml na inpusyon o dekoksyon, at 500 mga gramo ng pulot-pukyutan o kaya hindi repinadong asukal.^[2]

Mga kagamitan

Gumagamit sa pagluluto nito ng mga kasangkapang maliit na kawali, kahoy na kutsara, boteng may madilim na salamin at may mga tapon para sa pag-iimbak, at ang maaaring walang embudo. Mahalaga ang mga pantakip na tapon, sa halip na naiikot o natuturnilyong mga takip, dahil kalimitang pumasasailalim sa proseso ng permentasyon o pag-alsa ang mga arnibal. Nakasasanhi ng pagsambulat o pagsabok ng boteng may takip na umiikot ang permentasyon.^[2]

Paghahanda

Sa pagluluto at paghahanda, pinapainit ang 500 ml na inpusyon o dekoksyon sa isang maliit na kawali. Dinaragdagan ito ng 500 mga gramong pulot-pukyutan o hindi repinadong asukal. Paminsan-minsang hinahalo ito hanggang sa matunaw. Pagkaraan, pinababayaan lumamig ang arnibal. Pagkalamig, ibinubuhos ito sa isang boteng may madilim na salamin. Tinatakpan ito ng tapon.^[2]

Pag-inom

Sa pag-inom, sapat na 5 hanggang 10 ml, tatlong ulit sa loob ng isang araw.^[2]

Mga sanggunian

↑ English, Leo James. Diksyunaryong Tagalog-Ingles, Kongregasyon ng Kabanalbanalang Tagapag-ligtas, Maynila, ipinamamahagi ng National Book Store, may 1583 na mga dahon, ISBN 971910550X
↑ ^2.0 ^2.1 ^2.2 ^2.3 ^2.4 Ody, Penelope (1993). "Syrup". The Complete Medicinal Herbal. DK Publishing, Inc.{{cite ensiklopedya}}: CS1 maint: date auto-translated (link), pahina 121.

[TE-1] English, Leo James. Diksyunaryong Tagalog-Ingles, Kongregasyon ng Kabanalbanalang Tagapag-ligtas, Maynila, ipinamamahagi ng National Book Store, may 1583 na mga dahon, ISBN 971910550X

[TCMH-2] 2.0 ^2.1 ^2.2 ^2.3 ^2.4 Ody, Penelope (1993). "Syrup". The Complete Medicinal Herbal. DK Publishing, Inc.{{cite ensiklopedya}}: CS1 maint: date auto-translated (link), pahina 121.

[1]

[2]