Анна Голубкина

Анна Голубкина
Таърихи таваллуд	16 (28) январ 1864
Зодгоҳ:	Зарайск[d], Губернияи Рязан[d], Русияи подшоҳӣ
Таърихи даргузашт	7 сентябр 1927(1927-09-07)[…] (63 сол)
Маҳалли даргузашт	Зарайск[d], Губернияи Рязан[d], ҶШФСР[d], ИҶШС
Мамлакат:	Русияи подшоҳӣ  ҶШФСР (1917—1922)[d]  ИҶШС
Парвандаҳо дар Викианбор

Анна Семёновна Голубкина (16 [28] январ 1864, Зарайск^[d], Губернияи Рязан^[d] — 7 сентябр 1927^[…], Зарайск^[d], Губернияи Рязан^[d]) — ҳайкалтароши рус, яке аз устодони номдори даврони мудерн.

Зиндагинома

Дар Омӯзишгоҳи рассомӣ, ҳайкалтарошӣ ва меъмории Маскав (1889-94), АР Петербург (1894) ва Академияи Ф. Коларосси Порис (1895—1900) таҳсил намудааст. Соли 1897 дар Порис бо О. Роден шинос шуд, ки ӯро устоди воқеии худ мешуморад. Баъди ин шиносоӣ аз сабки «передвижникҳо», ки хосси марҳалаи аввали эҷодиёташ буд, даст мекашад ва осори минбаъдааш зери таъсири импрессионизм рушд мекунад. Намунаи корҳои Анна Голубкина бори нахуст соли 1899 дар толори Баҳории Порис ба комёбӣ расидаанд. Анна Голубкина соли 1901 даромадгоҳи ҷашнии Театри академии бадеии Маскавро ороиш дод. Барои осори Анна Голубкина образҳои ҷомеи рамзӣ («Пирӣ, 1898;» «Туман», 1899; «Раҳнавард», 1903; «Барда», 1909; «Дур аз мусиқӣ ва оташ», 1910; «Дарахти тӯс», 1927), инчунин портретҳои психологӣ, ки дар онҳо хислат, симои эҳсосиву рӯҳии қаҳрамононаш таҷассум ёфтаанд (А. Белий, 1907; Е. Носова, 1912; Л. Н. Толстой, 1927) хос мебошанд.

Анна Голубкина ба корҳои омӯзгорию ҷамъиятӣ низ машғул буд. Узви Комиссияи оид ба ҳифзи ёдгориҳои куҳани ҳунарӣ ва мақомоти Шӯрои Маскав дар мубориза ба зидди бепарасторӣ буд. Соли 1923 китоби «Чанд сухан аз маҳорати ҳайкалтарош»-ро ба нашр расонд.

Сарчашма

• Голубкина Анна Семёновна // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.