பொதுநலவாய விளையாட்டுக்கள்

பொதுநலவாய விளையாட்டுகள்
Commonwealth Games
	பொதுநலவாய விளையாட்டுகளின் கூட்டமைப்பு சின்னம், 2001ஆம ஆண்டு வடிவமைக்கப்பட்டது
	;
குறிக்கோள்	மனிதம்– சமநிலை– வெற்றி
தலைமையகம்	இலண்டன், ஐக்கிய இராச்சியம்
பொதுநலவாய செயலகம்	மாண்புமிகு. மைக்கேல் ஃபென்னல் OJ, CD
இணையதளம்	பொதுநலவாய விளையாட்டுகள் கூட்டமைப்பு

பொதுநலவாய (காமன்வெல்த்) விளையாட்டுக்கள் (Commonwealth Games) என்பவை ஒரு பன்னாட்டு, பல-விளையாட்டுப் போட்டிகள் கொண்ட நிகழ்வாகும். ஒவ்வொரு நான்காண்டுகளுக்கொருமுறை நடத்தப்படும் அவை பொதுநலவாய நாடுகளின் உயர் மட்ட விளையாட்டு வீரர்களுக்கான போட்டிகளாகும். பொதுநலவாய விளையாட்டுக்களில் பங்கேற்கும் வீரர்களின் எண்ணிக்கை வழக்கமாக ஏறத்தாழ 5,000 மாக இருக்கும். பொதுநலவாய விளையாட்டுக்களின் கூட்டமைப்பு (CGF) இந்த விளையாட்டுக்களை இயக்கவும் கட்டுப்படுத்தவும் பொறுப்பான நிறுவனமாகும்.

அத்தகைய முதல் போட்டி நிகழ்வாக, பிரித்தானியப் பேரரசு விளையாட்டுக்கள் என அறியப்பட்டு, கனடாவின் ஒண்டாரியோ மாகாணத்தின், ஹாமில்டனில் 1930 ஆம் ஆண்டு நடத்தப்பட்டது. 1954 ஆம் ஆண்டில் இப்பெயரானது பிரித்தானியப் பேரரசு மற்றும் பொதுநலவாய விளையாட்டுக்கள் என்றிருந்து. பின்னர் 1970 ஆம் ஆண்டு பிரித்தானிய பொதுநலவாய விளையாட்டுக்கள் என மாற்றப்பட்டது. தற்போதைய பெயரான பொதுநலவாய விளையாட்டுக்கள் என்பது 1978 ஆம் ஆண்டு முதல் அதிகாரபூர்வமாக்கப்பட்டது^[1].

பல ஒலிம்பிக் விளையாட்டுக்களைப் போல, இந்த விளையாட்டுப் போட்டிகள் பொதுநலவாய நாடுகளின் சில முக்கிய விளையாட்டுக்களை உள்ளடக்கியுள்ளது: அவை லான் பவல்ஸ், ரக்பி செவன்ஸ் மற்றும் நெட்பால் போன்றவையாகும்.

தற்போது பொதுநலவாய நாடுகள் அமைப்பில் 54 உறுப்பினர்கள் உள்ளனர் மற்றும் 71 அணிகள் விளையாட்டுகளில் பங்கேற்கின்றனர். ஐக்கிய ராச்சியத்தின் நான்கு அங்கங்களான - இங்கிலாந்து, ஸ்காட்லாந்து, வேல்ஸ் மற்றும் வடக்கு அயர்லாந்து ஆகியவை (ஒலிம்பிக் போட்டிகளுக்கு ஐக்கிய இராச்சியம் ஒரே அணியை அனுப்புவது போலல்லாமல்) பொதுநலவாய விளையாட்டுக்களுக்கு தனித்தனியான அணிகளை அனுப்புகின்றன. மேலும் பிரிட்டன் சார்நிலைப்பகுதிகள் - குயெர்ன்சி, யேர்சி, மற்றும் மாண் தீவு - மற்றும் பல பிரித்தானிய கடல்கடந்த மண்டலங்கள் தனித்தனியான அணிகளை அனுப்புகின்றன. ஆஸ்திரேலியாவின் கடல்கடந்த பிரதேசமான நார்ஃபோக் தீவு அதன் தனி அணியை அனுப்புகிறது. நியூசிலாந்தின் இரு சுதந்திர கூட்டமைப்புக்களான குக் தீவுகள் மற்றும் நியுவே ஆகியவையும் அவ்வாறே செய்கின்றன.

ஆறே அணிகள் மட்டுமே அனைத்து பொதுநலவாய விளையாட்டுகளிலும் பங்கேற்றுள்ளன. அவையாவன: ஆஸ்திரேலியா, கனடா, இங்கிலாந்து, நியூசிலாந்து, ஸ்காட்லாந்து மற்றும் வேல்ஸ் ஆகும். பதக்க எண்ணிக்கையைப் பொறுத்தவரை ஆஸ்திரேலியா அதிகபட்சமாகப் பத்துப் போட்டிகளில் எடுத்துள்ளது, இங்கிலாந்து ஏழு போட்டிகளிலும் கனடா ஒரேயொரு போட்டியிலும் எடுத்துள்ளது.

1930 ஆம் ஆண்டு விளையாட்டில் பெண்கள் நீச்சல் போட்டிகளில் மட்டுமே போட்டியிட்டனர்.^[2] 1934 ஆம் ஆண்டு முதல், பெண்கள் சில தடகள விளையாட்டுகளிலும் போட்டியிட்டனர்^{[சான்று தேவை]}.

அடுத்த பதிப்பு 2010 ஆம் ஆண்டில் இந்தியாவின் தில்லியில் நடைபெறவுள்ளது. இதற்கான முன்னேற்பாடுகளில் பெருமளவு நிதி விரயமும் ஊழலும் நடைபெற்றுள்ளதாக பத்திரிக்கை செய்திகள் வெளியாகி உள்ளன.^[3]^[4] பல்வேறு விளையாட்டுத் திடல்களும் சேவைமையங்களும் முடிவுறாத நிலையில் உள்ளதாகவும் பாதுகாப்பு தரத்தை எட்டவில்லை எனவும் தகவல்கள் வெளியாகியுள்ளன.

ஸ்காட்லாந்திலுள்ள கிளாஸ்கோவில் 2014 ஆம் ஆண்டுக்கான பொதுநலவாய விளையாட்டுக்கள் நடைபெறவுள்ளன.

துவக்கம்

பிரித்தானியப் பேரரசின் உறுப்பு நாடுகளை ஒரு விளையாட்டு போட்டியின் மூலம் ஒன்று சேர்த்து கொண்டுவருவதை முதன்முதலாக 1891 ஆம் ஆண்டு, தி டைம்ஸ் இதழில் ரெவரெண்ட் ஆஸ்ட்லெ கூப்பர் (Reverend Astley Cooper) எழுதிய ஒரு கட்டுரையில், "அனைத்து பிரித்தானிய-அனைத்து ஆங்கிலேயரிடையே விளையாட்டுப் போட்டிகள் மற்றும் திருவிழா ஒன்றினை நான்காண்டிற்கொருமுறை நடத்தி பிரித்தானிய பேரரசின் நற்பெயரையும் கூடுதல் புரிந்துணர்வையும் வளர்க்கும் வழிமுறை"யாக பரிந்துரைத்தார்.

1911 ஆம் ஆண்டு, இலண்டனில் பேரரசின் திருவிழா ஐந்தாம் ஜார்ஜ் மன்னரின் முடிசூட்டு விழாவினை கொண்டாட நடத்தப்பட்டது. திருவிழாவின் ஒரு பகுதியாக பேரரசிற்கிடையிலான போட்டிகள் நடத்தப்பட்டன, அதில் ஆஸ்திரேலியா, கனடா, தென்னாப்பிரிகா மற்றும் ஐக்கிய இராச்சியம் ஆகியன குத்துச் சண்டை, மல்யுத்தம், நீச்சல் மற்றும் தடகளப் போட்டிகள் போன்ற போட்டிகளில் போட்டியிட்டன.

1928 ஆம் ஆண்டு, கனடாவின் மெல்விலே மார்க்ஸ் ராபின்சென் (Melville Marks Robinson) முதன் முதலான பிரித்தானிய பேரரசுப் போட்டிகளை ஏற்பாடு செய்யக் கேட்டுக்கொள்ளப்பட்டார். இரு வருடங்களுக்குப் பிறகு இவை ஒன்டாரியோவின் ஹாமில்டனில் நடத்தப்பட்டன.

திறப்பு விழா மரபுகள்

1930 முதல் 1950 ஆம் ஆண்டு வரை, நாடுகளின் அணி வகுப்பில் பிரித்தானிய ஒன்றியக் கொடியை ஏந்திச் செல்லும் ஒருவர் மட்டுமே முன் செல்வார். அது பிரித்தானியப் பேரரசில் பிரிட்டனின் முதன்மையான இடத்தை அடையாளப்படுத்தியது.
1958 ஆம் ஆண்டிலிருந்து, பக்கிங்காம் அரண்மனையிலிருந்து துவக்க விழா நடைபெறும் இடம் வரை தடகள வீரர்கள் கோல் ஒன்றினை ஏந்திச் செல்லும் தொடர் ஓட்டம் ஒன்று இருந்துள்ளது. இந்தக் கோலினுள்ளே தடகள வீரர்களுக்கான ராணியின் வாழ்த்துச் செய்தி இருந்தது. கோலினை கடைசியாக ஏந்திச் செல்பவர் வழக்கமாக போட்டியினை நடத்தும் நாட்டின் பிரபல விளையாட்டு நபராக இருப்பார்.
அனைத்து இதர நாடுகளும் ஆங்கில எழுத்துமுறை வரிசைப்படி அணி வகுக்கும். தவிரவும், முந்தைய விளையாட்டுக்களை நடத்திய நாட்டின் தடகளவீரர்கள் அணி வகுப்பில் முதலாவதாக நடந்து செல்வர், தற்போதைய விளையாட்டினை நடத்தும் நாடு கடைசியாக நடந்து செல்லும். 2006 ஆம் ஆண்டில் புவியியல் பகுதிப்படி ஆங்கில எழுத்துமுறை வரிசையில் நாடுகள் அணி வகுத்தன.
பதக்கம் அணிவிக்கும் நிகழ்ச்சிக்கான மேடையில் இருக்கும் கம்பங்களில் மூன்று நாடுகளின் கொடிகள் பறக்கும்: முந்தைய போட்டியினை நடத்திய நாடு, தற்போதைய போட்டியினை நடத்தும் நாடு மற்றும் அடுத்தப் போட்டியினை நடத்தும் நாடு ஆகியவை இதிலடங்கும்.
ஒலிம்பிக் போட்டிகளை விடத் துவக்க விழாவில் படைத்துறை மிக அதிகமாக செயலாற்றும். இது பழையப் பேரரசின் பிரித்தானிய இராணுவ மரபுகளைக் கௌரவப்படுத்தும் விதமானதாகும்.

புறக்கணிப்புகள்

காமன்வெல்த் விளையாட்டுகள் ஒலிம்பிக் விளையாட்டுகளைப் போலவே, அரசியல் புறக்கணிப்புக்களிலினால் பாதிக்கப்பட்டதாகும். நைஜீரியா 1978 பொதுநலவாய விளையாட்டுக்கள் 1978 விளையாட்டுக்களை நியூசிலாந்து நிறவெறி கொண்ட தென்னாபிரிக்காவுடன் கொண்டிருந்த விளையாட்டுத் தொடர்புகளை எதிர்த்து புறக்கணித்தது. மேலும் ஆப்பிரிக்காவிலிருந் 59 நாடுகளில் 32 நாடுகளும், ஆசியா மற்றும் கரிபியன் தீவுகளும் 1986 பொதுநலவாய விளையாட்டுகளை மார்கரெட் தாட்சர் தலைமையிலான பிரித்தானிய அரசின் தென் ஆப்பிரிகாவுடனான விளையாட்டுத் தொடர்புகளை எதிர்த்து புறக்கணித்தன. தென் ஆப்பிரிகாவினை முன்னிட்டே 1974, 1982 மற்றும் 1990 ஆம் ஆண்டுகளின் விளையாட்டுகளுக்கும் புறக்கணிப்பு எச்சரிக்கைகள் விடப்பட்டு இருந்தன.

நிகழ்வுகள்

பிரித்தானியப் பேரரசு விளையாட்டுக்கள்

பிரித்தானிய பேரரசு மற்றும் காமன்வெல்த் விளையாட்டுக்கள்

1954 விளையாட்டுக்கள் – வான்கூவர், பிரித்தானிய கொலம்பியா, கனடா
1958 விளையாட்டுக்கள் – கார்டிஃப், வேல்ஸ், ஐக்கிய இராச்சியம்
1962 விளையாட்டுக்கள் – பெர்த், வெஸ்டர்ன் ஆஸ்திரேலியா, ஆஸ்திரேலியா
1966 விளையாட்டுக்கள் – கிங்ஸ்டன், ஜமைக்கா

பிரித்தானிய பொதுநலவாய விளையாட்டுக்கள்

1970 விளையாட்டுக்கள் – எடின்பரோ, ஸ்காட்லாந்து, ஐக்கிய இராச்சியம்
1974 விளையாட்டுக்கள் – கிரைஸ்ட்சர்ச், நியூசிலாந்து

பொதுநலவாய விளையாட்டுக்கள்

1978 விளையாட்டுக்கள் – எட்மாண்டன், ஆல்பெர்டா, கனடா
1982 விளையாட்டுக்கள் – பிரிஸ்பேன், குயின்ஸ்லாந்து, ஆஸ்திரேலியா
1986 விளையாட்டுக்கள் – எடின்பரோ, ஸ்காட்லாந்த், ஐக்கிய இராச்சியம்
1990 விளையாட்டுக்கள் – ஆக்லாந்து, நியூசிலாந்து
1994 விளையாட்டுக்கள் – விக்டோரியா, பிரித்தானிய கொலம்பியா, கனடா
1998 விளையாட்டுக்கள் – கோலாலம்பூர், மலேசியா
2002 விளையாட்டுக்கள் – மான்செஸ்டர், இங்கிலாந்து, ஐக்கிய இராச்சியம்
2006 விளையாட்டுக்கள் – மெல்போர்ன், விக்டோரியா, ஆஸ்திரேலியா
2010 விளையாட்டுக்கள் – தில்லி, இந்தியா
2014 விளையாட்டுக்கள் – கிளாஸ்கோ, ஸ்காட்லாந்து, ஐக்கிய இராச்சியம்
2018 விளையாட்டுக்கள் – கோல்ட் கோஸ்ட், குயின்ஸ்லாந்து, ஆஸ்திரேலியா
2022 விளையாட்டுக்கள் - டர்பன் - தென்னாப்பிரிக்கா

போட்டியிடும் நாடுகள்/சார்பு நிலை நாடுகள்

போட்டியிட்டுள்ள நாடுகள்/சார்பு நிலை நாடுகள்

யேமன்¹ 1962
அங்கியுலா 1982, 1998–
அன்டிகுவா பர்புடா 1966–1970, 1978, 1994–
ஆத்திரேலியா 1930–
பஹமாஸ் 1954–1970, 1978–1982, 1990–
வங்காளதேசம் 1978, 1990–
பார்படோசு 1954–1966, 1970–1982, 1990–
பெலீசு 1978, 1994–
பெர்முடா 1930–1938, 1954–1982, 1990–
போட்சுவானா 1974, 1982–
கினியா² 1930–1938, 1954–1962
பெலீசு³ 1962–1966
பிரித்தானிய கன்னித் தீவுகள் 1990–
புரூணை 1958, 1990–
கமரூன் 1998–
கனடா 1930–
கேமன் தீவுகள் 1978–
இலங்கை⁴ 1938–1950, 1958–1970
குக் தீவுகள் 1974–1978, 1986–
சைப்பிரசு 1978–1982, 1990–
டொமினிக்கா 1958–1962, 1970, 1994–
இங்கிலாந்து 1930–
போக்லாந்து தீவுகள் 1982–
பிஜி¹⁵ 1938, 1954–1986, 1998–2006
கம்பியா 1970–1982, 1990–
கானா 1958–1982, 1990–
கிப்ரல்டார் 1958–
கோல்ட் கோஸ்ட்⁵ 1954
கிரெனடா1970–1974, 1994–
குயெர்ன்சி 1970–
கயானா 1966–1970, 1978–1982, 1990–
ஆங்காங்⁶ 1934, 1954–1962, 1970–1994
இந்தியா 1934–1938, 1954–1958, 1966–1982, 1990–
அயர்லாந்து⁷ 1930
அயர்லாந்து குடியரசு⁷ 1934
மாண் தீவு 1958–
ஜமேக்கா 1934, 1954–1982, 1990–
யேர்சி 1958–
கென்யா 1954–1982, 1990–
கிரிபட்டி 1998–
லெசோத்தோ 1974–
மலாவி ¹² 1970–
மலாயா⁸ 1950, 1958–1962
மலேசியா 1966–1982, 1990–
மாலைத்தீவுகள் 1986–

மால்ட்டா 1958–1962, 1970, 1982–
மொரிசியசு 1958, 1966–1982, 1990–
மொன்செராட்

 1994–

மொசாம்பிக் 1998–
நமீபியா 1994–
நவூரு 1990–
நியூபின்லாந்து⁹ 1930–1934
நியூசிலாந்து 1930–
நைஜீரியா 1950–1958, 1966–1974, 1982, 1990–1994, 2002–
நியுவே 2002–
நோர்போக் தீவு 1986–
வார்ப்புரு:நாட்டுத் தகவல் வட போர்னியோ⁸ 1958–1962
வட அயர்லாந்து⁷ 1934–1938, 1954–
வட ரொடீசியா¹⁰ 1954
பாக்கித்தான் 1954–1970, 1990–
பப்புவா நியூ கினி 1962–1982, 1990–
சிம்பாப்வே¹¹ 1934–1950
வார்ப்புரு:நாட்டுத் தகவல் ரொடீசியா மற்றும் நியாசாலாந்து¹⁰ 1958–1962
செயிண்ட் எலனா 1982, 1998–
செயிண்ட். கிட்ஸ் நெவிஸ் (செயிண்ட் கிறிஸ்டபர்- நெவிஸ்-அங்குய்லா 1978), 1990–
செயிண்ட். லூசியா 1962, 1970, 1978, 1994–
செயின்ட் வின்செண்டு மற்றும் கிரெனடீன்கள் 1958, 1966–1978, 1994–
சமோவாவும் மேற்கு சமோவாவும் மேற்கு சமாவோ 1974–
இசுக்காட்லாந்து 1930–
சீசெல்சு 1990–
சியேரா லியோனி 1966–1970, 1978, 1990–
சிங்கப்பூர்⁸ 1958–
சொலமன் தீவுகள் 1982, 1990–
தென்னாப்பிரிக்கா 1930–1958, 1994–
தெற்கு அரேபியா¹ 1966
வார்ப்புரு:நாட்டுத் தகவல் தென் ரொடீசியா¹⁰ 1954
இலங்கை 1974–1982, 1990–
சுவாசிலாந்து 1970–
தாங்கநீயகா¹³ 1962
தன்சானியா 1966–1982, 1990–
தொங்கா 1974, 1982, 1990–
டிரினிடாட் மற்றும் டொபாகோ 1934–1982, 1990–
துர்கசு கைகோசு தீவுகள் 1978, 1998–
துவாலு 1998–
உகாண்டா 1954–1982, 1990–
வனுவாட்டு 1982–
வார்ப்புரு:நாட்டுத் தகவல் வேல்ஸ் 1930–
சாம்பியா ¹² 1970–1982, 1990–
சிம்பாப்வே^12,14 1982, 1990–2002

குறிப்புகள்

1: ஏடன், தென் அரேபியாவாக மாறியது அது காமன்வெல்த்தை விட்டு 1968 ஆம் ஆண்டு விலகியது.
2: 1966 ஆம் ஆண்டில் கயானாவாக மாறியது.
3: 1973 ஆம் ஆண்டில் பெலிஸ்சாக மாறியது.
4: ஸ்ரீ லங்காவாக 1972 ஆம் ஆண்டில் மாறியது.
5: 1957 ஆம் ஆண்டில் கானாவாக மாறியது.
6: 1997 ஆம் ஆண்டில் சீனாவிற்கு உரிமை மாற்றம் செய்யப்பட்டப்போது பொதுநலவாயத்தை விட்டு விலகியது.
7: 1930 ஆம் ஆண்டில் அயர்லாந்து ஒருங்கிணைந்த அணியாக முழு அயர்லாந்தையும் பிரதிநிதித்துவப்படுத்தியது, மேலும் 1934 ஆம் ஆண்டில் அயர்லாந்து குடியரசு மற்றும் வட அயர்லாந்தாக இருந்தது. ஐரிஷ் சுதந்திர நாடு 1937 ஆம் ஆண்டில் அயர்லாந்து என் மறு பெயர் சூட்டப்பட்டது (ஆனாலும் அதன் பெயரான ஐரிஷ் ஐரே எனவும் அறியப்பட்டது) ஜனவரி 1 1949 ஆம் ஆண்டில் தன்னை குடியரசாகப் பிரகடனப்படுத்திக் கொண்டப் போது பொதுநலவாயத்தை விட்டு விலகியது.
8: மலேயா, வடக்கு போர்னோ, சாராவாக் மற்றும் சிங்கப்பூர் ஆகியவை மலேசியக் கூட்டமைப்பாக 1963 ஆம் ஆண்டில் இருந்தன. சிங்கப்பூர் 1965 ஆம் ஆண்டில் கூட்டமைப்பை விட்டு விலகியது.
9: 1949 ஆம் ஆண்டில் கனடா இணைந்தது.
10: தென் ரொடிசியா மற்றும் வட ரொடிசியா ஆகியவை நியாசாலாந்து கூட்டமைப்பில் இணைந்து ரொடிசிய நியாசாலாந்து கூட்டமைப்பாக 1953 துவங்கி 1963 ஆம் ஆண்டு வரை நிலைத்திருந்தன.
11: 1953 ஆம் ஆண்டில் வட ரொடிசியா மற்றும் தென் ரொடிசியாவாக பிரிந்தன.
12: 1958-1962 வரை ரொடிசியா மற்றும் நியாசாலாந்து பகுதியாக போட்டியிட்டன.
13: சான்சிபார் மற்றும் தாங்கநீயகா கூட்டமைப்பாகச் சேர்ந்து1964 ஆம் ஆண்டில் தான்சானியாவை அமைத்தன.
14: காமன்வெல்த்திலிருந்து 2003 ஆம் ஆண்டில் விலகியது.
15: 2009 ஆம் ஆண்டில் பொதுநலவாய அமைப்பு மற்றும் விளையாட்டுகளிலிருந்து இடைநீக்கம் செய்யப்பட்டது.^[5]

இனி பங்கேற்கக் கூடிய பொதுநலவாய நாடுகள்/சார்பு நாடுகள்

மிகச் சில பொதுநலவாய நாடுகளே இன்னும் பங்கேற்காது உள்ளன.

டோக்கெலாவ் தில்லியில் 2010 விளையாட்டுகளில் பங்கேற்கவுள்ளதாக எதிர்பார்க்கப்படுகிறது.^[6]
வடக்கு சைப்பிரசு அணிகளை அனுப்ப கூட்டமைப்பிற்கு விண்ணப்பங்களை அளித்துள்ளது.
பிட்கன் தீவுகளின் மிகச் சிறிய மக்கட்தொகை (50 ஜூலை 2009 வரை) இந்த அயல் பிரதேசத்தை போட்டியிடுவதிலிருந்து தடுப்பதாக தோன்றுகிறது. அதே காரணங்களுக்காக செயிண்ட் எலனா' வின் பகுதிகளான அசென்சன் தீவு மற்றும் டிரிசுதான் டா குன்ஃகா தனித்தனியான அணிகளை அனுப்பிட விரும்பவில்லை.
நிரந்தரமான மக்கட்தொகையின்மை அயல் பிரதேசங்களான தெற்கு யோர்சியா மற்றும் தெற்கு சண்ட்விச் தீவுகள், பிரித்தானிய அண்டார்டிக் மண்டலம் மற்றும் பிரித்தானிய இந்தியப் பெருங்கடல் மண்டலம் ஆகியவற்றை போட்டியிடுவதிலிருந்து தடுப்பதாகத் தோன்றுகிறது.
சொந்த மக்கட்தொகையைக் கொண்ட பொதுநலவாய நாடுகளில் தகுதிபெறும் இதர நாடுகளில்: கிறிசுத்துமசு தீவுகள், கொக்கோசு (கீலிங்) தீவுகள், ரோட்ரிக்ஸ் மற்றும் சான்சிபார் ஆகியவை அடங்கும்.
காமன்வெல்த்தின் எதிர்கால உறுப்பினர்களாக விண்ணப்பித்துள்ளவர்கள்: சூடான் மற்றும் யேமன்
ருவாண்டா 2009 ஆம் ஆண்டில் பொதுநலவாயத்தில் உறுப்பினராக சேர்ந்த காரணத்தால் ஓர் அணியினை அனுப்பலாம்.

அங்கீகரிக்கப்பட்ட விளையாட்டுகள்

வார்ப்புரு:இதனையும் காண்க

பொதுநலவாய விளையாட்டுக்கள் கூட்டமைப்பினால் 31 விளையாட்டுகள் (இரு பல்-துறை விளையாட்டுக்கள்) மற்றும் 7 உப-விளையாட்டுக்கள் அங்கீகரிக்கப்பட்டுள்ளன. அவை மூன்று பிரிவுகளாக வகைப்படுத்தப்பட்டுள்ளன. ஒவ்வொரு திட்டத்திலும் முக்கிய விளையாட்டுக்கள் உள்ளடக்கப்பட வேண்டும். விளையாட்டை நடத்தும் நாடு கூடுதல் விருப்பத்தேர்வாக மேலும் போட்டிகளைச் சேர்க்கலாம். அவை கூடைப்பந்து போல் அணி விளையாட்டுகளாகவும் இருக்கலாம். அங்கீகரிக்கப்பட்ட விளையாட்டுக்கள் என்பவை பொதுநலவாய விளையாட்டுக்கள் கூட்டமைப்பினால் அங்கீகரிக்கப்பட்டவையாகும். இவற்றை விரிவாக்க வேண்டிய தேவை உள்ளது. போட்டியை நடத்தும் நாடுகள் இத்தகைய விளையாட்டுக்களை அவை கூட்டமைப்பின் எதிர்பார்ப்புகளை நிறைவேற்றும் வரை தமது நிகழ்வுகளில் தேர்ந்தெடுக்காது.^[7]

விளையாட்டு	வகை	ஆண்டுகள்
வில்வித்தை	விருப்பத் தேர்வு	1982, 2010
தட கள விளையாட்டுக்கள்	முக்கியமானவை	1930–தற்போது வரை
பூப்பந்தாட்டம்	முக்கியமானவை	1966–தற்போது வரை
கூடைப்பந்து	விருப்பத் தேர்வு	2006
பில்லியர்ட்ஸ்	அங்கீகரிக்கப்பட்டது	இதுவரையில்லை
குத்துச்சண்டை	முக்கியமானவை	1930–தற்போது வரை
சிறு படகோட்டம்	அங்கீகரிக்கப்பட்டது	இதுவரையில்லை
மிதிவண்டி ஓட்டப்பந்தயம்	விருப்பத் தேர்வு	1934–தற்போது வரை
நீரில் பாய்தல்	விருப்பத் தேர்வு	1930–தற்போது வரை
வாள்வீச்சு (விளையாட்டு)	அங்கீகரிக்கப்பட்டது	1950–1970
குழிப்பந்தாட்டம்	அங்கீகரிக்கப்பட்டது	இதுவரையில்லை
சீருடற்பயிற்சிகள் (கலைத்தன்மை மற்றும் தாளமுடன்)	விருப்பத் தேர்வு	1978, 1990– தற்போது வரை
எறிபந்தாட்டம்	அங்கீகரிக்கப்பட்டது	இதுவரையில்லை
வளைதடிப் பந்தாட்டம்	முக்கியமானவை	1998–இன்று வரை
ஜூடோ	விருப்பத் தேர்வு	1990, 2002, 2014
லான் பவுல்சு	முக்கியமானவை	1930–தற்போது வரை (1966 தவிர)
உயிர்காக்கும் (கடற்கரை) விளையாட்டு	அங்கீகரிக்கப்பட்டது	இதுவரையில்லை

விளையாட்டு	வகை	ஆண்டுகள்
நெட்பால்	முக்கியமானவை	1998–இன்று வரை
துடுப்பு படகோட்டம்	அங்கீகரிகப்பட்டது	1930, 1938–62, 1986
ரக்பி செவன்ஸ்	முக்கியமானவை	1998–இன்று வரை
பாய்மரப் படகோட்டம்	அங்கீகரிக்கப்பட்டது	இதுவரையில்லை
துப்பாக்கிச் சுடுதல்	விருப்பத் தேர்வு	1966, 1974–தற்போது வரை
சாஃப்ட் பால்	அங்கீகரிக்கப்பட்டது	இதுவரையில்லை
சுவர்ப்பந்து	முக்கியமானவை	1998–இன்று வரை
நீச்சற் போட்டி	முக்கியமானவை	1994–தற்போது வரை
ஒருங்கிசைந்த நீச்சல்	விருப்பத் தேர்வு	1986, 2006
மேசைப்பந்தாட்டம்	விருப்பத் தேர்வு	2002–தற்போது வரை
டென்னிசு	விருப்பத் தேர்வு	2010
டென்பின் பவுலிங்	அங்கீகரிக்கப்பட்டது	1998
முத்திறன் போட்டி	விருப்பத் தேர்வு	2002, 2006, 2014
கைப்பந்தாட்டம்	அங்கீகரிக்கப்பட்டது	இதுவரையில்லை
புனல்பந்தாட்டம்	அங்கீகரிக்கப்பட்டது	1950
பாரம்தூக்குதல்	முக்கியமானவை	1950–தற்போது வரை
மல்யுத்தம்	விருப்பத் தேர்வு	1930–இதுவரை(1990 மற்றும் 1998 தவிர)

விளையாட்டு வீரர்கள், விளையாட்டுக்கள் மற்றும் நாடுகள்

இந்தப் பட்டியல் ஒவ்வொரு நிகழ்விலும் பங்கேற்ற மொத்த விளையாட்டு வீரர்களின் எண்ணிக்கை, (ஆண்கள் மற்றும் பெண்கள்), அவர்கள் போட்டியிட தேர்ந்தெடுத்த விளையாட்டுகளின் எண்ணிக்கை மற்றும் போட்டியிடும் நாடுகளின் எண்ணிக்கை (சார்பு நிலை நாடுகள் உட்பட) ஆகியவற்றைக் காட்டுகிறது.

இது ஒரு நிறைவற்ற பட்டியல். இதை நிறைவு செய்ய நீங்கள் விக்கிபீடியாவுக்கு உதவ முடியும்.

ஆண்டு	விளையாட்டு வீரர்கள்	ஆண்கள்	பெண்கள்	விளையாட்டுக்கள்	நிகழ்வுகள்	அலுவலர்	நாடுகள்
2006	4500			16²	247		71
2002	3863			17³			72
1998	3638			15			70
1994	2669			12			63
1990	2073			10	205		55
1986	1660			10	165		27
1982	1580			12	143		45
1978	1475			11	126		47
1974	1276	977	299	10	121	372	38
1970	1744¹			10	121		42
1966	1316¹			10	110		34
1962	863			9		178	35
1958	1122			9		228	35
1954	662			9		127	24
1950	590	495	95	9			12
1938	464			7		43	15
1934	500			6			17
1930	400			6			11

¹விளையாட்டு வீரர்கள் மற்றும் அதிகாரிகள் அடங்குவர். ² 4 அணி விளையாட்டுக்கள் உள்ளடங்கியது. ³ 3 அணி விளையாட்டுக்கள் உள்ளடங்கியது.

2022 போட்டிகள்

இந்த அமைப்பு நடத்தும் 2022 ஆம் ஆண்டுக்கான போடியை தென் ஆப்பிரிக்காவின் டர்பன் நகரில் நடத்தயுள்ளதாக நியூசிலாந்தில் உள்ள ஆக்கிலாந்து நகரில் நடந்த கூட்டத்தில் முடிவு செய்யப்பட்டுள்ளது. இந்த நிகழ்வின் மூலம் தென் ஆப்பிரிக்காவிலேயே காமல்வெல்த் போட்டியை நடத்தும் முதல் நகரமாக டர்பன் விளங்குகிறது. .^[8]

மேலும் காண்க

காமன்வெல்த் குளிர் கால விளையாட்டுக்கள்
காமன்வெல்த் இளைஞர் விளையாட்டுக்கள்
இந்தியப் பேரரசு விளையாட்டுக்கள்
ஜூயே டெ லா பிராங்கோபோனி
லுஸோபோனி விளையாட்டுக்கள்

மேற்கோள்கள்

↑ "The story of the Commonwealth Games". Commonwealth Games Federation. Archived from the original on 18 செப்டம்பர் 2009. பார்க்கப்பட்ட நாள் 20 January 2008. {{cite web}}: Check date values in: |archive-date= (help)
↑ "1930 British Empire Games – Introduction". Commonwealth Games Federation. Archived from the original on 26 ஜூலை 2017. பார்க்கப்பட்ட நாள் 29 October 2009. {{cite web}}: Check date values in: |archive-date= (help)
↑ ஊழல் குற்றச்சாட்டுகளால் தடுமாறும் அரசு - இராய்டர் செய்தியளிப்பு
↑ காமன்வெல்த் ஊழல்: விசாரணைக்கு உத்தரவு!^{[தொடர்பிழந்த இணைப்பு]}
↑ http://www.nzherald.co.nz/world/news/article.cfm?c_id=2&objectid=10594683
↑ டோகேலாவ் எதிர்பார்க்கப்படுகிறது
↑ விளையாட்டு நிகழ்வு திட்டங்கள் பரணிடப்பட்டது 2013-05-02 at the வந்தவழி இயந்திரம். காமன்வெல்த் விளையாட்டுக்கள் கூட்டமைப்பு. 26 ஜூன் 2009 இல் திரும்பப் பெறப்பட்டது.
↑ டர்பனில் 2022 காமன்வெல்த் போட்டி தி இந்து தமிழ் பார்த்த நாள் 04, செப்டம்பர் 2015

வெளி இணைப்புகள்

காமன்வெல்த் விளையாட்டுக்கள் அதிகாரபூர்வ வலைத் தளம்
காமன்வெல்த் விளையாட்டுக்கள் செய்திகள் வலைத் தளம் பரணிடப்பட்டது 2009-12-13 at the வந்தவழி இயந்திரம்
காமன்வெல்த் விளையாட்டுக்கள் வருகையாளர் வலைத்தளம்^{[தொடர்பிழந்த இணைப்பு]}
காமன்வெல்த் விளையாட்டுக்கள்2010 வலைத்தளம்
விளையாட்டு வாரியான புள்ளிவிவரங்கள் 1911 லிருந்து 2006 பரணிடப்பட்டது 2010-10-06 at the வந்தவழி இயந்திரம்
காமன்வெல்த் விளையாட்டுக்கள் பதிவிறக்கம் பரணிடப்பட்டது 2007-09-29 at the வந்தவழி இயந்திரம்
காமன்வெல்த் விளையாட்டுக்களின் கொடிகள் மற்றும் சின்னங்கள் பரணிடப்பட்டது 2006-04-27 at the வந்தவழி இயந்திரம்– விளையாட்டு சின்னங்களின் பரிணாமம்
தி எம்பயர் ஸ்டிரைக்ஸ் பேக் – 2002 ஆஸ்திரேலிய வானொலி நிகழ்ச்சி (பிரதியுடன்) "நட்பு ரீதியிலான விளையாட்டுகளின்" வரலாறு மற்றும் எதிர்காலம்.
தடகள மற்றும் மைதான விளையாட்டு முடிவுகளின் நாட் குறிப்பு

விளையாட்டுகளின் அதிகார பூர்வ வ்லைத்தளங்கள்

நாடுகள்

[1] "The story of the Commonwealth Games". Commonwealth Games Federation. Archived from the original on 18 செப்டம்பர் 2009. பார்க்கப்பட்ட நாள் 20 January 2008. {{cite web}}: Check date values in: |archive-date= (help)

[2] "1930 British Empire Games – Introduction". Commonwealth Games Federation. Archived from the original on 26 ஜூலை 2017. பார்க்கப்பட்ட நாள் 29 October 2009. {{cite web}}: Check date values in: |archive-date= (help)

[3] ஊழல் குற்றச்சாட்டுகளால் தடுமாறும் அரசு - இராய்டர் செய்தியளிப்பு

[4] காமன்வெல்த் ஊழல்: விசாரணைக்கு உத்தரவு!^{[தொடர்பிழந்த இணைப்பு]}

[5] ttps://www.nzherald.co.nz/world/news/article.cfm?c_id=2&objectid=10594683

[6] டோகேலாவ் எதிர்பார்க்கப்படுகிறது

[Sports-7] விளையாட்டு நிகழ்வு திட்டங்கள் பரணிடப்பட்டது 2013-05-02 at the வந்தவழி இயந்திரம். காமன்வெல்த் விளையாட்டுக்கள் கூட்டமைப்பு. 26 ஜூன் 2009 இல் திரும்பப் பெறப்பட்டது.

[8] டர்பனில் 2022 காமன்வெல்த் போட்டி தி இந்து தமிழ் பார்த்த நாள் 04, செப்டம்பர் 2015

[1]

[2]

[3]

[4]

[5]

[6]

[7]

[8]