Uzima wa milele
![](http://upload.wikimedia.org/wikipedia/commons/thumb/3/3f/Fountain_of_Eternal_Life_crop.jpg/250px-Fountain_of_Eternal_Life_crop.jpg)
Uzima wa milele ni hali ya kuishi bila mwisho.[2]
Biolojia inaonyesha kuwa uhai wa mwili una mipaka, wala sayansi na teknolojia hazijaweza kuivuka.
Hata hivyo, toka zamani binadamu ameonyesha kwa njia nyingi hamu ya kuendelea kuishi kwa namna moja au nyingine.
Utenzi wa Gilgamesh, kimoja kati ya vitabu vya kwanza vya fasihi andishi (karne ya 22 KK hivi), kinasimulia habari za mtu aliyetaka kuishi milele.[3]
Katika dini mbalimbali
Katika dini mbalimbali, uzima wa milele unatarajiwa kutoka kwa Mwenyezi Mungu (au miungu) kama tuzo kwa matu aliyefuata uadilifu wakati wa kuishi duniani.
Katika Ukristo
Neno “uzima wa milele” ni adimu katika Agano la Kale, ambamo yote yanaelekea ujio wa Mwokozi aliyeahidiwa. Kumbe katika mahubiri ya Yesu yote yanaelekea moja kwa moja uzima wa milele. Tukizingatia kwa makini maneno yake tutaona jinsi uzima huo ulivyo tofauti na maisha yajayo yaliyozungumziwa na wanafalsafa bora (k.mf. Plato) kama hali ya kimaumbile tu na isiyo ya hakika. Mwokozi anaongelea kwa hakika uzima wa milele, bora, usio na jana, leo wala kesho, unaopita maumbile na usiopimika, kama ule wa ndani ya Mungu, kwa kuwa unashiriki umilele wake usiobadilika. Uzima wa milele ndio ahadi kuu ya Yesu kwa wafuasi wake, hasa kadiri ya Injili ya Yohane. Sura ya 17 ya Injili hiyo inafafanua uzima wa milele kuwa uhusiano na Mungu na Yesu Kristo mwenyewe.
Kwa ahadi hiyo, sisi wanyonge tunaweza kushiriki uzima wa milele wa Mungu: hapa duniani katika mwanga hafifu wa imani, na kisha kufa katika uangavu wa utukufu usiofifia kamwe. Kwa kuwa lengo la Baba ni kwamba tuungane na Yesu Mwanae kwa uwezo wa Roho Mtakatifu ili tuwe na utukufu wake. “Na uzima wa milele ndio huu, Wakujue wewe, Mungu wa pekee wa kweli, na Yesu Kristo uliyemtuma” (Yoh 17:3). “Kwa kuwa uweza wake wa Uungu umetukirimia vitu vyote vipasavyo uzima na utauwa, kwa kumjua yeye aliyetuita kwa utukufu wake na wema wake mwenyewe. Tena kwa hayo ametukirimia ahadi kubwa mno, za thamani, ili kwamba kwa hizo mpate kuwa washirika wa tabia ya Uungu, mkiokolewa na uharibifu uliomo duniani kwa sababu ya tamaa” (2Pet 1:3-4). Sisi tuliobatizwa tunaitwa “wana wa Mungu; na ndivyo tulivyo!” (1Yoh 3:1). Kwa sababu tumesadiki kwamba “Mungu ni upendo” (1Yoh 4:8) na kwamba “hakuna lisilowezekana kwa Bwana” (Lk 1:37). “Na kwa kuwa ninyi mmekuwa wana, Mungu alimtuma Roho wa Mwanawe mioyoni mwetu, aliaye, ‘Aba!’ yaani, ‘Baba!’ Kama ni hivyo, wewe si mtumwa tena bali u mwana; na kama u mwana, basi, u mrithi kwa Mungu” (Gal 4:6-7).
Yesu alifundisha kuwa “njia imesonga iendayo uzimani” (Math 7:14) na kuwa tukitaka kuupata ni lazima tuache dhambi na kushika amri za Mungu (taz. Math 19:17). Mara kadhaa alisema kuwa anayemwamini “yuna uzima wa milele” (Yoh 5:24; 6:40,47), maana yake anayemsadiki kuwa Mwana wa Mungu kwa imani hai, inayoambatana na upendo na utekelezaji wa amri, ameshaanza kuwa na uzima wa milele. Ndivyo alivyosema tangu aanze kuhubiri, “Heri walio maskini wa roho, maana ufalme wa mbinguni ni wao... Heri wenye njaa na kiu ya haki, maana hao watashibishwa... Heri wenye moyo safi, maana hao watamwona Mungu” (Math 5:3,6,8). Uzima wa milele ni kushiba huko na kumuona Mungu katika ufalme wake. Kwa namna ya pekee, wanaoteswa kwa kufanya atakavyo Mungu wanaambiwa, “Furahini na kushangilia, kwa kuwa thawabu yenu ni kubwa mbinguni” (Math 5:12). Yesu akajieleza zaidi kabla ya mateso yake aliposema, “Baba... ulimpa Mwanao mamlaka juu ya wote wenye mwili, ili kwamba wote uliompa awape uzima wa milele. Na uzima wa milele ndio huu: wakujue wewe, Mungu wa pekee wa kweli, na Yesu Kristo uliyemtuma” (Yoh 17:1-3).
“Wapenzi, sasa tu wana wa Mungu, wala haijadhihirika bado tutakavyokuwa; lakini twajua ya kuwa atakapodhihirishwa, tutafanana naye, kwa maana tutamwona kama alivyo” (1Yoh 3:2), yaani si kwa kuzingatia mng'ao wa sifa zake katika viumbe (vile vinavyoonekana, pamoja na roho za watakatifu zinazojitokeza katika maneno na matendo yao), bali moja kwa moja jinsi alivyo. “Wakati wa sasa tunaona kwa kioo kwa jinsi ya fumbo; wakati ule tutaona uso kwa uso; wakati wa sasa nafahamu kwa sehemu; wakati ule nitajua sana kama mimi nami ninavyojuliwa sana” (1Kor 13:12). Mtume Paulo hakusema nitamjua ninavyojijua mpaka ndani; kwa sababu najifahamu kuliko wengine, lakini mimi pia sielewi yote niliyonayo ndani, k.mf. siwezi kupima uzito wote wa dhambi zangu. Mungu tu ananijua fika: yeye tu anaelewa kikamilifu siri za moyo wangu. Mbinguni nitamjua anavyonijua, moja kwa moja, pasipo kupitia kiumbe chochote wala wazo lolote la kimaumbile, kwa sababu hakuna wazo la namna hiyo linaloweza kumchora Mungu na ukweli wake usio na mipaka. Kila wazo la namna hiyo linazingatia sifa mojawapo ya Mungu (k.mf. wema). Mawazo hayo mbalimbali hayatoshi kutujulisha dhati yake, umoja usiogawanyika kamwe. Mawazo hayo yanahusiana na uzima wake wa ndani kama vile rangi saba za upinde wa mvua zinavyohusiana na mwanga mweupe ambao zinatokana nao. Hapa duniani sisi ni kama tumeona hizo rangi saba na sasa tunatamani kuona huo mwanga mweupe unaozisababisha. Kabla hatujaona umungu wenyewe hatuwezi kuona ulinganifu wa dhati wa sifa zake, hasa huruma isiyo na mipaka na haki isiyo na mipaka. Mawazo yetu kuhusu sifa za Mungu ni vipande tu vya sura nzima, ambavyo vinaleta picha ya Mungu isiyopendeza vya kutosha. Tukifikiria haki yake, inaonekana ni kali mno, na tukifikiria upendeleo wa huruma yake unaonekana kwenda kinyume cha haki. Tukitafakari zaidi tunakiri kuwa ndani ya Mungu haki na huruma ni kitu kimoja, hazitofautiani kweli. Tunaungama hivyo kwa hakika, lakini hatujaona ulinganifu wa dhati wa sifa hizo, kwa kuwa unadai tutazame umungu ulivyo, moja kwa moja, pasipo mawazo ya kimaumbile.
Mtazamo huo ndio uzima wa milele. Nani anaweza kueleza ukuu usiopimika wa furaha na upendo utakaokuwemo ndani mwetu kutokana na mtazamo huo? Upendo wa Mungu wenye nguvu na wa moja kwa moja, hivi kwamba hakuna lolote litakaloweza kuupunguza; kwa upendo huo tutamfurahia hasa Mungu kuwa Mungu, mtakatifu, mwenye haki na huruma pasipo mipaka, na tutaabudu mipango yote ya maongozi yake iliyolenga kufunua wema wake. Tutazama katika heri yake, alivyosema Mwokozi, “Vema, mtumwa mwema na uaminifu; ulikuwa mwaminifu kwa machache, nitakuweka juu ya mengi; ingia katika furaha ya bwana wako” (Math 25:21,23). Tutamuona Mungu vile anavyojiona, ingawa hatutaweza kumaliza vilindi vya hali yake, vya upendo wake na vya uweza wake. Pia tutampenda anavyojipenda. Vilevile tutamuona Bwana wetu Yesu Kristo. Ndiyo heri ya milele yenyewe, mbali ya furaha ya ziada tutakayokuwanayo kwa kuwaona na kuwapenda Bikira Maria na watakatifu wote, hasa tuliowafahamu duniani.
Tanbihi
- ↑ Marshall Fredericks (2003). "GCVM History and Mission". Greater Cleveland Veteran's Memorial, Inc. Ilihifadhiwa kwenye nyaraka kutoka chanzo mnamo 2009-02-16. Iliwekwa mnamo 2009-01-14.
- ↑ "Oxford English Dictionary "Immortality"". Ilihifadhiwa kwenye nyaraka kutoka chanzo mnamo 2020-05-31. Iliwekwa mnamo 2014-09-18.
- ↑ Joel Garreau (Oktoba 31, 2007). "The Invincible Man". The Washington Post: C01.
{{cite journal}}
: CS1 maint: date auto-translated (link)
Marejeo
- Allen, Richard James (1999). Thursday's Fictions. Wollongong: Five Islands Press. ISBN 0-86418-596-0.
- Alexander, Brian (2003). Rapture: How Biotech Became the New Religion. Basic Books. ISBN 0-7382-0761-6.
- Bolonkin, Alexander (2010). Rapture: Human Immortality and Electronic Civilization. Publish America. ISBN 978-1-4489-3367-9.
- Bova, Ben (2000). Immortality: How Science Is Extending Your Life Span-and Changing the World. Avon: New York. ISBN 0-380-79318-0.
- Cave, Stephen (2012). Immortality: The Quest to Live Forever and How it Drives Civilization. Crown. ISBN 0-307-88491-0.
- Cullmann, Oscar (1955). Immortality of the Soul or Resurrection of the Dead?. Ilihifadhiwa kwenye nyaraka kutoka chanzo mnamo 2009-10-26. Iliwekwa mnamo 2014-09-18.
{{cite book}}
: Unknown parameter|dead-url=
ignored (|url-status=
suggested) (help) - Endsjø, Dag Øistein (2009). Greek Resurrection Beliefs and the Success of Christianity. New York: Palgrave Macmillan. ISBN 0-230-61729-8.
- de Grey, Aubrey; Rae, Michael (Septemba 2007). Ending Aging: The Rejuvenation Breakthroughs that Could Reverse Human Aging in Our Lifetime. New York, New York: St. Martin's Press. uk. 416. ISBN 0-312-36706-6.
{{cite book}}
: CS1 maint: date auto-translated (link) - Edwards, Paul (1997). Immortality. Prometheus Books. ISBN 1-57392-130-0.
- Elixxir (2001). The Immortalist Manifesto: Stay Young & Save the World. Authorhouse Books. ISBN 0-7596-5339-9.
- Freitas Jr., Robert A. (2002). "Death is an Outrage". Iliwekwa mnamo 2008-02-14.
- Hall, Stephen S. (2003). Merchants of Immortality: Chasing the Dream of Human Life Extension. Boston: Houghton Mifflin. ISBN 0-618-09524-1.
- Immortality Institute (2004). The Scientific Conquest Of Death. Libros En Red. ISBN 987-561-135-2.
- Perry, R. Michael (2000). Forever For All: Moral philosophy, Cryonics, and the Scientific Prospects for Immortality. New York: Universal Publishers: New York: Universal Publishers. ISBN 1-58112-724-3.
- Pickover, Clifford (2007). A Beginner's Guide to Immortality: Extraordinary People, Alien Brains, and Quantum Resurrection. New York: Thunder's Mouth Press. ISBN 1-56025-984-1.
- Rohde, Erwin (1925). Psyche: The Cult of Souls and Belief in Immortality among the Greeks. New York: Harper & Row.
- Salmond, Stewart (1903). The Christian Doctrine of Immortality (PDF).
- West, Michael D. (2003). The Immortal Cell: One Scientist's Quest to Solve the Mystery of Human Aging. Doubleday. ISBN 0-385-50928-6.
Viungo vya nje
- Scientists are Close to Finding a Way to be Immortal Archived 2013-01-04 at Archive.today
- Turritopsis nutricula:Palscience Meet The Only Immortal Species on Planet Earth
- The Methuselah Foundation Aubrey de Grey's non-profit organization dedicated to finding a cure for aging
- KurzweilAI.net Ray Kurzweil resource site
- BiologicalGerontology.com Archived 27 Aprili 2006 at the Wayback Machine. Chris Smelick's Biogerontology site
- Vitae Institute Chris Smelick's non-profit organization
- ELPIs Theory Archived 7 Septemba 2011 at the Wayback Machine. Marios Kyriazis' theory of human biological immortality
- Immortality Institute Scientific and sociological discussions, activism, research
Mtazamo wa kidini na wa kiroho
- "Death and Immortality" Archived 11 Machi 2007 at the Wayback Machine. Dictionary of the History of Ideas, etext at the University of Virginia Library
- "Immortality" Immortality – What Will Eternal Life Be Like?
- The Immortality of the Soul and the Resurrection of the Body Archived 14 Juni 2007 at the Wayback Machine. Lecture by Heinrich J. Vogel
- An Essay on the Scriptural Doctrine of Immortality by James Challis
- Eternity: Christ’s Return, Chiliasm, Resurrection of the Dead, Judgment, Hell, Luther on Eternity, Heaven Archived 14 Juni 2007 at the Wayback Machine. J.P. Meyer, The Northwestern Lutheran, August 22, 1954, Vol. 41, # 17 to April 14, 1957, Vol. 44, #8
- "How you Can Have Eternal Life" Archived 8 Desemba 2007 at the Wayback Machine. Jack Graham, PowerPoint Ministries, Christianity.com
- Got Eternal Life? Got Questions Ministries
- Immortality Taoist essay, personaltao.com
- The Trial to Conquer Death Ancient Scientific Yoga – The First Atom's Final Attempt
- [1] Archived 18 Mei 2013 at the Wayback Machine. A review by Dr. Peter Fenwick of the book Human Immortality by Mohammad Samir Hossain
- uzima wa milele
Katika fasihi
- Mary Shelley's The Mortal Immortal
![]() |
Makala hii kuhusu mambo ya dini bado ni mbegu. Je, unajua kitu kuhusu mada hii kama historia yake au uenezi wake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. |