Kantor pos
Kantor pos nyaéta salah sahiji instansi pamaréntahan anu berorientasi ka masarakat.[1] Fungsi kantor pos nyaéta salaku tempat nu nyadiakeun jasa pikeun ngirim surat jeung barang.[1]
Sajarah
[édit | édit sumber]Kantor pos mimiti aya di Indonésia taun 1602 di jaman V.O.C (Verenigde Oost Indische Compagnie).[2] Perhubungan pos basa harita masih diwatesanan ngan saukur di kota nu aya di Pulo Jawa jeung luar pulo Jawa, maké pakakas angkut karéta kuda sarta kapal layar pacalang.[2] Dina mangsa harita surat pos ditempatkeun dina Stadsherbrg (Hotél) sarta tacan dipigawé pengantaran surat pos, ku kitu na unggal jalma bisa mariksa naha aya surat pos atawa henteu manéhna.[2] Kantor pos mimiti diadegkeun di jakarta taun 1746 ku Gubernur Jenderal G.W.Baron Van Imhoff, tujuanna pikeun leuwih ngajamin kaamanan surat pos.[2] Taun 1809 diwangun jalan Raya Pos (Groote Postweg) ku Gubernur Jenderal Daendels anu panjangna kira-kira 1000 km ti anyer ka panarukan.[2] Nu tadina jarak ti Jawa Barat ka Jawa Timur méakeun waktu opat puluh poé ayuna mah bisa ditempuh ngan jadi genep poé.[2] Nepi ka ayeuna lalampahan pos Indonésia geus lumangsung salila opat abad, tapi sajarah pos indonésia dimimitian tanggal 27 Séptember 1945, nalika sajumplukan angkatan ngora PTT ngarebut gedong puseur PTT di Bandung ti kakawasaan Jepang.[2] Fase ieu mangrupa tonggak dimimitianana pengelolaan sarta pangladén pos ku bangsa Indonésia.[2] Kajadian 27 Séptember 1945 leuwih dipikawanoh minangka "Poé Bhakti Postel".[2]
Kantor pos mimiti diadegkeun di Batavia (nu ayeuna dingarananan Jakarta) ku Gubernur Jendral G.W Baron van Imhoff tanggal 26 Agustus 1746 nu tujuanna pikeun ngajaga kaamanan surat-surat masarakat, utamana pikeun jalma nu gawé di kantor-kantor di luar Jawa jeung pikeun jalma anu datang ti nagara Belanda.[3] Saprak harita pangladén pos geus miboga peran jeung fungsi pangladén ka publik.[3] Sanggeus kantor pos Batavia diadegkeun, opat taun saterusna diadegkeun kantor pos Semarang pikeun ngayakeun perhubungan pos nu teratur antara dua tempat ieu jeung sangkan gancang nalika ngirimna.[3] Rutena ngaliwatan Karawang, Cirebon jeung Pekalongan.[3]
Visi & Misi
[édit | édit sumber]Visi
[édit | édit sumber]Penyedia Jasa Pos miboga ajén anu luhur kalayan daya saing Global.[4]
Misi
[édit | édit sumber]1. Ngokolakeun parusahaan luyu jeung prinsip bisnis anu hadé tur dirojong ku téknologi jeung Sumber Daya Manusa anu profésional.[4]
2. Nyadiakeun layanan komunikasi, logistik, transaksi sarta layanan pos séjénna anu mibanda ajén luhur pikeun kasugemaan langganan.[4]
3. Ngamekarkeun usaha anu dimiboga daya saing kuat boh di pasar domestik boh pasar global.[4]
4. Méré pangladén pikeun kamanfaatan umum anu ngahontal sakumna wewengkon di lemah cai jeung perlakuan anu sarua guna nguatkeun persatuan bangsa sarta ngaheureutkeun hubungan antar bangsa.[4]
Pangladén
[édit | édit sumber]Weselpos instan nyaéta pangladén dina ngirimkeun artos boh di kota boh di désa nu bisa nyampe ka alamat tujuan dina waktu nu sakeudeung.[5] Carana gampang, saukur datang ka kantor pos tuluy registrasi sangkan meunang kode nu tangtu ti petugas.[5] Teu kudu nungguan lila, cukup ku itungan detik nu nampa bisa langsung nyairkeun artosna.[5]
- Kaonjoyan Weselpos Instan:
1. Narima artos di kantor pos dijamin sakeudeung.[5]
2. Tarif ngirimkeun weselpos instan kompetitif.[5]
3. Ngirimkeun artos ngaliwatan weselpos instan bisa dilakukeun di sakabéh kantor pos sacara online.[5]
4. Jaringanna aya di 3.831 kantor pos di Indonesia.[5]
5. Jaminan kaamanan kiriman ku lantaran satiap transaksi dilengkepan ku sistim kaamanan nyaéta Nomor Transaksi Pusat (NTP) jeung Personal Identify Number (PIN).[5] NTP (Nomor Transaksi Pusat) nyaéta nomor nu di-generate sacara terpusat ku sistim Pos Remittance nu aya di Resi, nu mangrupa dérétan angka disatiap transaksi ngirimkeun artos.[5] NTP kudu dijaga jeung ngan saukur dipikaweruh ku nu ngirim ka nu narima sangkan bisa nyairkeun artos.[5] Sedengkeun PIN (Personal Identification Number) nyaéta angka nu jumlah maksimalna 6 (genep) angka nu diasupkeun ku nu ngirim nalika ngalakukeun transaksi nu ngan saukur dipikaweruh ku nu ngirim jeung nu narima.[5]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Rujukan
[édit | édit sumber]- ↑ a b Definisi (Diakses tanggal 18 November 2011)
- ↑ a b c d e f g h i Pos (Diakses tanggal 18 November 2011)
- ↑ a b c d Kantor Archived 2011-12-17 di Wayback Machine (Diakses tanggal 3 Desember 2011)
- ↑ a b c d e Visi & Misi Archived 2011-11-20 di Wayback Machine (Diakses tanggal 3 Desember 2011)
- ↑ a b c d e f g h i j k Wesel[tumbu nonaktif] (Diakses tanggal 3 Desember 2011)