Hotel
![](http://upload.wikimedia.org/wikipedia/su/thumb/2/21/Hotel_des_Indes_TMnr_10017569.jpg/200px-Hotel_des_Indes_TMnr_10017569.jpg)
![](http://upload.wikimedia.org/wikipedia/commons/thumb/f/f5/AmstelhotelAmsterdam.jpg/200px-AmstelhotelAmsterdam.jpg)
![](http://upload.wikimedia.org/wikipedia/commons/thumb/1/1a/Hotel_Llao_Llao%2C_Bariloche%2C_Argentina.jpg/200px-Hotel_Llao_Llao%2C_Bariloche%2C_Argentina.jpg)
![](http://upload.wikimedia.org/wikipedia/commons/thumb/b/be/Nara_Hotel01st3200.jpg/200px-Nara_Hotel01st3200.jpg)
Hotél nyaéta hiji wangunan, lambang, pausahaan atawa badan usaha akomodasi nu nyadiakeun pelayanan jasa panginapan, nyadiakeun kadaharan jeung inuman sarta fasilitas jasa lianna anu sakabéh pelayanan éta téh keur masarakat umum, boh nu meuting di éta hotél boh nu ngagunakeun fasilitas nu tangtu nu dipiboga ku éta hotél.[1] Wangenan hotél dumasar Kaputusan Menteri Parpostel no KM 94/HK103/MPPT 1987, hotél mangrupa hiji jenis akomodasi nu ngagunakeun sabagian atawa sakabéh wangunana pikeun nyadiakeun jasa pelayanan, panginapan, kadaharan jeung inuman sarta jasa lianna keur umum nu dikokolakeun sacara komérsial sarta nyumponan katangtuan persaratan nu ditangtukeun dina kaputusan pamaréntah.[2]
Karakteristik Hotél
[édit | édit sumber]Nu ngabédakeun antara hotél jeung industri lianna nyaéta; (a) industri hotél kagolong industri padat modal sarta padat karya, (b) dipangaruhan ku kaayaan jeung parobahan séktor ékonomi, pulitik, sosial, budaya, jeung kaamanan lingkungan, (c) ngahasilkeun jeung masarkeun sacara babarengan jeung temapat diaman jasa layanana dihasilkeun, (d) waktu operasi salila 24 jam sapoé, (e) ngajadikeun konsumén siga raja atawa patner dina usaha.[1]
Jenis Hotél
[édit | édit sumber]Nangtukeun jenis hotél teu leupas tina kabutuhan konsumén jeung ciri atawa sifat has nu dipiboga ku wisatawan (Tarmoezi, 2000).[1] Dumasar éta hal, bisa ditempo tina lokasi di mana hotél dibangun, nepi ka dikelompokkeun jadi; (a) Citi hotel, hotel nu lokasina di perkotaan, biasana keur masarakat nu boga maksud cicing sakeudeung.[1] City hotel ogé salaku tempat transitl sabab biasana dicicingan ku para palaku bisnis nu ngamangpaatkeun fasilitas jeung palayanan bisnis nu disadiakeun ku hotél.[1] (b) Résidéntial hotél, hotel nu lokasina di daérah pasisian kota gedé nu jauh ti karaméan kota, tapi babari ka tempat kagiatan usaha. Ieu hotel lokasina di daérah-daérah tenang, utaman lantaran keur masarakat nu hayang cicing lila.[1] (c) Resort hotel, hotel nu lokasina di daérah pagunungan atawa pantai, di ujung dano atawa ujung aliran walungan.[1] (d) Motél (motor hotel), lokasina di pasisian atawa disanjang jalan raya nu ngahubungkeun hiji kota jeung kota gedé lianna, atawa di pasisian jalan raya deukeut ka gapura atawa wates kota gedé.[1]
Klasifikasi Hotél
[édit | édit sumber]Numutkeun kaputusan diréktorat Jéndral Pariwisata, Pos dan Télékomunikasi no 22/U/VI/1978 tanggal 12 Juni 1978 (Endar Sri, 1996 : 9), klasifikasi hotél dibédakeun ku ngagunakeun simbol béntang antara 1-5.[1] Beuki loba béntang nu dipiboga ku hiji hotel, beuki alus kualitasna.[1] Penilaian dilakukeun salila 3 taun sakali maké tatacara sarta nangtukeunana dilakukeun ku Direktorat Jendral Pariwisata.[1]
Referensi
[édit | édit sumber]
![]() |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |