1866 – Para pajuang Péru tempur ngalawan armada laut Spanyol dina Patempuran Callao.
1876 – Pangbarontakan April dimimitian di Bulgaria Utsmani.
1885 – Prajurit Suku Cree jeung Assiniboine meunangkeun Patempuran Péso Keureut ngalawan pasaukan Kanada nu leuwih réa wanci Pangbarontakan Kalér Kulon.
1941 – Sabada kudéta ka Putra Mahkota Irak, Pangéran Abdallah dina awal taun, Karajaan Inggris mesatkeun Perang Anglo-Irak dina raraga mulangkeun deui kakawasaanna.
1945 – Perang Dunia II: Nyerahna Caserta mimiti méré pangaruh, pasukan Jérman di Italia ngareureuhan perang.
1945 – Perang Dunia II: Pasukan Divisi Airborne AS Ka-82 ngabébaskeun Kémp Konséntrasi Wöbbelin, manggihan 1.000 tahanan geus maraot, lolobana alatan kalaparan.
1952 – Pasawat jét panumpang nu munggaran di dunia, De Havilland Comet 1, munggaran ngapung ti London ka Johannesburg.
2011 – Wabah E. coli nerekab di Éropa, utamana di Jérman, ngakibatkeun 30 jalma palastra tur loba pisan nu garering.
2012 – Vérsi pastel tina lukisan The Scream, beunang tukang lukis Norwégia, Edvard Munch, kajual saharga $120 juta dina hiji lélang di Kota New York, mangrupa rékor anyar pangmahalna tina hiji karya seni.
2014 – Dua longsor di Badakhshan, Afghanistan, ngakibatkeun leungitna 2.500 jalma.
2019 – Facebook nyekal Alex Jones (InfoWars), Milo Yiannopoulos (éks-Breitbart), Louis Farrakhan (Nation of Islam), Paul Nehlen sarta Laura Loomer ku alesan ucapan kangéwa.
