Awi bitung
| Awi bitung | |
|---|---|
| |
| Awi bitung, Dendrocalamus asper ti daérah, Sukowidi, Panekan, Magetan | |
| Klasifikasi ilmiah | |
| Karajaan: | |
| (unranked): | |
| (unranked): | |
| (unranked): | |
| Ordo: | |
| Kulawarga: | |
| Subfamili: | |
| Tribus: | |
| Génus: | |
| Spésiés: | D. asper
|
| Ngaran binomial | |
| Dendrocalamus asper | |
| Sinonim | |
sinonim langkung lengkep aya di The Plant List[5] | |
Awi bitung atawa bitung (Dendrocalamus asper) nyaéta awi anu tangkalna mibanda ukuran leuwih badag, kaasup kana kulawarga Poaceae.[6][7] [8][9]
Awi bitung mibanda sababaraha ngaran saperti : bambu betung, buluh petung (Mly.); bulu botung (Bat.); oloh otong (Gayo); triĕng bĕtong (basa Acéh); léwuo guru (basa Nias); bambu batuĕng (basa Minangkabau); pĕring bĕtung (basa Lampung); pring pĕtung, dĕling pĕtung, jajang bĕtung (basa Jawa); pĕréng pĕtong (bahasa Madura); tiing pĕtung (bahasa Bali); bulo patung, b. patong (basa Makassar); awo pĕtung (basa Bugis); au pĕtung (Solor); bambu swanggi (Banda), betong (Manggarai, Florés, NTT).[3] Dina basa Inggris awi bitung disebut rough bamboo atawa giant bamboo.[7].
Pedaran
édit
Tangkalna ngadapur; iwungna hideung semu gandaria, disimbutan ku bulu-bulu (miang) kelirna coklat aya ogé anu hideung.[3] Tangkalna kawilang badag, panjang bukuna 40-50 cm buleudan tangkalna 12-18(-20) cm, jangkung tangkal ti puhu nepi ka tungtung kurang leuwih 20 m ka tungtungnakeun melenod; kelir tangkalna héjo, héjo kolot, aya ogé anu héjo semu gandaria.[10] Buku-bukuna barijil akar tapi henteu manjangan anu katelah akar udara.[10] Kandel tangkalna 11 nepi ka 36 mm.[7]
Salumpitna kawilang badag, lk. 50 × 25 cm,[7] disimbutan ku bulu-bulu miang kelirna coklat kolot nepi ka hideung; tungtung salumpit ngaringkél panjangna 7 mm palapah daunna jurutilu palebah handapna ngaleutikan.[10] Daun dina régan mibanda palapah anu lokos kelirna konéng ngora tur buluan, 2 mm, daun salambar 15-30(-45) × 1-2,5(-8,5) cm.[10]Beulah handap keusrak; cupat daunna pondok .[7]
Kembangna bijil ngaranggeuy tina tungtung dahan anu henteu mibanda daun spikelet.[10] Spikelet ngawangun elipsoid, 6-9 × 4-5 mm, rada gepéng ka gigir, dieusi ku 1-2 gluma jeung 4-5 ''floret''.[7]
Tempat hirup
éditAwi bitung ditaksir asalna ti wewengkon Asia Tenggara.[7]Kiwari tangkal awi bitung méh bisa kapanggih di unggal daérah di Asia tropis.[7] Ogé kapanggih dinagara séjéna saperti Ghana, Benin, Kongo, Kenya, jeung Madagaskar.[7]Tangkal awi bitung nyebar nepika dataran anu mibanda 1.500 m dpl.[7] Di Taman Nasional Gunung Gede Pangrango awi bitung masih kénéh kapanggih hirup di dataran 1.910 m dpl.[11]
Awi bitung hirup kalawan subur utamana dina taneuh anu jemlék sok sanajan bisa Jadi ogé dina dataran anu garing boh di pagunungan anapon di tegalan.[10] Awi bitung bisa hirup kalawan subur di daérah anu luhur tempatna 400–500 m tina beungeut cai laut (mdpl) ogé di daérah anu mibanda hujan dina sataun rata-rata 2.400 mm.[7]Awi bitung bisa hirup dina sagala rupa taneuh, tapi bakal leuwih hadé umpama hirup dina taneuh jemlek.[7] Kasorot ku panon poé, suhu pang tiisna dina 25 °F.[12]
Mangpaat
éditAwi bitung geus dimangpaatkeun pikeun : kontruksi, tihang imah, parahu, rakit, sasak, jeung sajabana. [3][13] Dina kaayaan garing awi gombong leuwih kuat jeung awét, dina kadar cai 8% kapadetan kaina kurang leuwih 0,7-0,8 g/cm³.[7]Dina kaayaan kadar cai 15%, kakuatan kai awi bitung mangsa dipotongkeun 103 N/mm²; kakuatan nahan mangsa nahan beurat sajajar jeung urat tangkalna 31 .[10]
Awi bitung biasa ogé dimangpaatkeun pikeun rupa-rupa kabutuhan : Kuluwung, lodong cai, lahang, waditra, furnitur, parabot rumah tangga, bubur kertas, sumpit, tusuk gigi, jeung sajabana.[13][7][14] [10]
Iwung Awi bitung mah kawilang badag, rasana ogé henteu pait malahan rada amis anu matak loba anu mikaresep. [3] Pikeun diolah jadi acar, sayuran, bahan pikeun iwung kaléngan, iwung awi bitung mibanda kualitas anu hadé dibandingkeun jeung iwung awi séjén.[7]
Tempo ogé rupa-rupa awi
éditDaptar pustaka
édit- Kamus PS, Tim Penyusun (2013). KAMUS PERTANIAN UMUM. Penebar Swadayas. ISBN 978-979-002-593-6.
- Ohrnberger, D. (2013). The Bamboos of the World: Annotated Nomenclature and Literature of the Species and the Higher and Lower Taxa. Elsevier. ISBN 0-444-50020-0.
- Andoko, Drs. Agus (2013). Budi Daya Bambu Rebung. Kanisius.
- Gerbono, Anton (2005). Teknologi Tepat Guna ANEKA ANYAMAN BAMBU. Kanisius. ISBN 979-21-0712-6.
- -, Haryoto (1996). Teknologi Tepat Guna MEMBUAT KURSI BAMBU. Kanisius. ISBN 979-497-621-0.
Dicutat tina
édit- ↑ Heyne, K.. 1927. De Nuttige Planten van Nederland-Indie ed. 2, 1: 301. Buitenzorg :Dept. van Landbouw.
- ↑ Ohrnberger, D. 1999. The Bamboos of the World: Annotated Nomenclature and Literature of the Species and the Higher and Lower Taxa. Amsterdam :Elsevier.
- ↑ a b c d e Rumpf, G.E. 1743. Herbarium Amboinense: plurimas conplectens arbores, frutices, ... Pars IV: 11, Tab. 6. Amstelaedami :apud Franciscum Changuion, Hermannum Uttwerf. MDCCXLIII.
- ↑ Roemer, Johann Jacob & Josef (Joseph) August Schultes. 1830. Caroli a Linné ... Systema vegetabilium: secundum classes, ordines, genera, species. Cum characteribus differentiis et synonymis. Editio nova, speciebus inde ab editione XV. Detectis aucta et locupletata. vol. VII(2): 1352. Stuttgardtiae :Sumtibus J.G. Cottae [1817-1830]
- ↑ The Plant List: Dendrocalamus asper (Schult.) Backer Archived 2022-01-24 di Wayback Machine
- ↑ KBBI daring: betung
- ↑ a b c d e f g h i j k l m n o Brink, M. 2008. "Dendrocalamus asper." in D. Louppe. A.A. Oteng-Amoako, & M. Brink (Eds.) Plant Resources of Tropical Africa 7(1) Timbers 1: 218-20. Wageningen :PROTA Foundation.
- ↑ Rigg, Jonathan (1862). A Dictionary of the Sunda Language of Java. Jakarta: Bataviaasch Genootschap van Kunsten en Wetenschappen. ISBN '- Check
|isbn=value (bantuan). - ↑ Luthfiyani, Lulu (2016). BUDIDAYA IKAN GABUSLuthfiyani. Jakarta: Frasa Lingua. p. 13. ISBN 9786026475275. Disungsi16 Mei 2024
- ↑ a b c d e f g h Widjaja, E.A. 2001. Identikit jenis-jenis bambu di Jawa: 39-40. L.f. 12. Bogor: Puslitbang Biologi LIPI.
- ↑ Pratiwi, ERT. "Hubungan antara penyebaran alami bambu betung". http://repository.ipb.ac.id/handle/123456789/49542
- ↑ "Dendrocalamus asper". Beautiful Tropical Garden. Diakses tanggal 2014-05-29.
- ↑ a b Heyne, K. 1987. Tumbuhan Berguna Indonesia I: 343-4. Badan Litbang Kehutanan, Departemen Kehutanan. Jakarta. (versi berbahasa Belanda -1922- I: 285-6. sebagai Dendrocalamus flagellifer)
- ↑ Sukaton, E. 2004. "Variasi proses pulping kraft dari jenis bambu betung (Dendrocalamus asper) sebagai bahan baku pulp dan kertas." Rimba Kalimantan 9(1): 21-4. Archived 2016-05-08 di Wayback Machine [Juni 2004]
Tutumbu kaluar
édit- Useful Trop. Plants: Dendrocalamus asper (Schult.) Backer