Fäkwierkhuus
![](http://upload.wikimedia.org/wikipedia/commons/thumb/0/05/Goddelau_Geburtshaus_B%C3%BCchner_20110309.jpg/200px-Goddelau_Geburtshaus_B%C3%BCchner_20110309.jpg)
![](http://upload.wikimedia.org/wikipedia/commons/thumb/a/ad/Fachwerkhaus_Rohbau.jpg/200px-Fachwerkhaus_Rohbau.jpg)
Een Fäkwierkhuus (düütsk: Fachwerkhaus / Riegelhaus - so kwäd me inne Swaits) is n Huus, wier dreegende Deele fon ju Wooge uut Holten Fäkwierk apbaud un do Feeke uutfäld sunt, maasttieds mäd Floachtwierk un Kleemelse, een Miskenge uut Leem, Sträi un mongs uk Mjuks. Toumäts wäide oaber uk Baksteene, Breeksteene of uurs wät bruukt. Düsse Bauwiese wuude foar moorere duusend Jiere in ju Jungsteentied ärfuunen un sänt düt Tiedoaler aaltied fääre äntwikkeld. Ju Fäkwierkbauwiese is also oold-bewäärd, daach wäd ju däälich bloot noch säilden bruukt, uum Huuse tou bauen.
Besunnere Fäkwierkhuuse
[Beoarbaidje | beoarbaidje Wältext]Fäkwierkhuuse rakt dät in een groote Fuulfoold fon unnerskeedelke Typen. Dät Eepene Huus, dät in Seelterlound aleer baud wuude, heert deer uk tou.
Dät rakt uk Huuse, do bloot foar n Haaldeel mäd Holten Fäkwierk baud sunt: Uumdät dät Fäkwierk lichter as Steen is, sit dät dan buppe ap ju Muure.
As een Miskenge uut Düütske un Slawiske Baukunst findt sik in do Elbsoundsteen-Bierge, ju sorbisksproakige Lausitz un dät Noude fon ju tschechiske Loundskup Böhmen dät sonaamde "Uumebiendenge-Huus" (Düütsk: Umgebindehaus). Deerbie sunt Blokhuus un Fäkwierkhuus ap een Oard un Wiese ferbuunen, dät unnern dät Blokhuus sik un ap Stonnere, do deer, mä Boogen ferbuunen, uumetoustounde, is dät Fäkwierkhuus buppe ap sät.
-
Eepen Huus in't Museumstäärp Kloppenbuurich
-
Ju Buurich Himeji in Japan häd ap ju druuge Muure n Fäkwierk-Apbau, man die is ferputsed.
-
"Uumebiendenge-Huus" in Habrachćicy (buppersorbisken Noome, düütsk: Ebersbach/Sa., Saksen
![Commons](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)