Ucjuv kirkko
| Ucjuv kirkko | |
|---|---|
 |
|
|
Koordinaateh: |
|
| Staatâ |
 Suomâ |
| Eennâmkodde | Lappi |
| Kieldâ | Ucjuuhâ |
| Kirkkokodde | Suomâ evaŋgellâš-luterilâš kirkko |
| Pispekodde | Oulu pispekodde |
| Ruávástkodde | Laapi ruávástkodde |
| Servikodde | Ucjuv servikodde |
| Huksejum | 1850–1853 |
| Vuávájeijee(h) | Ernst Lohrmann |
| Materiaal | keđgi |
Ucjuv kirkko (orjâlâškielân Ohcejoga girku já suomâkielân Utsjoen kirkko) lii keđgikirkko Ucjuuvâst váldumaađij 4 pellâst suulân 6 km keččin markkânist máádás. Tot lii sehe Suomâ já Euroop union tavemus kirkko.
Kirho vuávái Ernst Lohrmann intendentkontturist, já tot huksejui keeđgist iivij 1850–1853. Huksim maavsij suullân 90 000 märkkid.[1]
Kirkko lii ucce; tast láá čokkámsajeh suulân 240 ulmui.[2] Kirkko lii nuuvt kočodum kuheskirkko. Ton tornâ lii kirho nuorttiikeččin. Viestârkeččin lii tuolbâkáttusâš sáákkást, mii lii vyeligub ko kirkkosali.
Álttártavlu
[mute | mute käldee]Álttár tyehin lii stuorrâ álttártavlu (270 × 140 cm), mon nommâ lii Pajaspajanem. Tom máálái Aukusti Koivisto ive 1924. Tolebáá álttárseeinist lâi tuše kolledum ristâ.[3]
Kirkkotuveh
[mute | mute käldee]Ucjuv kirho aldasijn Maadâjäävri riddoost láá kirkkotuveh, main jieškote-uvlágáneh Ucjuuvâ suuvah ijâstâllii kirhostâldijnis. Tuveh huksejuvvojii 1800-lovo aalgâst, já toh lijjii vijđáht kiävtust vala 1930-lovvoost. Tuveh lijjii suullân 20, mut iivij mield toh sirdâšuvvii meddâl.[4]
Onnáá peeivi siämmáá kuávlust Maadâjäävri riddoost láá 14 tuppeed, moh láá macâttum toho já restauristum. Keessiv tobbeen lii meiddei kähviviste, kost puáhtá puurrâđ vohvelijd já juuhâđ sääpi.[4]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Ucjuv kirkko.
- Ucjuv kirkko (Huksimärbiregister) Kulttuurpirrâs palvâlus kyppi.fi. Museovirgádâh. (suomâkielân)
- Ucjuv kirkko retkipaikka.fi-sijđostuvâst (suomâkielân)
Käldeeh
[mute | mute käldee]- ↑ Buharov, D. N.: Matka Lapissa syksyllä 1883, s. 156. Suomalaisen Kirjallisuuden Seura, 2010. ISBN 978-952-222-148-3.
- ↑ Ohcejoga girku Ucjuv servikodde. Čujottum 31.10.2022. (tavesämikielân)
- ↑ Rönkkö, Pekka: Noitarummusta kirkkauden kruunuun: Lapin kirkkomaalauksia keskiajalta nykypäivään, s. 147–149. Kustannusosakeyhtiö Pohjoinen, 1985. ISBN 951-749-005-4.
- ↑ 4,0 4,1 Utsjoen kirkkotuvat web.archive.org. 3.9.2017. Saami Village. Čujottum 21.7.2024. (suomâkielân)