The Game (Queen)

The Game
Artista:	Queen
Tipu album:	Studio
Data dâ nisciuta:	30 di giugnu 1980
Durata:	35 min : 43 s (album originali) 53 min :03 s (deluxe edition 2011)
Númmuru di Dischi:	1
Númmuru di tracci:	10 (album originali) 15 (deluxe edition 2011)
Gèniri:	Hard rock Art rock Arena rock Dance rock Heavy metal
Casa discugràfica:	EMI, Parlophone (Europa) Hollywood Records, Elektra Records (USA)
Prudutturi:	Queen, Reinhold Mack
Riggistrazzioni:	giugnu - giugnettu 1979 e frivaru - maiu 1980, Musicland Studios, Mònacu, Girmania
Noti:	#1 (Canadà) #1 (Ulanna) #1 (Regnu Unitu) #1 (USA)
Album pricidenti:	Live Killers
Album succissivu:	Flash Gordon

The Game è l'ottavu album 'n studio dû gruppu musicali ngrisi li Queen, pubbricatu pâ prima vota lu 30 di giugnu 1980. Fu lu primu album dî Queen ca arrivò ô 1° postu nnâ classìfica di l'album cchiù vinnuti pi 5 simani nnî Stati Uniti e 'n Canadà, e ntô Regnu Unitu pi 2 simani. 'N àutri paisi arrivò 1° 'n Ulanna, 2° 'n Norveggia e Girmania, 5° 'n Austria e Giappuni, 7° 'n Svezzia e 10° 'n Italia.

Lu discu

La so nisciuta, l'album fici nasciri assai pirplessità dâ parti dâ critica, dû puntu di vista musicali e pâ mmàggini ca lu gruppu forniva di sé (e la mmàggini, funnamintali nnâ mùsica rock, era ancora di cchiù 'n nu gruppu comu li Queen). Nnâ cupirtina dû discu èranu prisenti li quattru cumpunenti dû gruppu 'n peddi nìura ca arricurdàvanu cchiù assai nu gruppu di motociclisti di l'anni cinquanta (era nisciutu nu paru di annu prima lu film Grease). A sta prima novità si agghiunciu la prima apparizioni di Freddie Mercury ntô novu look cu capiddi curti ntâ cupirtina di l'album (nnô vidiu clip di Play the Game e di Another One Bites the Dust apparìu cu li so famusi baffi). Ma è ntô cuntinutu musicali ca The Game rapprisenta nu elementu di svolta ntâ carrera dû gruppu.

Lu primu elementu novu è a prisenza di l'alittrònica, Finu a ddu mumentu i Queen avianu disdegnatu l'usu ri computer e sintetizzaturi ne loro canzuni, e avianu suttalineatu u rifiutu pi sti cosi cu dichiarazioni ne noti ri copertine ri primi album. Cu The Game canciarunu opinioni e u dissiru chiaramenti ne noti, citannu addirittura a marca ru sintetizzaturi usatu.

U secunnu elementu è a prisenza ru funky e ru gèniri disco ne singuli ru gruppu. A cavaddu tra li anni sittanta e l'anni uttanta, assai gruppi rock misiru a dura prova a fedeltà ri propri fans mittennu na li loro album brani ri gèniri disco o vicini a “black music”, cu risultati alli voti troppu semplici, avutri voti geniali. Persinu i Pink Floyd, pochi misi prima di l'uscita ru discu de Queen, pubbricarunu Another Brick in the Wall. Mercury e cumpagnu ficiru a loro parti cu dui brani: “Dragon Attack” (sccritta ra Brian May e sopratuttu Another One Bites the Dust (firmata ra John Deacon), cu so famusu giru ri bassu, unu ri pezzi simmulu ru gruppu ngrisi.

L'avutri canzuni ri l'album riflettunu maggiormente i tematiche ru gruppu: Crazy Little Thing Called Love, omaggiu ru Mercury o rock and roll cumposta na vasca ra bagnu ru Bayerischerhof ri Mònacu, testimoniannu u so gustu pi citazioni musicali ri gustu retrò, mentri canzuni comu “Sail Away Sweet Sister”, l'intricanti Save Me e Play the Game riportanu a li classici brani corali e classici ca ficiru addivintari famusu u gruppu.

Pur nun rapprisintannu forsi u vertici criativu ru gruppu, The Game influinzò tutti i loro successivi travagghi, putennulu cunsidirari na tappa funnamentali da loro carriera 'n quantu fici trasiri u gruppu dintra na fasi commerciali da lu punti ri vista artistico, fasi ca durò pi tutti l'anni uttanti finu a finiri ntô 1991 cu l'album Innuendo.

Ntô 2011 l'album fu rimasterizzatu 'n digitali ra Island Records / Universal Records e fu distribuitu 'n dui furmati:

• standard edition, cuntinenti l'album originali
• deluxe edition 2 CD, cuntinenti l'album originali e nu EP bonus

Tracci

1. Play the Game - 3:33 (Freddie Mercury)
2. Dragon Attack - 4:19 (Brian May)
3. Another One Bites the Dust - 3:36 (John Deacon)
4. Need Your Loving Tonight - 2:49 (John Deacon)
5. Crazy Little Thing Called Love - 2:48 (Freddie Mercury)
6. Rock It (Prime Jive) - 4:33 (Roger Taylor)
7. Don't Try Suicide - 3:52 (Freddie Mercury)
8. Sail away sweet sister (To the sister I never had) - 3:33 (Brian May)
9. Coming Soon - 2:51 (Roger Taylor)
10. Save Me - 3:49 (Brian May)

Durata tutali: 35:43

Bonus EP (ri-edizioni CD 2011 ra Island Records / Universal Records)

1. Save Me (Live In Montreal, November 1981) - 4:18
2. A Human Body (B-Side) - 3:44
3. Sail Away Sweet Sister (To The Sister I Never Had) (Take 1 With Guide Vocal) - 2:34
4. It's A Beautiful Day (Original Spontaneous Idea, April 1980) - 1:30
5. Dragon Attack (Queen on Fire - Live at the Bowl, June 1982) - 5:14

Durata tutali: 17:20

Play the Game

Pi sapìrinni cchiossai, vidi puru la vuci Play the Game.

Play the Game fu scritta ra Freddie Mercury. A canzuni fu pubbricata comu singulu ntô 1980 arrivannu o 14° postu ntô Regnu Unitu e o 42° postu na li Stati Uniti dâ Mèrica. A canzuni fu sunata live da lu 1980 a lu 1982.

Dragon Attack

Dragon Attack fu scritta ra Brian May. A canzuni fu una ri preferite ne live tra lu 1980 a lu 1982 e lu gruppu a misi na lista ri canzuni ra cantari cu Adam Lambert. Na virsioni ngrisi ri Another One Bites the Dust a canzuni fu usata comu b-side.

Another One Bites the Dust

Pi sapìrinni cchiossai, vidi puru la vuci Another One Bites the Dust.

Another One Bites the Dust fu scritta du lu bassista ru gruppu, John Deacon. A canzuni è canusciuta comu na canzuni ra discoteca e fu pubbricata comu singulu su suggerimentu ru cantanti mèricanu Michael Jackson, ca era nu granni fan ru gruppu e i vitti cchià voti ne cuncerti a Los Angeles. A canzuni fu nu seccussu munniali arrivannu o 1° postu 'n USA e in avutri paisi, ntô Regnu Unitu arrivo o 7° postu. Dopu u successu ra canzuni, u gruppu registrò l'album successivu (Hot Space) ispirannusi a lu gèniri disco. U branu è accreditatu comu u singulu ri Queen ca vinniu cchiù dischi ri tutti, 7 miliuna ri copie 'n tuttu u munnu.

Need Your Loving Tonight

Pi sapìrinni cchiossai, vidi puru la vuci Need Your Loving Tonight.

Need Your Loving Tonight fu scritta da Deacon. A melodia ra canzuni fu influinzata da li Beatles, puru si avi n'ispirazzioni cchiù rock no riff ri chitarra, rannu accussì a canzuni nu sono power pop. A canzuni fu pubbricata comu singulu ntô nuvèmmiru 1980 arrivannu o 44° postu 'n USA. A canzuni fu cantata pocu duranti u The Game Tour ne primi anni uttanta, vinennu cantata sulu na stu tour.

Crazy Little Thing Called Love

Pi sapìrinni cchiossai, vidi puru la vuci Crazy Little Thing Called Love.

Crazy Little Thing Called Love fu scritta ra Mercury 'n suli 10 minuti, mentri era dintra a vasca ra bagnu ri l'hotel Bayerischerhot ri Mònacu. Oltri a sunari a chitarra duranti a registrazioni ra canzuno, Mercury a sona puru duranti i spittaculi live. A canzuni arrivò o 2° ntô Regnu Unitu e o 1° postu 'n USA pi 4 simani cunsecutivi, arrivannu o 1° postu puru 'n Australia, Canadà, Mèssicu e Olanda. A canzuni è stata uggettu ri molti artisti.

Rock It (Prime Jive)

Rock It (Prime Jive) fu scritta ra Roger Taylor. A canzuni inizia cu Mercury ca canti l'intro pi poi lassari cantari a canzuni o batterista. U branu fu cantatu live sulu ntô Nord America duranti u The Game Tour

Don't Try Suicide

Don't Try Suidice è na canzuni scritta ra Mercury, ed è a terza e ultima canzuni ri Mercury na l'album. A canzuni nun è mai stata cantata live. U branu fu usatu comu b-side na virsioni mèricana ri Another One Bites the Dust.

Sail Away Sweet Sister

Sail Away Sweet Sister (u titulu cumpletu è Sail Away Sweet Sister (To The Sister I Never Had)) fu scritta ra Brian May e cantata ra iddu comu vuci sulista. U branu fu registratu ntô misi ri giugnu / giugnettu 1979. A canzuni nun fu mai sunata live da lu gruppu. Na certi cuncerti ri Guns N' Roses, Axl Rose cantava alcuni versi da canzuni, comu intru ri Sweet Child O' Mine. Famusu l'esempiu ri “Live in Tokio” ntô 1992.

Coming Soon

Coming Soon fu scritta da lu batterista Roger Taylor. A canzuni è cantata ra iddu e ra Mercury. U branu era statu pruvatu duranti a sissioni ri registrazioni ri l'album Jazz. Comu avutri canzuni ri l'album, sta canzuni nun fu mai cantata live.

Save Me

Pi sapìrinni cchiossai, vidi puru la vuci Save Me.

Save Me fu scritta ra May, dopu ca nu so amicu s'avia lassatu ca mugghieri. May sunò a maggior parti ri strumenti na l'album tra cui a chitarra elettrica e chidda acustica, u chianuforti e lu sintetizzaturi. A canzuni fu cantata live da lu 1979 a lu 1982. Na virsioni live a canzuni nu brevi ingressu o chianuforti assenti na virsioni 'n studio. U branu arrivò a l'11° postu na classifica ngrisi.