Vita-Cola
![](http://upload.wikimedia.org/wikipedia/sc/thumb/1/11/Provintzia_de_Casteddu-Istemma.png/26px-Provintzia_de_Casteddu-Istemma.png)
![](http://upload.wikimedia.org/wikipedia/sc/thumb/1/11/Provintzia_de_Casteddu-Istemma.png/26px-Provintzia_de_Casteddu-Istemma.png)
logudoresu · LSC · nugoresu
![](http://upload.wikimedia.org/wikipedia/commons/thumb/1/1c/Vita_cola_flasche.jpg/220px-Vita_cola_flasche.jpg)
Vita-Cola est una bevida a basi de cola prodùsia in s'ex Repùbblica Democràtica Tedesca, oi in Germània.
Su sabori de sa Vita-Cola est descritu che una cola aromatisada a s'agrùmini e a sa fruta. A cunfrontu cun s'Afri-Cola, sa Coca-Cola e sa Pepsi-Cola est prus durci.
Stòria
[modìfica | modìfica su còdighe de orìgine]Est nàscia comenti imitadura de sa Coca-Cola in sa DDR. Est stètia presentada in su 1957 comenti Brauselimonade mit Frucht- und Kräutergeschmack[1] (in sardu, bevida gasada a sabori de fruta e erbas aromàticas) e sa retzeta originària sua est segreta (comenti sa de sa Coca-Cola).
In su momentu de spraxidura cumertziale màssima, si contànt agiumai 200 centrus de imbutillamentu de sa Vita-Cola in totu sa DDR. Apustis de s'arutroxa de su muru de Berlinu in su 1989, is bèndidas si funt redùsias a lestu e is màrchius ocidentalis de Cola ant pigadu su logu suu.[2]
Cun s'arribu de s'Ostalgie (nostalgia de is tedescus de s'est po is diis passaus de sa Germània Est), prodùsius scarèscius, comenti sa Vita-Cola, funt torraus in cummèrtziu e agradèssius meda de is consumadoris.
Sa Thüringer Waldquell (una sotziedadi de sa Germània Est) nd'at comporau is deretus, su nòmini e sa retzeta, torrendi-dda a ponni in produtzioni in su 1994.[3]
In Thuringia sa Vita-Cola in su 2009 est stètia bèndia prus de sa Coca-Cola[3] e in su 2018 is bèndidas totalis funt arribadas a 89 millionis de litrus.[2]
Riferimentus
[modìfica | modìfica su còdighe de orìgine]- ↑ (DE) Vita Cola und Club Cola, in www.getraenkebetriebe.de. URL consultadu su 24 santugaine 2020.
- ↑ 2.0 2.1 (EN) These Quirky East German Brands Survived the End of Communism, in Bloomberg News, 9 santandria 2019. URL consultadu su 24 santugaine 2020.
- ↑ 3.0 3.1 (DE) VITA COLA: GESCHICHTE, in vita-cola.de (Archiviau), 24 trìulas 2012. URL consultadu su 24 santugaine 2020 (archiviadu dae s'url originale su 24 trìulas 2012).