Singapore
Coordinadas: 1°18′N 103°48′E / 1.3°N 103.8°E
Artìculu in LSC
![](http://upload.wikimedia.org/wikipedia/commons/thumb/4/48/Flag_of_Singapore.svg/244px-Flag_of_Singapore.svg.png)
![](http://upload.wikimedia.org/wikipedia/commons/thumb/3/35/Singapore_on_the_globe_%28Southeast_Asia_centered%29.svg/246px-Singapore_on_the_globe_%28Southeast_Asia_centered%29.svg.png)
Singapore (AFI: /sinɡaˈpore/) ufitzialmente Repùblica de Singapore (in malesu Republik Singapura; in inglesu Republic of Singapore; in tzinesu 新加坡共和国, trasliteradu Xīnjiāpō Gònghéguó; in tamil சிங்கப்பூர் குடியரசு, trasliteradu Ciŋkappūr Kudiyarasu), est una tzitade-istadu de su sud-estu asiàticu, posta in s'estrema atza meridionale de sa penìsula malesa, 152 km a norte de s'ecuadore. Tenet istèrrida de 725.1 km2 e s'isvilupat in un'artzipèlagu formadu dae unas 60 ìsulas, sa prus manna e printzipale de sas cales est s'ìsula de Singapore in ue s'agatat sa metròpoli. In su norte Singapore est seberada dae sa Malaysia de s'Istrintu de Johor, in su sud est separada dae sas ìsulas Riau indonesianas dae s'Istrintu de Singapore.
Sa tzitade-istadu est su de bator printzipales tzentros finantzieris de su mundu[1] e est una de sas printzipales tzitades cosmopolitas de su globu, cun un'importante rolu in su cummèrtziu internatzionale e in sa finàntzia. Su suo portu est intre de sos primos chimbe pro fainas e tràficu subra iscala mundiale.[2]
Singapore est unu Paisu cun una longa istòria de immigratzione. Tenet una populatzione bària e sos prus de 5 milliones de bividores sunt prevalentemente de etnia tzinesa, malesa, indiana e unas àteras iscratzas de asiàticos e europeos.[3]
Su 42% de sa populatzione est istràngia, inoghe presente pro traballu o istùdiu. Sos traballadores istràngios costituint su 50% de su setore de sos servìtzios.[4][5]
Singapore est su segundu istadu prus densamente pobuladu de su mundu a pustis de su Printzipadu de Mònaco e in su 2009 est imbàtidu a sa prus arta cuntzentratzione de millionàrios in raportu a sa populatzione, in antis de Hong Kong, Isvìtzera, Qatàr e Kuwait.[6]
Notas
[modìfica | modìfica su còdighe de orìgine]- ↑ (EN) Global Financial Centres 7 (PDF), City of London (archiviadu dae s'url originale su 31 martzu 2010).
- ↑ Rachel Kelly, Singapore retains busiest world port title, in Channel News Asia (Singapore), 10 ghennàrgiu 2008. URL consultadu su 25 santandria 2019 (archiviadu dae s'url originale su 3 martzu 2013).
- ↑ (EN) Statistics Singapore - Latest Data, Singstat.gov.sg. URL consultadu su 25 santandria 2019 (archiviadu dae s'url originale su 26 nadale 2018).
- ↑ (EN) Trends in international migrant stock: The 2008 revision (PDF), United Nations, Department of Economic and Social Affairs, Population Division (2009).
- ↑ (EN) Population Trends 2009 (PDF), Singapore Department of Statistics. ISSN 1793-2424. URL consultadu su 25 santandria 2019 (archiviadu dae s'url originale su 10 nadale 2011).
- ↑ (EN) The Straits Times: More Singapore millionaires (11/06/2010), in straitstimes.com (archiviadu dae s'url originale su 20 ghennàrgiu 2011).
Àteros progetos
[modìfica | modìfica su còdighe de orìgine]![]() |
Wikimedia Commons tenet files chi ligant a: Category:Singapore |
|