Istitutu Robert Koch
![](http://upload.wikimedia.org/wikipedia/commons/thumb/4/4e/Flag_of_Sardinia%2C_Italy.svg/26px-Flag_of_Sardinia%2C_Italy.svg.png)
![](http://upload.wikimedia.org/wikipedia/commons/thumb/4/4e/Flag_of_Sardinia%2C_Italy.svg/26px-Flag_of_Sardinia%2C_Italy.svg.png)
![](http://upload.wikimedia.org/wikipedia/commons/thumb/2/21/RKI-Logo.svg/337px-RKI-Logo.svg.png)
![](http://upload.wikimedia.org/wikipedia/commons/thumb/0/08/Wedding_Robert_Koch-Institut_April_2020-003.jpg/336px-Wedding_Robert_Koch-Institut_April_2020-003.jpg)
S'Istitutu Robert Koch (in tedescu Robert Koch-Institut, incurtzadu RKI) est un'organizatzione responsàbile pro su controllu e sa preventzione de is maladias infetivas in Germània, chi faghet parte de su Ministèriu federale de sa salude tedescu. Sa sede printzipale s'agatat in Berlinu, in su bighinadu de Wedding, e una sucursale s'agatat in Wernigerode.
Istòria
[modìfica | modìfica su còdighe de orìgine]S'istitutu fiat fundadu dae su prèmiu Nobel Robert Koch, cunsideradu, cun Louis Pasteur, su babbu de sa bateriologia moderna, in su 1891 cun su nùmene de "Preußisches Institut für Infektionskrankheiten" (Istitutu Prussianu pro is Maladias Infetivas). A primìtziu s'istitutu si fiat istabilidu in unu fabricu residentziale riconvèrtidu chi s'agataiat in Schumannstraße. Fiat istadu in su 1900 chi fiat tramudadu a Nordufer, in sa chi est cunsiderada sa sede istòrica. In su 1904 Koch aiat lassadu sa diretzione de s'istitutu e s'annu a pustis aiat otentu su Prèmiu Nobel pro s'iscoberta de s'agente patògenu de sa tisichèntzia. In su 1912, in ocasione de su de 30 anniversàrios dae s'iscoberta de su batèriu de sa tisichèntzia, s'istitutu fiat intituladu a isse.[1]
S'Istitutu in su 1917 fiat fidadu a su controllu de Fred Neufeld. In su 1960 s'istitutu aiat comintzadu a prodùere s'ùnicu vatzinu contra de sa calentura groga autorizadu dae s'Organizatzione mundiale de sa salude in Germània.[2]
In su 2001 su cantzilleri Gerhard Schröder at criadu una tzèllula, a s'internu de s'istitutu, chi s'ocupat de bioterrorismu.[3] Dae su 2007 su RKI est ufitzialmente incarrigadu de su controllu sanitàriu. S'istitutu regollit duncas totora datos subra su pesu de is maladias e subra su cumportamentu a arriscu intre totu is fascas de edade de sa populatzione in Germània.[4]
![](http://upload.wikimedia.org/wikipedia/commons/thumb/4/4b/RKI_Mausoleum_f%C3%BCr_Robert_Koch-001.jpg/212px-RKI_Mausoleum_f%C3%BCr_Robert_Koch-001.jpg)
Museu e Mausoleu
[modìfica | modìfica su còdighe de orìgine]A pustis de sa morte de Koch, su 27 de maju de su 1910 fiat istituida una sala tzelebrativa in ammentu de Robert Koch. In su pranu de bàsciu de s'ala sud-esta fiat allistradu un'aposentu mannu decoradu cun màrmuros de tonos vàrios. S'adatamentu a mausoleu fiat sighidu segundu is pranos de s'architetu Paul Mebes. Su 4 de nadale 1910 bi fiat posta s'urna cun is chinisas suas in presèntzia de is familiares. S'istrinadura de su mausoleu fiat acontèssida su 10 de nadale de s'annu matessi. Su mausoleu e su museu giuntu subra sa vida e su traballu de Robert Koch, comente fintzas subra su traballu atuale, sunt abertos a su pùblicu.[5][6]
Riferimentos
[modìfica | modìfica su còdighe de orìgine]- ↑ The Robert Koch Institute: one of the world’s oldest biomedical institutes, in rki.de. URL consultadu su 10 maju 2021 (archiviadu dae s'url originale su 10 maju 2021).
- ↑ Yellow fever and Max Theiler: the only Nobel Prize for a virus vaccine, in ncbi.nlm.nih.gov.
- ↑ Antrace, panico a Berlino per due falsi allarmi, in repubblica.it.
- ↑ Health monitoring at the Robert Koch Institute. Status and perspectives, in researchgate.net.
- ↑ Eckart Roloff e Karin Henke-Wendt, Ein Pionier, ein Museum und ein Mausoleum. (Das Museum im Robert Koch-Institut) In: Besuchen Sie Ihren Arzt oder Apotheker. Eine Tour durch Deutschlands Museen für Medizin und Pharmazie. Vol. 1.
- ↑ Das Museum im Robert Koch-Institut, in rki.de. URL consultadu su 10 maju 2021 (archiviadu dae s'url originale su 24 santandria 2020).