ᱢᱚᱦᱟᱛᱢᱟ ᱜᱟᱱᱫᱷᱤ
| ᱢᱚᱦᱟᱛᱢᱟ ᱜᱟᱱᱫᱷᱤ | |
|---|---|
 ᱞᱚᱱᱰᱚᱱ ᱨᱮ ᱜᱟᱱᱫᱷᱤ, ᱑᱙᱓᱑ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱢᱚᱦᱚᱱᱫᱟᱥ ᱠᱚᱨᱚᱢᱪᱟᱸᱫᱽ ᱜᱟᱱᱫᱷᱤ ᱒ ᱚᱠᱴᱚᱵᱚᱨ ᱑᱘᱖᱙ ᱯᱳᱨᱵᱚᱱᱫᱚᱨ, ᱯᱳᱨᱵᱚᱱᱫᱚᱨ ᱯᱚᱱᱚᱛ, ᱠᱟᱴᱷᱤᱭᱟᱣᱟᱲ ᱮᱡᱮᱱᱥᱤ, ᱵᱽᱨᱤᱴᱤᱥ ᱨᱟᱡᱽ |
| ᱜᱩᱨ | ᱓᱐ ᱡᱟᱱᱩᱣᱟᱨᱤ ᱑᱙᱔᱘ (᱗᱘ ᱵᱚᱭᱚᱥ) ᱱᱟᱶᱟ ᱫᱤᱞᱞᱤ, ᱥᱤᱧᱚᱛ |
| ᱜᱩᱨ ᱨᱮᱱᱟᱜ ᱚᱡᱮ | ᱥᱮᱸᱜᱮᱞ ᱥᱟᱨ ᱴᱩᱴᱤ ᱛᱮ ᱵᱟᱡᱟᱣ |
| ᱩᱱᱩᱭᱦᱟᱹᱨ ᱥᱟᱹᱠᱷᱤ | ᱨᱟᱡᱽ ᱜᱷᱟᱴ ᱜᱟᱱᱫᱷᱤ ᱩᱱᱩᱭᱦᱟᱹᱨ |
| ᱱᱟᱹᱜᱟᱹᱨᱤᱭᱟᱹ | ᱵᱽᱨᱤᱴᱤᱥ ᱨᱟᱡᱽ (᱑᱘᱖᱙–᱑᱙᱔᱗) ᱥᱤᱧᱚᱛᱤᱭᱟᱹ |
| ᱥᱮᱪᱮᱫ ᱟᱠᱷᱲᱟ | ᱟᱞᱯᱷᱨᱮᱰ ᱦᱟᱭ ᱥᱠᱩᱞ (ᱨᱟᱡᱽᱠᱳᱴ), (᱑᱘᱘᱐ – ᱱᱚᱵᱷᱮᱢᱵᱚᱨ ᱑᱘᱘᱗) ᱥᱚᱢᱚᱞᱫᱟᱥ ᱟᱨᱴᱥ ᱠᱚᱞᱮᱡᱽ ᱵᱷᱟᱣᱱᱚᱜᱚᱨ (ᱡᱟᱱᱩᱣᱟᱨᱤ ᱑᱘᱘᱐ – ᱡᱩᱞᱟᱭ ᱑᱘᱘᱘) ᱤᱱᱟᱨ ᱴᱮᱢᱯᱮᱞ, ᱞᱚᱱᱰᱚᱱ (ᱥᱮᱯᱴᱮᱢᱵᱚᱨ ᱑᱘᱘᱘–᱑᱘᱙᱑) (ᱭᱩᱱᱤᱵᱷᱟᱨᱥᱤᱴᱤ ᱠᱚᱞᱮᱡᱽ, ᱞᱚᱱᱰᱚᱱ ᱑᱘᱘᱘ ᱠᱷᱚᱱ ᱑᱘᱙᱑ ᱢᱩᱸᱫᱽ ᱨᱮ) |
| ᱠᱟᱹᱢᱤ |
|
| ᱠᱟᱹᱢᱤ ᱚᱠᱛᱚ | ᱑᱘᱙᱓–᱑᱙᱔᱘ |
| ᱡᱩᱜᱽ | ᱵᱽᱨᱤᱴᱤᱥ ᱨᱟᱡᱽ |
| ᱧᱩᱢᱱᱟᱢ | ᱵᱽᱨᱤᱴᱤᱥ ᱥᱟᱥᱚᱱ ᱠᱷᱚᱱ ᱯᱷᱩᱨᱜᱟᱹᱞ ᱞᱟᱲᱟᱣᱱᱟ ᱨᱮᱱ ᱟᱹᱭᱩᱨᱤᱭᱟᱹ, ᱚᱼᱦᱤᱝᱥᱟᱹ ᱵᱤᱨᱳᱫᱷ |
| ᱧᱩᱢᱦᱟᱞᱟᱝ ᱠᱟᱹᱢᱤ | સત્યના પ્રયોગો અથવા આત્મકથા (ᱥᱚᱛᱭᱚᱱᱟ ᱯᱨᱚᱭᱳᱜᱳ ᱚᱛᱷᱚᱣᱟ ᱟᱛᱢᱚᱠᱚᱛᱷᱟ) |
| Office | ᱔᱓ ᱟᱱ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱮᱱ ᱯᱟᱨᱥᱮᱛ |
| ᱛᱟᱦᱮᱸ ᱚᱠᱛᱚ | ᱑᱙᱒᱔ |
| ᱢᱟᱬᱟᱝᱤᱡ | ᱟᱵᱩᱞ ᱠᱟᱞᱟᱢ ᱟᱡᱟᱫᱽ |
| ᱛᱟᱭᱚᱢᱤᱡ | ᱥᱚᱨᱚᱡᱤᱱᱤ ᱱᱟᱭᱰᱩ |
| ᱨᱟᱡᱽᱟᱹᱨᱤ ᱫᱚᱞ | ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ (᱑᱙᱒᱐–᱑᱙᱓᱔)[᱑] |
| ᱨᱟᱡᱽᱟᱹᱨᱤ ᱞᱟᱲᱟᱣᱱᱟ | ᱥᱤᱧᱚᱛᱤᱭᱟᱹ ᱯᱷᱩᱱᱩᱨᱜᱟᱹᱞ ᱞᱟᱲᱟᱣᱱᱟ |
| ᱡᱤᱭᱚᱱ ᱥᱚᱦᱮᱫ | ᱠᱚᱥᱛᱩᱨᱵᱟ ᱜᱟᱱᱫᱷᱤ (m. 1883; died 1944) |
| ᱦᱚᱯᱚᱱ | |
| ᱟᱯᱟᱛ ᱮᱸᱜᱟᱛ |
|
| ᱥᱩᱦᱤ | |
 | |
ᱢᱚᱦᱟᱛᱢᱟ ᱢᱚᱦᱚᱱᱫᱟᱥ ᱠᱚᱨᱚᱢᱪᱟᱸᱫᱽ ᱜᱟᱱᱫᱷᱤ ᱫᱚ ᱥᱤᱧᱚᱛ ᱨᱤᱱᱤᱡ ᱢᱤᱫ ᱯᱷᱩᱨᱜᱟᱹᱞ ᱵᱤᱨ ᱮ ᱛᱟᱦᱮᱸ ᱠᱟᱱᱟ ᱾ ᱛᱤᱱ ᱡᱚᱦᱚᱜ ᱡᱟᱦᱟᱸᱱ ᱡᱟᱹᱛᱤ ᱜᱮ ᱱᱟᱦᱟᱪᱟᱨ ᱠᱚᱪᱚᱞᱚᱸᱰ ᱟᱨᱵᱟᱝ ᱞᱮᱛᱟᱲ ᱮᱴᱠᱮᱴᱚᱬᱮ ᱥᱟᱢᱟᱝ ᱦᱩᱭ ᱟᱭᱟ, ᱩᱱ ᱡᱚᱦᱚᱜ ᱢᱤᱫ ᱢᱟᱦᱟᱱ ᱢᱟᱱᱣᱟ ᱟᱨᱵᱟᱝ ᱵᱤᱨ ᱵᱷᱟᱱᱴᱟ ᱚᱯᱮᱞ ᱠᱟᱛᱮ ᱫᱤᱥᱚᱢ ᱟᱨ ᱡᱟᱹᱛᱤᱭ ᱫᱩᱜ ᱵᱟᱧᱪᱟᱣᱟ ᱾ ᱥᱤᱧᱚᱛ ᱫᱤᱥᱚᱢ ᱛᱤᱱ ᱡᱚᱦᱚᱜ ᱜᱚᱴᱟᱯᱟᱲᱟ ᱠᱷᱚᱱ ᱜᱚᱵᱚᱞ ᱨᱮᱭᱟᱜ ᱵᱮᱲᱦᱟᱭ ᱛᱮ ᱜᱷᱮᱨᱟᱣ ᱮᱥᱮᱫ ᱚᱪᱚ ᱠᱟᱛᱮ ᱫᱩᱠ ᱟᱨ ᱠᱟᱺᱦᱤᱥ ᱨᱮᱭᱟᱜ ᱥᱮᱸᱜᱮᱞ ᱛᱮᱭ ᱞᱚ ᱛᱚᱨᱚᱡᱚᱜ ᱠᱟᱱ ᱛᱟᱦᱮᱸᱱ, ᱩᱱ ᱡᱚᱦᱚᱜ ᱫᱤᱥᱚᱢ ᱵᱟᱵᱟ (Father of nation) ᱢᱚᱦᱟᱛᱢᱟ ᱜᱟᱱᱫᱷᱤ ᱟᱜ ᱵᱤᱱ ᱛᱷᱟᱠᱟᱣ ᱠᱩᱨᱩᱢᱩᱴᱩ ᱫᱤᱥᱚᱢ ᱫᱩᱜ ᱨᱮ ᱟᱹᱰᱤ ᱜᱮ ᱜᱚᱲᱚ ᱥᱚᱦᱚᱫ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱠᱷᱟᱹᱛᱤᱨ ᱩᱱᱤ ᱫᱚ ᱢᱟᱦᱟᱱ ᱢᱟᱱᱣᱟ ᱴᱷᱟᱶ ᱨᱮᱭ ᱛᱷᱟᱯᱚᱱ ᱟᱠᱟᱱᱟ ᱾
ᱠᱷᱟᱴᱚ ᱡᱤᱭᱚᱱ ᱪᱩᱨᱤᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱚᱦᱟᱛᱢᱟ ᱜᱟᱱᱫᱷᱤᱭᱟᱜ ᱥᱟᱹᱨᱤ ᱧᱩᱛᱩᱢ ᱫᱚ ᱢᱚᱦᱚᱱ ᱫᱟᱥ ᱠᱚᱨᱚᱢᱪᱟᱸᱫᱽ ᱜᱟᱱᱫᱷᱤ ᱢᱮᱱᱛᱮ ᱛᱟᱦᱮᱸ ᱠᱟᱱᱟ ᱾ ᱟᱡᱤᱡ ᱡᱟᱱᱟᱢ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱠᱚᱨᱚᱢᱪᱟᱸᱫᱽ ᱟᱨ ᱟᱭᱳᱣᱟᱜ ᱧᱩᱛᱩᱢ ᱫᱚ ᱯᱩᱛᱞᱤ ᱵᱟᱭᱤ ᱢᱮᱱᱛᱮ ᱛᱟᱦᱮᱸ ᱠᱟᱱᱟ ᱾ ᱢᱚᱦᱚᱱ ᱫᱟᱥ ᱫᱚ ᱟᱭᱳ ᱵᱟᱵᱟ ᱨᱤᱱ ᱛᱩᱨᱩᱭ ᱴᱷᱟᱶ ᱟᱨᱵᱟᱝ ᱡᱷᱚᱛᱚ ᱠᱷᱚᱱ ᱦᱩᱰᱤᱧ ᱜᱤᱫᱽᱨᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱑᱘᱖᱙ ᱥᱟᱞᱮᱨᱮ ᱚᱠᱴᱳᱵᱚᱨ ᱒ ᱢᱟᱺᱦᱤᱛ ᱦᱤᱞᱚᱜ ᱮ ᱡᱟᱱᱟᱢ ᱞᱮᱱᱟ ᱾ ᱛᱟᱱᱟᱞᱟ/ᱪᱮᱛᱟᱱ ᱛᱟᱱᱟᱞᱟ (High school/College) ᱵᱤᱱᱤᱰ ᱨᱮᱭ ᱡᱤᱛᱠᱟᱹᱨ ᱮᱱ ᱛᱟᱭᱚᱢ ᱵᱟᱨᱤᱥᱴᱚᱨᱤ ᱯᱟᱲᱦᱟᱣᱜ ᱞᱟᱹᱜᱤᱫ ᱑᱘᱘᱘ ᱥᱟᱞᱮᱨᱮ ᱵᱤᱞᱟᱹᱛ (England) ᱮ ᱥᱮᱱ ᱮᱱᱟ ᱾ ᱯᱮ ᱥᱮᱨᱢᱟ ᱛᱟᱭᱚᱢ ᱵᱟᱨᱤᱥᱴᱚᱨ ᱯᱟᱥ ᱠᱟᱛᱮ ᱟᱹᱭᱤᱱ ᱠᱟᱹᱢᱤ ᱨᱮᱭ ᱟᱬᱜᱚ ᱮᱱᱟ ᱾ ᱱᱚᱶᱟ ᱠᱷᱟᱹᱛᱤᱨ ᱑᱘᱙᱓ ᱥᱟᱞᱮᱨᱮ ᱫᱩᱠᱷᱤᱱ ᱟᱯᱨᱤᱠᱟᱭ ᱪᱟᱞᱟᱣ ᱞᱮᱱᱟ ᱾ ᱚᱸᱰᱮ ᱠᱚ ᱛᱟᱦᱮᱸ ᱞᱮᱱ ᱥᱤᱧᱚᱛᱤᱭᱟᱹ ᱪᱮᱛᱟᱱᱨᱮ ᱯᱩᱸᱰ ᱦᱟᱨᱛᱟ ᱦᱚᱲ ᱠᱚ ᱫᱟᱨᱟᱭ ᱛᱮ ᱟᱹᱰᱤ ᱱᱟᱦᱟᱪᱟᱨ ᱦᱩᱭᱩᱜ ᱠᱟᱱ ᱛᱟᱦᱮᱸᱱ ᱾ ᱵᱟᱹᱲᱤᱡ ᱴᱮᱠᱟᱣ ᱫᱟᱨᱟᱢ ᱞᱟᱹᱜᱤᱫ ᱛᱮ ᱩᱱᱤ ᱪᱤᱨᱜᱟᱹᱞ ᱟᱲᱟᱝ ᱮ ᱨᱟᱲᱟᱝ ᱠᱮᱫᱼᱟ ᱟᱨ ᱤᱸᱜᱽᱨᱟᱹᱡᱽ ᱜᱚᱵᱚᱞᱤᱭᱟᱹ ᱠᱚᱣᱟᱜ ᱱᱟᱦᱟᱪᱟᱨ ᱠᱟᱹᱢᱤᱭ ᱵᱤᱨᱩᱫᱷ ᱞᱮᱫᱼᱟ ᱾ ᱩᱱᱤ ᱚᱸᱰᱮ ᱥᱚᱛᱭᱟᱜᱽᱨᱚᱦᱚ ᱢᱤᱪᱷᱤᱞ ᱮ ᱮᱛᱚᱦᱚᱵ ᱠᱮᱫᱼᱟ ᱾ ᱵᱤᱱ ᱦᱤᱸᱥᱟᱹᱥᱩᱭᱟᱹ ᱵᱟᱠᱷᱮᱬ ᱫᱟᱲᱮ ᱛᱮ ᱱᱟᱦᱟᱪᱟᱨ ᱪᱮᱛᱟᱱ ᱨᱮ ᱵᱤᱨᱩᱫᱷ ᱢᱤᱪᱷᱤᱞ ᱮ ᱪᱟᱹᱞᱩ ᱠᱮᱫᱼᱟ ᱾ ᱑᱙᱑᱔ ᱥᱟᱞᱮᱨᱮ ᱜᱟᱱᱫᱷᱤᱡᱤ ᱡᱟᱱᱟᱢ ᱫᱤᱥᱚᱢ ᱨᱩᱣᱟᱹᱲ ᱠᱟᱛᱮ ᱫᱤᱥᱚᱢ ᱨᱮᱭᱟᱜ ᱞᱮᱠᱟᱱ ᱞᱮᱠᱟᱱ ᱮᱴᱠᱮᱴᱚᱬᱮ ᱜᱷᱚᱴᱚᱱ ᱠᱚ ᱵᱟᱰᱟᱭ ᱞᱟᱹᱜᱤᱫ ᱮ ᱨᱤᱠᱟᱹ ᱠᱮᱫᱼᱟ ᱾ ᱑᱙᱑᱕ ᱥᱟᱞᱮᱨᱮ ᱥᱟᱵᱚᱨᱢᱚᱛᱤ ᱨᱮ ᱥᱚᱛᱭᱟᱜᱽᱨᱚᱦᱚ ᱟᱥᱨᱚᱢ ᱮ ᱛᱷᱟᱯᱚᱱ ᱠᱮᱫᱼᱟ ᱾ ᱤᱸᱜᱽᱨᱮᱡᱽ ᱥᱚᱨᱠᱟᱨ ᱠᱚᱣᱟᱜ ᱨᱟᱣᱞᱚᱛ ᱟᱭᱤᱱ ᱵᱤᱨᱩᱫᱷ ᱨᱮ ᱑᱙᱑᱙ ᱥᱟᱞᱮᱨᱮ ᱥᱤᱧᱚᱛᱤᱭᱟᱹ ᱠᱚ ᱢᱤᱪᱷᱤᱞ ᱠᱮᱫᱼᱟ ᱾ ᱱᱚᱶᱟ ᱢᱚᱦᱟᱛᱢᱟ ᱜᱟᱱᱫᱷᱤ ᱟᱜ ᱧᱮᱞ ᱡᱚᱛᱚᱱ ᱨᱮ ᱦᱩᱭᱩᱜ ᱨᱮᱭᱟᱜ ᱟᱺᱜᱤᱵᱷᱟᱨ ᱮ ᱦᱟᱛᱟᱣ ᱠᱮᱫᱼᱟ ᱾ ᱱᱚᱶᱟ ᱫᱚ ᱵᱤᱱᱟᱹ ᱨᱮᱨᱟᱲ/ᱦᱤᱸᱥᱟᱹ ᱥᱩᱭᱟᱹ (Non-violence) ᱛᱚᱦᱚᱨ ᱛᱮ ᱪᱟᱞᱟᱣ ᱚᱪᱚᱭ ᱞᱟᱹᱜᱤᱫ ᱮ ᱴᱷᱟᱹᱣᱠᱟᱹ ᱜᱚᱴᱟ ᱠᱮᱫᱼᱟ ᱾ ᱥᱤᱧᱚᱛᱤᱭᱟᱹ ᱠᱚᱣᱟᱜ ᱚᱥᱚᱦᱡᱚᱜᱽ (Non-cooperation) ᱢᱤᱪᱷᱤᱞ ᱵᱽᱨᱤᱴᱤᱥ ᱥᱚᱨᱠᱟᱨ ᱮ ᱠᱟᱹᱦᱤᱞ ᱪᱟᱵᱟ ᱠᱮᱫ ᱠᱚᱣᱟ ᱾
᱑᱙᱒᱒ ᱨᱮ ᱜᱟᱱᱫᱷᱤᱡᱤ ᱯᱩᱞᱤᱥ ᱴᱷᱮᱱ ᱮ ᱥᱟᱵ ᱚᱪᱚ ᱮᱱᱟ ᱟᱨ ᱑᱙᱒᱔ ᱨᱮ ᱩᱱᱤ ᱡᱤᱦᱚᱞ ᱠᱷᱚᱱ ᱮ ᱨᱟᱲᱟ ᱫᱩᱜ ᱮᱱᱟ ᱾ ᱑᱙᱒᱕ ᱨᱮ ᱵᱮᱞᱩᱪᱤᱥᱛᱷᱟᱱ ᱨᱮ ᱦᱤᱱᱫᱩ ᱟᱨ ᱛᱩᱲᱩᱠ ᱠᱚ ᱛᱟᱞᱟᱨᱮ ᱪᱟᱹᱞᱩ ᱞᱮᱱ ᱮᱯᱮᱨᱦᱮᱸᱰᱮ ᱥᱚᱞᱦᱮ ᱞᱟᱹᱜᱤᱫ ᱜᱟᱱᱫᱷᱤᱡᱤ ᱯᱮ ᱦᱟᱯᱛᱟ ᱡᱟᱠ ᱮ ᱨᱮᱨᱮᱝᱜᱷᱟᱲ ᱞᱮᱫᱼᱟ ᱾ ᱑᱙᱒᱖ ᱠᱷᱚᱱ ᱑᱙᱓᱐ ᱫᱷᱟᱹᱵᱤᱡ ᱠᱚᱸᱜᱽᱨᱮᱥ ᱮ ᱵᱮᱱᱟᱣ ᱞᱮᱫ ᱠᱟᱹᱢᱤᱦᱚᱨᱟ ᱪᱮᱛᱟᱱ ᱨᱮ ᱟᱡᱟᱜ ᱜᱟᱺᱦᱤᱨ ᱠᱩᱨᱩᱢᱩᱴᱩ ᱛᱟᱦᱮᱸ ᱠᱟᱱᱟ ᱾ ᱑᱙᱓᱐ ᱥᱟᱞᱮᱨᱮ ᱢᱟᱨᱪ ᱵᱚᱸᱜᱟᱨᱮ ᱜᱟᱱᱫᱷᱤ ᱵᱩᱞᱩᱝ ᱥᱚᱛᱭᱟᱜᱽᱨᱚᱦᱚᱭ ᱮᱛᱚᱦᱚᱵ ᱠᱮᱫᱼᱟ ᱾ ᱩᱱᱤ ᱛᱟᱲᱟᱢ ᱛᱮᱜᱮ ᱫᱟᱱᱰᱤ ᱫᱷᱟᱹᱵᱤᱡ ᱥᱮᱱ ᱠᱟᱛᱮ ᱫᱤᱥᱩᱣᱟᱹ ᱠᱚ ᱵᱩᱞᱩᱝ ᱨᱤᱛ ᱵᱤᱨᱩᱫᱷ ᱨᱮᱭ ᱥᱚᱱᱛᱚᱨ ᱞᱮᱫ ᱠᱚᱣᱟ ᱾ ᱑᱙᱓᱑ ᱨᱮ ᱵᱚᱰᱚᱞᱟᱴ ᱟᱨ ᱜᱟᱱᱫᱷᱤᱡᱤ ᱛᱟᱞᱟᱨᱮ ᱢᱤᱫ ᱦᱮᱸᱼᱥᱟᱹᱨᱤ ᱥᱩᱦᱤ ᱦᱩᱭ ᱮᱱᱟ ᱾ ᱫᱚᱨᱮᱭᱟ ᱫᱷᱟᱨᱮ ᱥᱤᱧᱚᱛᱤᱭᱟᱹ ᱠᱚᱫᱚ ᱟᱠᱚ ᱵᱮᱵᱷᱟᱨ ᱞᱟᱹᱜᱤᱫ ᱵᱩᱞᱩᱝ ᱵᱮᱱᱟᱣ ᱨᱮᱭᱟᱜ ᱦᱚᱠ ᱠᱚ ᱧᱟᱢ ᱠᱮᱫᱼᱟ ᱾ ᱑᱙᱓᱔ ᱥᱟᱞᱨᱮ ᱩᱱᱤ ᱫᱚ ᱠᱚᱸᱜᱽᱨᱮᱥ ᱨᱟᱡᱽᱼᱟᱹᱨᱤ ᱜᱟᱫᱮᱞ ᱠᱷᱚᱱ ᱵᱷᱮᱜᱟᱨ ᱠᱟᱛᱮ ᱦᱟᱨᱤᱡᱚᱱ ᱢᱤᱪᱷᱤᱞ ᱟᱨ ᱟᱹᱛᱩ ᱴᱚᱞᱟ ᱡᱚᱜᱟᱣ ᱜᱚᱲᱦᱚᱱ ᱠᱟᱹᱢᱤᱦᱚᱨᱟ ᱨᱮ ᱢᱚᱱᱮᱭ ᱠᱩᱨᱩᱢᱩᱴᱩ ᱠᱮᱫᱼᱟ ᱾ ᱑᱙᱔᱒ ᱥᱟᱞᱮᱨᱮ ᱢᱚᱦᱟᱛᱢᱟ ᱜᱟᱱᱫᱷᱤ ᱥᱤᱧᱚᱛ ᱵᱟᱹᱜᱤ (Quit India) ᱢᱤᱪᱷᱤᱞ ᱞᱟᱹᱜᱤᱫ ᱮ ᱫᱩ ᱫᱮᱞᱟ ᱠᱮᱫᱼᱟ ᱾ ᱱᱚᱶᱟ ᱫᱤᱥᱚᱢ ᱡᱟᱠᱨᱮ ᱦᱚᱭ ᱛᱟᱱᱟᱜ ᱞᱮᱠᱟ ᱯᱟᱥᱱᱟᱣ ᱮᱱᱟ ᱾ ᱤᱸᱜᱽᱨᱟᱹᱡᱽ ᱥᱚᱨᱠᱟᱨ ᱠᱚᱸᱜᱽᱨᱮᱥ ᱠᱚᱫᱚ ᱨᱤᱛ ᱵᱤᱨᱩᱫᱷ ᱠᱚ ᱠᱟᱹᱢᱤ ᱠᱟᱱᱟ ᱢᱮᱱᱛᱮᱭ ᱪᱷᱟᱹᱴᱭᱟᱹᱨ ᱠᱮᱫ ᱠᱚᱣᱟ ᱾ ᱑᱙᱔᱔ ᱥᱟᱞᱮᱨᱮ ᱯᱷᱮᱵᱽᱨᱩᱣᱟᱨᱤ ᱵᱚᱸᱜᱟ ᱒᱒ ᱢᱟᱺᱦᱤᱛ ᱦᱤᱞᱚᱜ ᱢᱚᱦᱟᱛᱢᱟ ᱜᱟᱱᱫᱷᱤ ᱫᱚ ᱡᱤᱦᱚᱞ ᱨᱮᱭ ᱛᱟᱦᱮᱸ ᱠᱟᱱ ᱵᱮᱲᱟ ᱨᱮᱜᱮ ᱟᱡᱤᱡ ᱫᱷᱚᱨᱚᱢ ᱮᱨᱟ ᱠᱚᱥᱛᱩᱨᱤᱵᱟᱭᱤ ᱟᱜ ᱡᱤᱣᱤᱵᱟᱹᱛᱤ ᱫᱚ ᱤᱬᱤᱡ ᱮᱱᱟ ᱾ ᱜᱟᱱᱫᱷᱤᱡᱤ ᱦᱚᱸ ᱟᱡᱟᱨ ᱨᱮᱭ ᱯᱟᱲᱟᱣ ᱮᱱᱟ ᱾ ᱮᱨᱟ ᱵᱟᱯᱟᱜᱽ ᱨᱮᱭᱟᱜ ᱠᱟᱺᱦᱤᱥ ᱟᱨ ᱡᱚᱞᱚᱱ ᱟᱺᱜᱤᱵᱷᱟᱨ ᱦᱚᱨ ᱠᱷᱚᱱ ᱵᱟᱭ ᱥᱟᱦᱟ ᱚᱪᱚ ᱫᱟᱲᱮᱭᱟᱫᱮᱭᱟ ᱾ ᱟᱡᱟᱨ ᱮ ᱱᱟᱯᱟᱭ ᱨᱩᱣᱟᱹᱲ ᱮᱱ ᱛᱟᱭᱚᱢ ᱟᱨ ᱦᱚᱸ ᱟᱺᱜᱤᱵᱷᱟᱨ ᱦᱚᱨ ᱨᱮᱭ ᱞᱟᱦᱟ ᱨᱩᱣᱟᱹᱲ ᱮᱱᱟ ᱾ ᱥᱤᱧᱚᱛ ᱯᱷᱩᱨᱜᱟᱹᱞ ᱨᱮᱭᱟᱜ ᱨᱤᱠᱟᱹᱭ ᱛᱚᱸᱜᱮ ᱫᱚᱦᱚ ᱠᱮᱫᱼᱟ ᱾ ᱫᱚᱥᱟᱨ ᱡᱮᱜᱮᱛ ᱞᱟᱹᱲᱦᱟᱹᱭ ᱛᱷᱩᱠᱟᱹᱢ ᱮᱱ ᱛᱟᱭᱚᱢ ᱵᱤᱞᱟᱹᱛ ᱨᱮ ᱠᱟᱹᱢᱤ ᱠᱟᱱ ᱦᱚᱲᱟᱜ ᱢᱤᱫ ᱡᱩᱢᱤᱫᱽ ᱵᱮᱱᱟᱣ ᱮᱱᱟ ᱾ ᱚᱸᱰᱮ ᱠᱷᱚᱱ ᱢᱤᱫ ᱜᱟᱫᱮᱞ ᱫᱚ ᱥᱤᱧᱚᱛ ᱫᱤᱥᱚᱢ ᱠᱚ ᱞᱟᱦᱟ ᱦᱮᱡ ᱮᱱᱟ ᱾ ᱵᱽᱨᱤᱴᱤᱥ ᱥᱚᱨᱠᱟᱨ ᱥᱤᱧᱚᱛ ᱫᱤᱥᱚᱢ ᱯᱩᱨᱟᱹ ᱯᱷᱩᱨᱜᱟᱹᱞ ᱞᱟᱹᱜᱤᱫ ᱮ ᱥᱟᱯᱲᱟᱣ ᱟᱠᱟᱱ ᱥᱟᱛᱟᱢ ᱫᱚ ᱥᱤᱧᱚᱛ ᱨᱮᱠᱚ ᱥᱚᱫᱚᱨ ᱠᱮᱫᱼᱟ ᱾ ᱢᱩᱪᱟᱹᱫ ᱨᱮ ᱑᱙᱕᱗ ᱥᱟᱞ ᱚᱜᱚᱥᱴ ᱵᱚᱸᱜᱟ ᱑᱕ ᱢᱟᱺᱦᱤᱛ ᱦᱤᱞᱚᱜ ᱥᱤᱧᱚᱛ ᱫᱤᱥᱚᱢ ᱫᱚ ᱤᱸᱜᱽᱨᱟᱹᱡᱽ ᱜᱚᱵᱚᱞ ᱠᱷᱚᱱ ᱨᱟᱲᱟ ᱫᱩᱜ ᱮ ᱧᱟᱢ ᱠᱮᱫᱼᱟ ᱾
ᱜᱟᱱᱫᱷᱤᱡᱤ ᱟᱜ ᱡᱤᱭᱚᱱ ᱨᱮᱭᱟᱜ ᱞᱟᱹᱠᱛᱤ ᱟᱱᱟᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱟᱱᱫᱷᱤ ᱱᱤᱡᱮ ᱢᱤᱫ ᱢᱟᱦᱟᱢᱟᱹᱱ ᱪᱩᱨᱤᱛ ᱮ ᱛᱟᱦᱮᱸ ᱠᱟᱱᱟ ᱾ ᱪᱩᱨᱤᱛ ᱜᱚᱲᱦᱚᱱ ᱪᱮᱛᱟᱱ ᱨᱮ ᱩᱱᱤ ᱵᱟᱹᱲᱛᱤ ᱞᱮᱠᱟᱛᱮ ᱫᱷᱮᱭᱟᱱ ᱮ ᱫᱚᱦᱚ ᱞᱮᱫᱼᱟ ᱾ ᱜᱟᱱᱫᱷᱤᱡᱤᱭ ᱢᱮᱱ ᱛᱟᱦᱮᱸᱱ ᱡᱮ ᱪᱩᱨᱤᱛ ᱜᱚᱴᱷᱚᱱ ᱫᱚ ᱥᱮᱪᱮᱫ ᱨᱮᱭᱟᱜ ᱢᱤᱫ ᱯᱩᱭᱞᱩ ᱡᱚᱥ ᱛᱟᱦᱮᱸᱱ ᱞᱟᱹᱠᱛᱤᱜ ᱠᱟᱱᱟ ᱾ ᱥᱟᱹᱨᱤ ᱥᱮᱪᱮᱫ ᱵᱟᱝ ᱟᱢᱮᱴ ᱞᱮᱠᱷᱟᱱ ᱢᱤᱫ ᱱᱟᱯᱟᱭ ᱟᱨ ᱢᱟᱨᱟᱝ ᱦᱚᱲ ᱵᱮᱱᱟᱣᱜ ᱫᱚ ᱚᱦᱚᱣᱟᱱ ᱜᱮᱭᱟ ᱾ ᱢᱚᱦᱟᱛᱢᱟ ᱜᱟᱱᱫᱷᱤᱭ ᱢᱮᱱᱟ, "ᱪᱩᱨᱤᱛ ᱦᱤᱱ ᱥᱮᱪᱮᱫ ᱫᱚ ᱠᱷᱟᱹᱞᱤ ᱵᱟᱹᱲᱤᱡ ᱠᱟᱹᱢᱤ ᱨᱮᱭᱟᱜ ᱫᱟᱲᱮ ᱜᱮ ᱠᱟᱱᱟ" ᱾ ᱱᱚᱶᱟ ᱫᱚ ᱡᱮᱜᱮᱛ ᱨᱮ ᱢᱮᱱᱟᱜ ᱠᱚ ᱟᱹᱰᱤ ᱞᱮᱠᱟᱱ ᱞᱟᱯᱷᱟᱝ ᱥᱮᱪᱮᱫ ᱦᱚᱲ ᱟᱨ ᱜᱩᱱ ᱢᱟᱹᱱ ᱨᱩᱯ ᱥᱟᱡᱟᱣ ᱛᱮ ᱯᱚᱴᱚᱢ ᱟᱠᱟᱫ ᱵᱟᱹᱲᱤᱡ ᱦᱩᱫᱤᱥ ᱦᱚᱲ ᱠᱚᱣᱟᱜ ᱠᱟᱹᱢᱤᱦᱚᱨᱟ ᱠᱷᱚᱱ ᱵᱟᱰᱟᱭ ᱧᱟᱢᱚᱜᱼᱟ ᱾
ᱵᱟᱝ ᱡᱚᱴᱮᱫ (Untouchable) ᱵᱟᱨᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱶᱛᱟ ᱠᱷᱚᱱ ᱵᱟᱝ-ᱡᱚᱴᱮᱫ ᱵᱟᱨᱚᱱ ᱞᱟᱹᱜᱤᱫ ᱛᱮ ᱜᱟᱱᱫᱷᱤᱡᱤ ᱟᱹᱰᱤ ᱡᱩᱨ ᱮ ᱠᱩᱨᱩᱢᱩᱴᱩ ᱞᱮᱫᱼᱟ ᱾ ᱡᱚᱴᱮᱫ ᱵᱟᱝ-ᱡᱚᱴᱮᱫ ᱨᱮᱭᱟᱜ ᱩᱭᱦᱟᱹᱨ ᱢᱚᱱᱮ ᱠᱷᱚᱱ ᱥᱟᱦᱟ ᱜᱤᱰᱤ ᱠᱟᱜ ᱞᱟᱹᱜᱤᱫ ᱢᱚᱦᱟᱛᱢᱟ ᱜᱟᱱᱫᱷᱤ ᱡᱚᱛᱚ ᱦᱚᱲ ᱮ ᱵᱩᱡᱷᱟᱹᱣᱟᱫ ᱠᱚ ᱛᱟᱦᱮᱸᱱ ᱾ ᱦᱚᱨᱤᱡᱚᱱ ᱠᱚ ᱪᱮᱫ ᱞᱮᱠᱟᱛᱮ ᱥᱟᱶᱛᱟᱨᱮ ᱱᱟᱯᱟᱭ ᱴᱷᱟᱶ ᱠᱚ ᱧᱟᱢᱟ, ᱚᱱᱟ ᱞᱟᱹᱜᱤᱫ ᱩᱱᱤ ᱠᱩᱨᱩᱢᱩᱴᱩᱭ ᱪᱷᱩᱴᱟᱹᱣ ᱞᱮᱱᱟ ᱾
ᱚᱠᱛᱚᱡᱟᱹᱱᱤ (punctuality)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱚᱦᱟᱛᱢᱟ ᱜᱟᱱᱫᱷᱤ ᱫᱚ ᱚᱠᱛᱚᱡᱟᱹᱱᱤ ᱠᱟᱹᱢᱤ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱠᱷᱟᱹᱛᱤᱨ ᱩᱱᱤ ᱰᱟᱸᱰᱟᱨᱮ ᱢᱤᱫ ᱜᱷᱚᱱᱴᱟᱭ ᱨᱮᱵᱮᱫ ᱟᱠᱟ ᱠᱟᱜ ᱠᱟᱱ ᱛᱟᱦᱮᱸᱱ ᱾ ᱱᱚᱶᱟ ᱜᱷᱚᱱᱴᱟ ᱩᱱᱤ ᱚᱠᱛᱚ ᱯᱟᱸᱡᱟᱭ ᱞᱟᱹᱜᱤᱫ ᱮ ᱜᱚᱲᱚ ᱟᱭ ᱠᱟᱱ ᱛᱟᱦᱮᱸᱫ ᱾ ᱜᱟᱱᱫᱷᱤᱡᱤ ᱫᱚ ᱟᱹᱰᱤ ᱦᱚᱲ ᱥᱟᱶ ᱧᱟᱯᱟᱢ ᱥᱟᱶ-ᱥᱟᱶ ᱛᱮ ᱞᱮᱠᱟᱱ-ᱞᱮᱠᱟᱱ ᱞᱟᱹᱠᱛᱤᱭᱟᱱ ᱠᱟᱹᱢᱤ ᱛᱚᱨᱟᱣ ᱦᱩᱭ ᱟᱭ ᱠᱟᱱ ᱛᱟᱦᱮᱸᱱ, ᱚᱱᱟ ᱠᱷᱟᱹᱛᱤᱨ ᱡᱟᱦᱟᱸᱱ ᱠᱟᱹᱢᱤ ᱨᱮᱜᱮ ᱱᱟᱥᱮ ᱵᱤᱞᱚᱢ ᱦᱚᱸ ᱢᱚᱴᱷᱮ ᱵᱟᱭ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱸᱱ ᱾
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]Gandhi's correspondence with the Indian government 1942–1944
- About Mahatma Gandhi
- Gandhi Ashram at Sabarmati
- Gandhi Smriti — Government of India website Archived ᱒᱐᱐᱗-᱐᱗-᱑᱒ at the Wayback Machine.
- Mani Bhavan Gandhi Sangrahalaya Gandhi Museum & Library