ᱵᱨᱟᱡᱤᱞ

ᱵᱽᱨᱟᱡᱤᱞ (/brəˈzɪl/ (listen); Portuguese: Brasil [bɾaˈziw]), ᱫᱚ ᱫᱟᱹᱠᱷᱤᱱ ᱟᱢᱮᱨᱤᱠᱟ ᱟᱨ ᱞᱮᱴᱤᱱ ᱟᱢᱮᱨᱤᱠᱟ ᱨᱮᱱᱟᱜ ᱡᱚᱛᱚᱠᱷᱚᱱ ᱞᱟᱹᱴᱩ ᱫᱤᱥᱚᱢ ᱠᱟᱱᱟ᱾ ᱚᱱᱟ ᱵᱟᱫᱽ ᱠᱟᱛᱮ ᱦᱚᱸ ᱦᱚᱲᱟᱜ ᱮᱞᱮᱞ ᱟᱨ ᱚᱛᱱᱚ ᱞᱮᱠᱟᱛᱮ ᱵᱽᱨᱟᱡᱤᱞ ᱫᱚ ᱫᱷᱟᱹᱨᱛᱤᱨᱮ ᱢᱚᱬᱮᱭᱟᱜ ᱞᱟᱹᱴᱩ ᱫᱤᱥᱚᱢ ᱠᱟᱱᱟ᱾ ᱱᱚᱣᱟ ᱫᱤᱥᱚᱢ ᱨᱮ ᱑᱙ ᱠᱩᱴᱤ ᱦᱚᱲ ᱢᱮᱱᱟᱜ ᱠᱩᱣᱟ᱾^[᱑]^[᱒]

ᱵᱽᱨᱟᱡᱤᱞ ᱨᱮᱱᱟᱜ ᱯᱩᱨᱩᱵᱽ ᱫᱚ ᱟᱴᱞᱟᱱᱴᱤᱠ ᱢᱟᱦᱟᱫᱚᱨᱭᱟ ᱛᱮ ᱮᱥᱮᱫ ᱠᱟᱱᱟ᱾ ᱩᱛᱟᱹᱨ ᱥᱮᱡ ᱫᱚ ᱵᱷᱮᱱᱮᱡᱩᱭᱮᱞᱟ, ᱜᱟᱭᱟᱱᱟ, ᱥᱩᱨᱤᱱᱟᱢ ᱟᱨ ᱯᱷᱨᱟᱱᱥ ᱨᱮᱱᱟᱜ ᱯᱷᱚᱨᱟᱥᱤ ᱜᱟᱭᱟᱱᱟ᱾ ᱩᱛᱟᱹᱨ ᱯᱟᱹᱪᱷᱤᱢ ᱥᱮᱡ ᱠᱚᱞᱚᱢᱵᱤᱭᱟ᱾ ᱯᱟᱹᱪᱷᱤᱢ ᱥᱮᱡ ᱵᱚᱞᱤᱵᱷᱤᱭᱟ ᱟᱨ ᱯᱮᱨᱩ᱾ ᱫᱟᱹᱠᱷᱤᱱ ᱯᱟᱹᱪᱷᱤᱢ ᱥᱮᱡ ᱟᱨᱡᱮᱱᱴᱤᱱᱟ ᱟᱨ ᱯᱮᱨᱟᱜᱩᱭᱮ᱾ ᱟᱨ ᱫᱟᱹᱠᱷᱤᱱ ᱥᱮᱡ ᱫᱚ ᱩᱨᱩᱜᱩᱭᱮ ᱢᱮᱱᱟᱜᱼᱟ᱾

ᱧᱩᱛᱩᱢ ᱨᱮᱱᱟᱜ ᱱᱟᱜᱟᱢ

ᱵᱽᱨᱟᱡᱤᱞ ᱧᱩᱛᱩᱢ ᱚᱠᱟ ᱠᱷᱚᱱ ᱦᱮᱡ ᱟᱠᱟᱱᱟ ᱚᱱᱟ ᱫᱚ ᱢᱚᱡᱽ ᱛᱮ ᱵᱟᱝ ᱵᱟᱰᱟᱭ ᱧᱟᱢ ᱟᱠᱟᱱᱟ᱾ ᱚᱠᱚᱭ ᱫᱚᱠᱚ ᱢᱮᱱᱟ ᱵᱟᱝᱢᱟ ᱵᱽᱨᱟᱡᱤᱞᱩᱰ ᱫᱟᱨᱮ ᱧᱩᱛᱩᱢ ᱠᱷᱚᱱᱜᱮ ᱵᱽᱨᱟᱡᱤᱞ ᱧᱩᱛᱩᱢ ᱫᱚ ᱦᱮᱡ ᱟᱠᱟᱱᱟ᱾ ᱑᱖ ᱥᱟᱭ ᱥᱮᱨᱢᱟ ᱨᱮ ᱤᱣᱨᱳᱯ ᱨᱮᱱ ᱵᱟᱱᱤᱡᱤᱭᱟᱹᱠᱩ ᱵᱽᱨᱟᱡᱤᱞ ᱠᱷᱚᱱ ᱱᱚᱣᱟ ᱠᱟᱴᱷ ᱠᱩ ᱮᱫᱤᱭᱮᱛ ᱛᱟᱸᱦᱮᱸᱱᱟ᱾^[᱓] ᱯᱳᱨᱛᱩᱜᱤᱡᱽ ᱯᱟᱹᱨᱥᱤᱛᱮ ᱵᱽᱨᱟᱡᱤᱞᱩᱰ ᱫᱚ ᱯᱟᱣ ᱵᱨᱟᱡᱤᱣ (pau-brasil) ᱠᱩ ᱢᱮᱛᱟᱜ ᱠᱟᱱ ᱛᱟᱸᱦᱮᱸᱱᱟ᱾ ᱵᱨᱟᱡᱤᱣ ᱟᱹᱲᱟᱹ ᱫᱚ 'ᱠᱚᱭᱞᱟ ᱨᱮᱱᱟᱜ ᱟᱨᱟᱜ ᱟᱝᱜᱽᱨᱟ' ᱞᱮᱠᱟᱱ ᱟᱹᱲᱟᱹ ᱢᱟᱞᱟ ᱠᱷᱟᱱ ᱦᱮᱡ ᱟᱠᱟᱱᱟ᱾ ᱞᱟᱛᱤᱱ ᱯᱟᱹᱨᱥᱤ ᱛᱮ ᱵᱨᱟᱡᱟ (brasa) ᱟᱹᱲᱟᱹ ᱨᱮᱱᱟᱜ ᱢᱟᱱᱮ ᱫᱚ ᱠᱚᱭᱞᱟ ᱟᱨ ᱢᱩᱪᱟᱹᱫ ᱨᱮᱱᱟᱜ il ᱫᱚ ᱞᱟᱛᱤᱱ ‘-iculum’ ᱟᱨ ‘-ilium’ ᱠᱷᱟᱱ ᱦᱮᱡ ᱫᱟᱲᱮᱭᱟᱜᱼᱟ᱾^[᱔]^[᱕]^[᱖] ᱛᱟᱭᱚᱢ ᱫᱟᱨᱟᱢᱛᱮ ᱯᱳᱨᱛᱩᱜᱤᱡᱽ ᱵᱨᱟᱡᱤᱣ ᱟᱹᱲᱟᱹ ᱠᱷᱚᱱ ᱤᱝᱨᱮᱡᱤ ᱵᱽᱨᱟᱡᱤᱞ ᱧᱩᱛᱩᱢ ᱫᱚ ᱦᱮᱡ ᱫᱟᱲᱮᱭᱟᱜᱼᱟ᱾

ᱫᱟᱹᱠᱷᱤᱱ ᱟᱢᱮᱨᱤᱠᱟ ᱨᱮᱱᱟᱜ ᱟᱹᱫᱤᱵᱟᱹᱥᱤ ᱯᱟᱹᱨᱥᱤ ᱜᱩᱣᱟᱨᱟᱱᱤᱛᱮ ᱵᱽᱨᱟᱡᱤᱞ ᱫᱤᱥᱚᱢ ᱫᱚ ᱯᱤᱱᱫᱩᱨᱟᱢᱟ ᱧᱩᱛᱩᱢ ᱛᱮᱠᱚ ᱦᱚᱦᱚᱭᱮᱛ ᱛᱟᱸᱦᱮᱸᱱᱟ᱾ ᱥᱮᱫᱟᱭ ᱨᱮᱫᱚ ᱟᱹᱫᱤᱵᱟᱹᱥᱤ ᱠᱩ ᱱᱚᱣᱟ ᱧᱩᱛᱩᱢ ᱛᱮᱜᱮ ᱵᱽᱨᱟᱡᱤᱞ ᱠᱩ ᱪᱤᱱᱦᱟᱹᱣᱭᱮᱛ ᱛᱟᱸᱦᱮᱸᱱᱟ᱾

ᱱᱟᱜᱟᱢ

ᱟ᱕᱐᱐ ᱥᱟᱭ ᱥᱮᱨᱢᱟᱨᱮ ᱯᱳᱨᱛᱩᱜᱤᱡᱽ ᱠᱳᱣᱟᱜ ᱟᱭᱢᱟ ᱡᱟᱦᱟᱡᱽ ᱱᱮᱛᱟᱨᱟᱜ ᱵᱽᱨᱟᱡᱤᱞ ᱨᱮ ᱥᱮᱴᱮᱨᱮᱱ ᱠᱷᱟᱡ ᱜᱮ ᱯᱳᱨᱛᱩᱜᱟᱞ ᱨᱮᱱ ᱨᱟᱡᱟ ᱯᱩᱭᱞᱩ ᱢᱟᱱᱩᱭᱮᱞᱟᱜ ᱧᱩᱛᱩᱢ ᱛᱮ ᱚᱱᱟ ᱡᱟᱜᱟᱨᱮᱱᱟᱜ ᱟᱹᱭᱫᱟᱹᱨᱤᱠᱩ ᱫᱟᱹᱵᱤ ᱠᱮᱫᱟ᱾^[᱗] ᱩᱱ ᱡᱚᱠᱷᱚᱡ ᱵᱽᱨᱟᱡᱤᱞ ᱨᱮᱱ ᱟᱹᱫᱤᱵᱟᱹᱥᱤ ᱠᱩ ᱥᱟᱶᱛᱮ ᱩᱝᱠᱩᱣᱟᱜ ᱧᱟᱯᱟᱢ ᱦᱩᱭᱞᱮᱱᱟ᱾ ᱱᱩᱠᱩ ᱟᱹᱫᱤᱵᱟᱹᱥᱤ ᱠᱚᱫᱚ ᱛᱩᱯᱤ ᱜᱩᱣᱟᱨᱟᱱᱤ ᱯᱟᱹᱨᱥᱤ ᱛᱮ ᱠᱩ ᱨᱚᱲ ᱡᱚᱝ ᱠᱟᱱ ᱛᱟᱸᱦᱮᱸᱱᱟ᱾ ᱟᱨ ᱟᱹᱠᱩ ᱟᱹᱠᱩ ᱵᱷᱤᱛᱨᱤᱨᱮ ᱠᱩ ᱞᱟᱹᱲᱦᱟᱹᱭ ᱡᱚᱝ ᱠᱟᱱ ᱛᱟᱸᱦᱮᱸᱱᱟ᱾^[᱘]

᱑᱕᱓᱒ ᱥᱟᱭ ᱥᱮᱨᱢᱟᱨᱮ ᱯᱳᱨᱛᱩᱜᱤᱡᱽ ᱟᱠᱩᱣᱟᱜ ᱯᱩᱭᱞᱩ colony ᱠᱩ ᱵᱮᱨᱮᱫ ᱨᱟᱠᱟᱯ ᱠᱮᱫᱟ᱾ ᱠᱤᱪᱷᱩ ᱟᱹᱫᱤᱵᱟᱹᱥᱤᱠᱩ ᱦᱚᱸ ᱩᱱᱠᱩᱣᱟᱜ ᱫᱚᱞ ᱨᱮᱠᱚ ᱵᱚᱞᱚᱭᱮᱱᱟ ᱟᱨ ᱡᱟᱸᱦᱟᱸᱠᱩ ᱵᱟᱹᱠᱩ ᱥᱮᱞᱮᱫ ᱞᱮᱱᱟ ᱩᱝᱠᱩ ᱫᱚ ᱡᱚᱨ ᱠᱟᱛᱮ ᱟᱹᱠᱩᱨᱮᱱ ᱫᱟᱥ ᱫᱟᱹᱥᱤ ᱠᱩ ᱵᱮᱱᱟᱣ ᱠᱮᱫ ᱠᱩᱣᱟ᱾

ᱯᱷᱩᱨᱜᱟᱹᱞ

᱑᱘᱒᱑ ᱥᱮᱨᱢᱟ ᱨᱮ ᱛᱩᱨᱩᱭᱟᱜ ᱨᱟᱡᱟ ᱡᱳᱭᱟᱭ ᱤᱣᱨᱳᱯᱮ ᱨᱩᱣᱟᱹᱲ ᱪᱟᱞᱟᱣ ᱮᱱᱟ ᱟᱨ ᱟᱡ ᱨᱮᱱ ᱞᱟᱹᱴᱩ ᱦᱚᱯᱚᱱᱛᱮᱛ ᱯᱮᱫᱨᱩ ᱡᱤ ᱠᱟᱱᱛᱟᱨᱮᱠᱮᱭ ᱫᱚᱦᱚ ᱴᱚᱠᱟ ᱠᱤᱫᱤᱭᱟ᱾^[᱙] ᱤᱱᱟᱹ ᱯᱚᱨᱮ ᱫᱚᱲᱦᱟᱛᱮ ᱯᱳᱨᱛᱩᱜᱤᱡᱟᱜ ᱫᱚᱠᱷᱟᱞ ᱨᱮ ᱪᱟᱞᱟᱣ ᱨᱮᱱᱟᱜ ᱠᱩᱨᱩᱢᱩᱴᱩ ᱮᱦᱚᱵ ᱞᱮᱱ ᱠᱷᱟᱡ ᱵᱽᱨᱟᱡᱤᱞ ᱦᱚᱲ ᱚᱱᱟᱠᱩ ᱵᱤᱨᱩᱫᱤᱛᱷᱟ ᱞᱮᱫᱟ᱾ ᱨᱟᱡᱟ ᱦᱚᱯᱚᱱ ᱯᱮᱫᱨᱩ ᱦᱚᱸ ᱵᱽᱨᱟᱡᱤᱞ ᱨᱮᱱ ᱦᱚᱲ ᱠᱩ ᱜᱮᱭ ᱥᱚᱢᱚᱨᱛᱷᱚᱱ ᱞᱮᱫᱠᱩᱣᱟ᱾ ᱟᱫᱚ ᱑᱘᱒᱒ ᱥᱮᱨᱢᱟ ᱨᱮᱱᱟᱜ ᱗ ᱱᱚᱵᱷᱮᱢᱵᱚᱨ ᱨᱮ ᱯᱳᱨᱛᱩᱜᱟᱞ ᱴᱷᱮᱱ ᱠᱷᱚᱱ ᱯᱷᱩᱨᱜᱟᱹᱞᱮ ᱧᱟᱢ ᱠᱮᱫᱟ᱾^[᱑᱐] ᱚᱱᱟ ᱥᱮᱨᱢᱟ ᱨᱮᱱᱟᱜ ᱑᱒ ᱚᱠᱴᱚᱵᱚᱨ ᱰᱟᱢ ᱯᱮᱫᱨᱩ ᱵᱽᱨᱟᱡᱤᱞ ᱨᱮᱱ ᱯᱩᱭᱞᱩ ᱥᱚᱢᱨᱟᱴᱮ ᱦᱩᱭᱮᱱᱟ᱾

ᱚᱛᱱᱚ

ᱵᱽᱨᱟᱡᱤᱞ ᱨᱮᱱᱟᱜ ᱯᱩᱨᱩᱵᱽ ᱫᱚ ᱟᱴᱞᱟᱱᱴᱤᱠ ᱢᱚᱦᱟᱫᱚᱨᱮᱭᱟ ᱛᱮ ᱮᱥᱮᱫ ᱠᱟᱱᱟ᱾ ᱩᱛᱟᱹᱨ ᱥᱮᱡ ᱫᱚ ᱵᱷᱮᱱᱮᱡᱩᱭᱮᱞᱟ, ᱜᱟᱭᱟᱱᱟ, ᱥᱩᱨᱤᱱᱟᱢ ᱟᱨ ᱯᱷᱨᱟᱱᱥ ᱨᱮᱱᱟᱜ ᱯᱷᱚᱨᱟᱥᱤ ᱜᱟᱭᱟᱱᱟ᱾ ᱩᱛᱟᱹᱨ ᱯᱟᱹᱪᱷᱤᱢ ᱥᱮᱡ ᱠᱚᱞᱚᱢᱵᱤᱭᱟ᱾ ᱯᱟᱹᱪᱷᱤᱢ ᱥᱮᱡ ᱵᱚᱞᱤᱵᱷᱤᱭᱟ ᱟᱨ ᱯᱮᱨᱩ᱾ ᱫᱟᱹᱠᱷᱤᱱ ᱯᱟᱹᱪᱷᱤᱢ ᱥᱮᱡ ᱟᱨᱡᱮᱱᱴᱤᱱᱟ ᱟᱨ ᱯᱮᱨᱟᱜᱩᱭᱮ᱾ ᱟᱨ ᱫᱟᱹᱠᱷᱤᱱ ᱥᱮᱡ ᱫᱚ ᱩᱨᱩᱜᱩᱭᱮ ᱢᱮᱱᱟᱜᱼᱟ᱾

ᱵᱽᱨᱟᱡᱤᱞ ᱨᱮᱱᱟᱜ ᱚᱛ ᱦᱟᱥᱟ ᱫᱚ ᱦᱩᱭᱩᱜ ᱠᱟᱱᱟ 8,515,767.049 km² (3,287,956 sq mi), ᱚᱱᱟ ᱥᱟᱶᱛᱮ ᱫᱟᱜ ᱥᱤᱢᱟᱹᱱᱟ ᱦᱚᱸ ᱦᱩᱭᱩᱜ ᱠᱟᱱᱟ 55,455 km² (21,411 sq mi)᱾^[᱑᱑] ᱵᱽᱨᱟᱡᱤᱞ ᱨᱮᱱᱟᱜ ᱚᱛ ᱦᱟᱥᱟ ᱱᱟᱱᱟᱱ ᱯᱨᱟᱠᱟᱱ ᱜᱮᱭᱟ᱾ ᱵᱩᱨᱩ, ᱵᱤᱨ, ᱜᱟᱰᱟ ᱛᱮ ᱵᱽᱨᱟᱡᱤᱞ ᱫᱚ ᱯᱮᱨᱮᱡ ᱠᱟᱱᱟ᱾ ᱵᱽᱨᱟᱡᱤᱞ ᱨᱮᱜᱮ ᱡᱚᱛᱚ ᱠᱷᱚᱡ ᱡᱟᱹᱥᱛᱤ ᱵᱤᱨ ᱟᱨ ᱜᱟᱰᱟ ᱢᱮᱱᱟᱜᱼᱟ᱾ ᱱᱚᱣᱟ ᱫᱷᱟᱹᱨᱛᱤ ᱨᱮᱭᱟᱜ ᱫᱚᱥᱟᱨ ᱞᱟᱹᱴᱩ ᱜᱟᱰᱟ ᱟᱢᱟᱡᱚᱱ ᱜᱟᱰᱟ ᱫᱚ ᱵᱽᱨᱟᱡᱤᱞ ᱨᱮᱜᱮ ᱢᱮᱱᱟᱜᱼᱟ᱾

ᱟᱹᱨᱤ ᱪᱟᱹᱞᱤ

᱓ ᱥᱟᱭ ᱥᱮᱨᱢᱟ ᱯᱳᱨᱛᱩᱜᱤᱡᱟ ᱫᱚᱠᱷᱟᱞ ᱨᱮ ᱛᱟᱸᱦᱮᱸᱞᱮᱱᱛᱮ ᱵᱽᱨᱟᱡᱤᱞ ᱨᱮᱭᱟᱜ ᱟᱹᱨᱤ ᱪᱟᱹᱞᱤ ᱫᱚ ᱯᱳᱨᱛᱩᱜᱤᱠ ᱟᱹᱨᱤᱪᱟᱹᱞᱤ ᱠᱷᱚᱱ ᱜᱮ ᱦᱮᱡ ᱠᱟᱱᱟ᱾ ᱚᱱᱚ ᱵᱟᱫᱽ ᱠᱟᱛᱮ ᱦᱚᱸ ᱵᱽᱨᱟᱡᱤᱞ ᱨᱮᱱ ᱟᱹᱫᱤᱵᱟᱹᱥᱤ ᱠᱳᱣᱟᱜ ᱟᱹᱨᱤᱪᱟᱹᱞᱤ ᱦᱚᱸ ᱵᱮᱥᱛᱮ ᱢᱮᱱᱟᱜᱼᱟ᱾

ᱪᱤᱛᱟᱹᱨᱠᱩ

ᱟᱨᱦᱚᱸ ᱧᱮᱞᱢᱮ

ᱵᱟᱨᱦᱮ ᱡᱚᱱᱚᱲ

Government

General information

Brazil Encyclopædia Britannica entry
Brazil at UCB Libraries GovPubs
Brazil at Curlie (based on DMOZ)
Country Profile from the U.S. Library of Congress (1997)
Brazil from the BBC News
Key Development Forecasts for Brazil from International Futures
Wikimedia Atlas of Brazil
Geographic data related to Brazil at OpenStreetMap

ᱯᱷᱮᱰᱟᱛ

↑ Geography of Brazil"। The World Factbook। Central Intelligence Agency। ২০০৮। সংগৃহীত ২০০৮-০৬-০৩।
↑ "People of Brazil"। The World Factbook। Central Intelligence Agency। ২০০৮। সংগৃহীত ২০০৮-০৬-০৩।
↑ Eduardo Bueno, Brasil: uma História (São Paulo: Ática, 2003; আইএসবিএন ৮৫-০৮-০৮২১৩-৪), p.36.
↑ CNRTL – Centre National de Ressources Textuelles et Lexicales (ফরাসি)
↑ Michaelis – Moderno Dicionário da Língua Portuguesa (পর্তুগিজ)
↑ iDicionário Aulete (পর্তুগিজ)
↑ Boxer, p. 98.
↑ Boxer, p. 100.
↑ Lustosa, pp. 109–110
↑ Lustosa, pp. 150–153
↑ "Geography of Brazil". The World Factbook. Central Intelligence Agency. 2008. Retrieved 3 June 2008.

[1] Geography of Brazil"। The World Factbook। Central Intelligence Agency। ২০০৮। সংগৃহীত ২০০৮-০৬-০৩।

[2] "People of Brazil"। The World Factbook। Central Intelligence Agency। ২০০৮। সংগৃহীত ২০০৮-০৬-০৩।

[3] Eduardo Bueno, Brasil: uma História (São Paulo: Ática, 2003; আইএসবিএন ৮৫-০৮-০৮২১৩-৪), p.36.

[4] CNRTL – Centre National de Ressources Textuelles et Lexicales (ফরাসি)

[5] Michaelis – Moderno Dicionário da Língua Portuguesa (পর্তুগিজ)

[6] Dicionário Aulete (পর্তুগিজ)

[7] Boxer, p. 98.

[8] Boxer, p. 100.

[9] Lustosa, pp. 109–110

[10] Lustosa, pp. 150–153

[11] "Geography of Brazil". The World Factbook. Central Intelligence Agency. 2008. Retrieved 3 June 2008.

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]

[᱑᱐]

[᱑᱑]