Jump to content

ᱵᱨᱟᱡᱤᱞ

ᱡᱚᱱᱚᱲᱠᱩ ᱥᱟᱯᱲᱟᱣ
ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
MT731 (ᱨᱚᱲ | ᱮᱱᱮᱢ) (ᱥᱟᱦᱴᱟ ᱵᱽᱨᱟᱡᱤᱞ ᱠᱷᱚᱱ ᱵᱨᱟᱡᱤᱞ ᱛᱮ MT731 ᱩᱪᱟᱹᱲ ᱠᱮᱫᱼᱟᱭ ᱢᱚᱸᱦᱰᱟ ᱥᱟᱶᱛᱮ: ᱵᱨᱟᱡᱤᱞ) ᱫᱟᱨᱟᱭᱛᱮ ᱐᱒:᱔᱐, ᱒᱘ ᱢᱮ ᱒᱐᱒᱔ ᱨᱮᱱᱟᱜ ᱧᱮᱞᱟᱹᱨᱩ
ᱵᱨᱟᱡᱤᱞ ᱨᱮᱱᱟᱜ ᱪᱤᱨ

ᱵᱽᱨᱟᱡᱤᱞ (/brəˈzɪl/ (listen); Portuguese: Brasil [bɾaˈziw]), ᱫᱚ ᱮᱛᱚᱢ ᱟᱢᱮᱨᱤᱠᱟ ᱟᱨ ᱞᱮᱴᱤᱱ ᱟᱢᱮᱨᱤᱠᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱞᱟᱹᱴᱩ ᱫᱤᱥᱚᱢ ᱠᱟᱱᱟ ᱾ ᱚᱱᱟ ᱪᱷᱟᱰᱟ ᱠᱟᱛᱮ ᱦᱚᱸ ᱦᱚᱲᱟᱜ ᱮᱞᱮᱞ ᱟᱨ ᱚᱛᱱᱚ ᱞᱮᱠᱟᱛᱮ ᱵᱽᱨᱟᱡᱤᱞ ᱫᱚ ᱫᱷᱟᱹᱨᱛᱤ ᱨᱮ ᱢᱚᱬᱮᱭᱟᱜ ᱞᱟᱹᱴᱩ ᱫᱤᱥᱚᱢ ᱠᱟᱱᱟ ᱾ ᱱᱚᱣᱟ ᱫᱤᱥᱚᱢ ᱨᱮ ᱑᱙ ᱠᱩᱴᱤ ᱦᱚᱲ ᱢᱮᱱᱟᱜ ᱠᱚᱣᱟ ᱾[᱑][᱒]

ᱵᱽᱨᱟᱡᱤᱞ ᱨᱮᱱᱟᱜ ᱥᱟᱢᱟᱝ ᱫᱚ ᱟᱴᱞᱟᱱᱴᱤᱠ ᱢᱟᱦᱟᱫᱚᱨᱭᱟ ᱛᱮ ᱮᱥᱮᱫ ᱠᱟᱱᱟ ᱾ ᱠᱚᱧᱮ ᱥᱮᱫ ᱫᱚ ᱵᱷᱮᱱᱮᱡᱩᱭᱮᱞᱟ, ᱜᱟᱭᱟᱱᱟ, ᱥᱩᱨᱤᱱᱟᱢ ᱟᱨ ᱯᱷᱨᱟᱱᱥ ᱨᱮᱱᱟᱜ ᱯᱷᱚᱨᱟᱥᱤ ᱜᱟᱭᱟᱱᱟ ᱾ ᱠᱚᱧᱮ ᱯᱟᱪᱮ ᱥᱮᱫ ᱠᱚᱞᱚᱢᱵᱤᱭᱟ ᱾ ᱯᱟᱪᱮ ᱥᱮᱡ ᱵᱚᱞᱤᱵᱷᱤᱭᱟ ᱟᱨ ᱯᱮᱨᱩ ᱾ ᱮᱛᱚᱢ ᱯᱟᱪᱮ ᱥᱮᱫ ᱫᱚ ᱟᱨᱡᱮᱱᱴᱤᱱᱟ ᱟᱨ ᱯᱮᱨᱟᱜᱩᱭᱮ ᱾ ᱟᱨ ᱮᱛᱚᱢ ᱥᱮᱫ ᱫᱚ ᱩᱨᱩᱜᱩᱭᱮ ᱢᱮᱱᱟᱜᱼᱟ ᱾

ᱧᱩᱛᱩᱢ ᱨᱮᱱᱟᱜ ᱱᱟᱜᱟᱢ

ᱵᱽᱨᱟᱡᱤᱞ ᱧᱩᱛᱩᱢ ᱚᱠᱟ ᱠᱷᱚᱱ ᱦᱮᱡ ᱟᱠᱟᱱᱟ ᱚᱱᱟ ᱫᱚ ᱢᱚᱡᱽ ᱛᱮ ᱵᱟᱝ ᱵᱟᱰᱟᱭ ᱧᱟᱢ ᱟᱠᱟᱱᱟ ᱾ ᱚᱠᱚᱭ ᱫᱚᱠᱚ ᱢᱮᱱᱟ ᱵᱟᱝᱢᱟ ᱵᱽᱨᱟᱡᱤᱞᱩᱰ ᱫᱟᱨᱮ ᱧᱩᱛᱩᱢ ᱠᱷᱚᱱᱜᱮ ᱵᱽᱨᱟᱡᱤᱞ ᱧᱩᱛᱩᱢ ᱫᱚ ᱦᱮᱡ ᱟᱠᱟᱱᱟ ᱾ ᱑᱖ ᱥᱟᱭ ᱥᱮᱨᱢᱟ ᱨᱮ ᱤᱭᱩᱨᱳᱯ ᱨᱤᱱ ᱵᱟᱱᱤᱡᱤᱭᱟᱹᱠᱩ ᱵᱽᱨᱟᱡᱤᱞ ᱠᱷᱚᱱ ᱱᱚᱣᱟ ᱠᱟᱴ ᱠᱚ ᱮᱫᱤᱭᱮᱛ ᱛᱟᱦᱮᱸᱱᱟ ᱾[᱓] ᱯᱳᱨᱛᱩᱜᱤᱡᱽ ᱯᱟᱹᱨᱥᱤ ᱛᱮ ᱵᱽᱨᱟᱡᱤᱞᱩᱰ ᱫᱚ ᱯᱟᱣ ᱵᱽᱨᱟᱡᱤᱞ (pau-brasil) ᱠᱩ ᱢᱮᱛᱟᱜ ᱠᱟᱱ ᱛᱟᱦᱮᱸᱱᱟ ᱾ ᱵᱽᱨᱟᱡᱤᱞ ᱟᱹᱲᱟᱹ ᱫᱚ 'ᱠᱚᱭᱞᱟ ᱨᱮᱱᱟᱜ ᱟᱨᱟᱜ ᱟᱝᱜᱽᱨᱟ' ᱞᱮᱠᱟᱱ ᱟᱹᱲᱟᱹ ᱢᱟᱞᱟ ᱠᱷᱚᱱ ᱦᱮᱡ ᱟᱠᱟᱱᱟ᱾ ᱞᱟᱛᱤᱱ ᱯᱟᱹᱨᱥᱤ ᱛᱮ ᱵᱽᱨᱟᱡᱟ (brasa) ᱟᱹᱲᱟᱹ ᱨᱮᱱᱟᱜ ᱢᱟᱱᱮ ᱫᱚ ᱠᱚᱭᱞᱟ ᱟᱨ ᱢᱩᱪᱟᱹᱫ ᱨᱮᱱᱟᱜ il ᱫᱚ ᱞᱟᱛᱤᱱ ‘-iculum’ ᱟᱨ ‘-ilium’ ᱠᱷᱟᱱ ᱦᱮᱡ ᱫᱟᱲᱮᱭᱟᱜᱼᱟ ᱾[᱔][᱕][᱖] ᱛᱟᱭᱚᱢ ᱫᱟᱨᱟᱢᱛᱮ ᱯᱳᱨᱛᱩᱜᱤᱡᱽ ᱵᱽᱨᱟᱡᱤᱞ ᱟᱹᱲᱟᱹ ᱠᱷᱚᱱ ᱤᱝᱨᱮᱡᱤ ᱵᱽᱨᱟᱡᱤᱞ ᱧᱩᱛᱩᱢ ᱫᱚ ᱦᱮᱡ ᱫᱟᱲᱮᱭᱟᱜᱼᱟ ᱾

ᱮᱛᱚᱢ ᱟᱢᱮᱨᱤᱠᱟ ᱨᱮᱱᱟᱜ ᱟᱹᱫᱤᱵᱟᱹᱥᱤ ᱯᱟᱹᱨᱥᱤ ᱜᱩᱣᱟᱨᱟᱱᱤᱛᱮ ᱵᱽᱨᱟᱡᱤᱞ ᱫᱤᱥᱚᱢ ᱫᱚ ᱯᱤᱱᱫᱩᱨᱟᱢᱟ ᱧᱩᱛᱩᱢ ᱛᱮᱠᱚ ᱦᱚᱦᱚᱭᱮᱛ ᱛᱟᱦᱮᱸᱱᱟ ᱾ ᱥᱮᱫᱟᱭ ᱨᱮᱫᱚ ᱟᱹᱫᱤᱵᱟᱹᱥᱤ ᱠᱚ ᱱᱚᱣᱟ ᱧᱩᱛᱩᱢ ᱛᱮᱜᱮ ᱵᱽᱨᱟᱡᱤᱞ ᱠᱚ ᱪᱤᱱᱦᱟᱹᱣᱭᱮᱛ ᱛᱟᱦᱮᱸᱱᱟ ᱾

ᱱᱟᱜᱟᱢ

ᱟ᱕᱐᱐ ᱥᱟᱭ ᱥᱮᱨᱢᱟᱨᱮ ᱯᱳᱨᱛᱩᱜᱤᱡᱽ ᱠᱚᱣᱟᱜ ᱟᱭᱢᱟ ᱡᱟᱦᱟᱡᱽ ᱱᱮᱛᱟᱨᱟᱜ ᱵᱽᱨᱟᱡᱤᱞ ᱨᱮ ᱥᱮᱴᱮᱨᱮᱱ ᱠᱷᱟᱡ ᱜᱮ ᱯᱳᱨᱛᱩᱜᱟᱞ ᱨᱮᱱ ᱨᱟᱡᱟ ᱯᱩᱭᱞᱩ ᱢᱟᱱᱩᱭᱮᱞᱟᱜ ᱧᱩᱛᱩᱢ ᱛᱮ ᱚᱱᱟ ᱡᱟᱜᱟᱨᱮᱱᱟᱜ ᱟᱹᱭᱫᱟᱹᱨᱤ ᱠᱚ ᱫᱟᱹᱵᱤ ᱠᱮᱫᱟ ᱾[᱗] ᱩᱱ ᱡᱚᱠᱷᱚᱡ ᱵᱽᱨᱟᱡᱤᱞ ᱨᱮᱱ ᱟᱹᱫᱤᱵᱟᱹᱥᱤ ᱠᱩ ᱥᱟᱶᱛᱮ ᱩᱝᱠᱩᱣᱟᱜ ᱧᱟᱯᱟᱢ ᱦᱩᱭᱞᱮᱱᱟ᱾ ᱱᱩᱠᱩ ᱟᱹᱫᱤᱵᱟᱹᱥᱤ ᱠᱚᱫᱚ ᱛᱩᱯᱤ ᱜᱩᱣᱟᱨᱟᱱᱤ ᱯᱟᱹᱨᱥᱤ ᱛᱮ ᱠᱚ ᱨᱚᱲ ᱡᱚᱝ ᱠᱟᱱ ᱛᱟᱦᱮᱸᱱᱟ ᱾ ᱟᱨ ᱟᱹᱠᱚ ᱟᱹᱠᱚ ᱵᱷᱤᱛᱨᱤᱨᱮ ᱠᱩ ᱞᱟᱹᱲᱦᱟᱹᱭ ᱡᱚᱝ ᱠᱟᱱ ᱛᱟᱦᱮᱸᱱᱟ ᱾[᱘]

᱑᱕᱓᱒ ᱥᱟᱭ ᱥᱮᱨᱢᱟᱨᱮ ᱯᱳᱨᱛᱩᱜᱤᱡᱽ ᱟᱠᱩᱣᱟᱜ ᱯᱩᱭᱞᱩ colony ᱠᱩ ᱵᱮᱨᱮᱫ ᱨᱟᱠᱟᱯ ᱠᱮᱫᱟ᱾ ᱠᱤᱪᱷᱩ ᱟᱹᱫᱤᱵᱟᱹᱥᱤᱠᱩ ᱦᱚᱸ ᱩᱱᱠᱩᱣᱟᱜ ᱫᱚᱞ ᱨᱮᱠᱚ ᱵᱚᱞᱚᱭᱮᱱᱟ ᱟᱨ ᱡᱟᱸᱦᱟᱸᱠᱩ ᱵᱟᱹᱠᱩ ᱥᱮᱞᱮᱫ ᱞᱮᱱᱟ ᱩᱝᱠᱩ ᱫᱚ ᱡᱚᱨ ᱠᱟᱛᱮ ᱟᱹᱠᱩᱨᱮᱱ ᱫᱟᱥ ᱫᱟᱹᱥᱤ ᱠᱩ ᱵᱮᱱᱟᱣ ᱠᱮᱫ ᱠᱩᱣᱟ᱾

ᱯᱷᱩᱨᱜᱟᱹᱞ

᱑᱘᱒᱑ ᱥᱮᱨᱢᱟ ᱨᱮ ᱛᱩᱨᱩᱭᱟᱜ ᱨᱟᱡᱟ ᱡᱳᱭᱟᱭ ᱤᱭᱩᱨᱳᱯᱮ ᱨᱩᱣᱟᱹᱲ ᱪᱟᱞᱟᱣ ᱮᱱᱟ ᱟᱨ ᱟᱡ ᱨᱮᱱ ᱞᱟᱹᱴᱩ ᱦᱚᱯᱚᱱᱛᱮᱫ ᱯᱮᱫᱽᱨᱩ ᱡᱤ ᱠᱟᱱᱛᱟᱨᱮᱠᱮᱭ ᱫᱚᱦᱚ ᱴᱚᱠᱟ ᱠᱤᱫᱤᱭᱟ ᱾[᱙] ᱤᱱᱟᱹ ᱯᱚᱨᱮ ᱫᱚᱦᱲᱟᱛᱮ ᱯᱳᱨᱛᱩᱜᱤᱡᱟᱜ ᱫᱚᱠᱷᱟᱞ ᱨᱮ ᱪᱟᱞᱟᱣ ᱨᱮᱱᱟᱜ ᱠᱩᱨᱩᱢᱩᱴᱩ ᱮᱦᱚᱵ ᱞᱮᱱ ᱠᱷᱱ ᱵᱽᱨᱟᱡᱤᱞ ᱦᱚᱲ ᱚᱱᱟᱠᱚ ᱵᱤᱨᱯᱫᱷ ᱞᱮᱫᱟ᱾ ᱨᱟᱡᱟ ᱦᱚᱯᱚᱱ ᱯᱮᱫᱽᱨᱩ ᱦᱚᱸ ᱵᱽᱨᱟᱡᱤᱞ ᱨᱮᱱ ᱦᱚᱲ ᱠᱩ ᱜᱮᱭ ᱥᱚᱢᱚᱨᱛᱷᱚᱱ ᱞᱮᱫᱠᱚᱣᱟ ᱾ ᱟᱫᱚ ᱑᱘᱒᱒ ᱥᱮᱨᱢᱟ ᱨᱮᱱᱟᱜ ᱗ ᱱᱚᱵᱷᱮᱢᱵᱚᱨ ᱨᱮ ᱯᱳᱨᱛᱩᱜᱟᱞ ᱴᱷᱮᱱ ᱠᱷᱚᱱ ᱯᱷᱩᱨᱜᱟᱹᱞᱮ ᱧᱟᱢ ᱠᱮᱫᱟ᱾[᱑᱐] ᱚᱱᱟ ᱥᱮᱨᱢᱟ ᱨᱮᱱᱟᱜ ᱑᱒ ᱚᱠᱴᱚᱵᱚᱨ ᱰᱟᱢ ᱯᱮᱫᱽᱨᱩ ᱵᱽᱨᱟᱡᱤᱞ ᱨᱤᱱ ᱯᱩᱭᱞᱩ ᱥᱚᱢᱨᱟᱴᱮ ᱦᱩᱭᱮᱱᱟ ᱾

ᱠᱟ.ᱱᱩᱱ

ᱵᱽᱨᱟᱡᱤᱞ ᱨᱮᱱᱟᱜ ᱟᱹᱱᱟᱹᱨᱤ ᱫᱚ ᱥᱤᱵᱤᱞ ᱟᱹᱱᱟᱹᱨᱤ ᱥᱟᱥᱚᱱ ᱪᱟᱪᱞᱟᱣ ᱨᱮ ᱦᱟᱹᱴᱤᱧ ᱟᱠᱟᱱᱟ ᱟᱨ ᱥᱤᱵᱤᱞ ᱟᱹᱱᱟᱹᱨᱤ ᱨᱮᱱᱟᱜ ᱯᱨᱚᱠᱨᱤᱛᱤ ᱠᱚᱢᱚᱱ ᱞᱚᱠ ᱠᱟᱹᱢᱤ ᱠᱷᱚᱱ ᱵᱟᱹᱲᱛᱤ ᱢᱮᱱᱟᱜᱼᱟ ᱾ ᱵᱽᱨᱟᱡᱤᱞ ᱨᱮᱱᱟᱜ ᱡᱟᱹᱥᱛᱤ ᱜᱟᱱ ᱟᱹᱱᱟᱹᱨᱤ ᱠᱚᱫᱚ ᱠᱳᱰᱤᱯᱷᱮᱰ ᱟᱠᱟᱱᱟ, ᱢᱮᱱᱠᱷᱟᱱ ᱵᱟᱝ ᱠᱳᱰᱤᱯᱷᱮᱰ ᱟᱠᱟᱱ ᱟᱹᱱᱟᱹᱨᱤ ᱠᱚᱦᱚᱸ ᱟᱹᱰᱤ ᱢᱟᱨᱟᱝ ᱦᱟᱹᱴᱤᱧ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱢᱤᱫ ᱯᱩᱨᱟᱹᱣ ᱨᱳᱞ ᱮ ᱠᱷᱮᱞᱟ ᱾ ᱛᱤᱨᱞᱟᱹ ᱠᱚᱣᱟᱜ ᱟᱹᱱᱟᱹᱨᱤ ᱨᱮ ᱟᱹᱱᱟᱹᱨᱤ ᱨᱮᱭᱟᱜ ᱜᱟᱞᱚᱪ ᱢᱮᱱᱟᱜᱼᱟ ᱾ ᱢᱮᱱᱠᱷᱟᱱ ᱮᱴᱟᱜ ᱠᱤᱥᱟᱹᱬ ᱠᱤᱥᱟᱹᱬ ᱨᱮ ᱱᱚᱶᱟ ᱠᱚ ᱟᱹᱰᱤ ᱠᱚᱢ ᱜᱮ ᱞᱟᱹᱠᱛᱤᱭᱟᱱ ᱢᱮᱱᱟᱜᱼᱟ ᱾ ᱰᱚᱠᱴᱨᱤᱱᱟᱞ ᱠᱟᱹᱢᱤ ᱟᱨ ᱮᱠᱟᱰᱮᱢᱤᱠ ᱡᱩᱨᱤᱥᱴ ᱠᱚᱣᱟᱜ ᱠᱟᱹᱢᱤ ᱠᱚ ᱟᱹᱰᱤ ᱢᱟᱨᱟᱝ ᱩᱯᱨᱩᱢ ᱢᱮᱱᱟᱜ-ᱟ ᱫᱟᱹᱭᱠᱟᱹ ᱵᱮᱱᱟᱣ ᱟᱨ ᱫᱟᱹᱭᱠᱟᱹ ᱠᱟᱹᱢᱤ ᱨᱮ ᱾ ᱡᱚᱡᱚᱱᱟ ᱠᱚ ᱵᱟᱰᱟᱭ ᱦᱚᱪᱚ ᱞᱟᱹᱜᱤᱫ ᱟᱫᱷᱤᱠᱟᱨᱤ ᱟᱨ ᱮᱴᱟᱜ ᱟᱫᱷᱤᱠᱟᱨᱤ ᱠᱚ ᱵᱟᱦᱟᱞ ᱦᱚᱪᱚᱭᱟ।[᱑᱑]

᱕ ᱚᱠᱴᱚᱵᱚᱨ ᱑᱙᱘᱘ ᱥᱟᱞᱮ ᱨᱮ ᱵᱮᱵᱦᱟᱨ ᱟᱠᱟᱱ ᱯᱷᱮᱰᱮᱨᱟᱞ ᱥᱚᱝᱥᱚᱫᱽ ᱟᱨ ᱵᱨᱟᱡᱤᱞ ᱨᱮᱱᱟᱜ ᱢᱩᱬᱩᱛ ᱟᱹᱱᱟᱹᱨᱤ ᱫᱚ ᱱᱚᱶᱟ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱦᱟᱹᱴᱤᱧ ᱠᱟᱱᱟ ᱾ ᱡᱚᱛᱚ ᱮᱴᱟᱜ ᱞᱟᱹᱭ ᱥᱚᱫᱚᱨ ᱟᱨ ᱟᱹᱱᱟᱹᱨᱤ ᱫᱚ ᱱᱚᱣᱟ ᱨᱮᱱᱟᱜ ᱟᱹᱱᱟᱹᱨᱤ ᱞᱮᱠᱟᱛᱮ ᱦᱩᱭᱩᱜ-ᱟ᱾ ᱡᱩᱞᱟᱭ ᱒᱐᱒᱒ ᱦᱟᱹᱵᱤᱡ, ᱑᱒᱔ ᱜᱚᱴᱟᱝ ᱮᱢᱮᱱᱰᱢᱮᱱᱴ ᱢᱮᱱᱟᱜᱼᱟ ᱾[᱑᱒] ᱪᱮᱛᱟᱱ ᱜᱟᱲ ᱫᱚ ᱥᱩᱯᱨᱤᱢ ᱯᱷᱮᱰᱮᱨᱟᱞ ᱜᱟᱲ ᱠᱟᱱᱟ ᱾ ᱯᱚᱱᱚᱛ ᱠᱚᱣᱟᱜ ᱱᱤᱡᱮᱨᱟᱜ ᱥᱚᱝᱵᱤᱫᱷᱟᱱ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱯᱷᱮᱰᱮᱨᱟᱞ ᱥᱚᱝᱵᱤᱫᱷᱟᱱ ᱥᱟᱶ ᱵᱟᱹᱱᱩᱜᱼᱟ ᱾[᱑᱓] ᱢᱤᱭᱩᱱᱤᱥᱤᱯᱟᱞᱤᱴᱤ ᱟᱨ ᱯᱷᱮᱰᱮᱨᱟᱞ ᱰᱤᱥᱴᱨᱤᱠᱴ ᱨᱮ "ᱟᱨᱜᱟᱱᱟᱠ ᱞᱟᱭᱥ" (leis orgânicas) ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱥᱚᱝᱥᱟᱨ ᱞᱮᱠᱟᱛᱮ ᱠᱟᱹᱢᱤ ᱟᱠᱚᱣᱟ ᱾ ᱥᱚᱢᱵᱤᱫᱷᱟᱱ ᱮᱱᱴᱤ ᱠᱚᱫᱚ ᱥᱚᱢᱵᱤᱫᱷᱟᱱ ᱨᱮᱱᱟᱜ ᱢᱩᱬᱩᱛ ᱥᱚᱦᱚᱨ ᱠᱟᱱᱟ, ᱢᱮᱱᱠᱷᱟᱱ ᱛᱤᱱᱟᱹᱜ ᱜᱟᱱ ᱠᱤᱥᱟᱹᱬ ᱨᱮ ᱥᱚᱢᱵᱤᱫᱷᱟᱱ ᱟᱨ ᱯᱨᱚᱥᱟᱥᱚᱱᱤᱠ ᱮᱱᱴᱤ ᱠᱚ ᱫᱚ ᱟᱹᱱ ᱟᱹᱨᱤ ᱠᱚ ᱮᱢ ᱫᱟᱲᱮᱭᱟᱜ-ᱟ ᱾ ᱟᱹᱭᱫᱟᱹᱨᱤ ᱫᱚ ᱟᱹᱭᱫᱟᱹᱨᱤ ᱥᱟᱥᱚᱱ ᱦᱚᱛᱮᱛᱮ ᱪᱟᱪᱞᱟᱣ ᱦᱩᱭᱩᱜᱼᱟ, ᱢᱮᱱᱠᱷᱟᱱ ᱟᱹᱰᱤ ᱠᱚᱢ ᱜᱟᱱ ᱚᱠᱛᱚ ᱨᱮ ᱯᱷᱮᱰᱮᱨᱟᱞ ᱥᱚᱝᱥᱚᱫ ᱫᱚ ᱯᱷᱮᱰᱮᱨᱟᱞ ᱥᱤᱱᱟᱴ ᱫᱚ ᱟᱹᱭᱫᱟᱹᱨᱤ ᱟᱹᱭᱫᱟᱹᱨᱤ ᱮᱢᱚᱜᱼᱟ ᱾ ᱨᱟᱡᱽᱟᱹᱨᱤ, ᱠᱟᱹᱢᱤᱭᱟᱹ ᱟᱨ ᱵᱟᱪᱷᱱᱟᱣ ᱟᱹᱱᱟᱹᱨᱤ ᱠᱚᱦᱚᱸ ᱢᱮᱱᱟᱜᱼᱟ ᱾[᱑᱔]

ᱯᱷᱟ.ᱫᱽ

ᱵᱽᱨᱟᱡᱤᱞ ᱨᱤᱱ ᱯᱷᱟ.ᱫᱽ ᱫᱚ ᱞᱟᱛᱤᱱ ᱟᱢᱮᱨᱤᱠᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱯᱷᱟ.ᱫᱽ ᱠᱟᱱᱟ ᱠᱚ ᱟᱨ ᱯᱷᱟ.ᱫᱽ ᱥᱟᱸᱣᱛᱟ ᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱠᱟᱱᱟ ᱠᱚ ᱾[᱑᱕] ᱱᱚᱶᱟ ᱫᱤᱥᱚᱢ ᱫᱚ ᱒᱐᱒᱑ ᱥᱮᱨᱢᱟ ᱨᱮ ᱡᱮᱜᱮᱛ ᱨᱮ ᱙ ᱟᱱᱟᱜ ᱢᱟᱨᱟᱝ ᱯᱷᱩᱨᱜᱟᱹᱞ ᱫᱤᱥᱚᱢ ᱞᱮᱠᱟᱛᱮ ᱠᱚ ᱢᱟᱱᱟᱣ ᱵᱟᱛᱟᱣᱮᱫ ᱛᱟᱦᱮᱸᱫ ᱾ ᱱᱚᱶᱟ ᱨᱮ ᱵᱨᱟᱡᱤᱞᱤᱭᱟᱹᱱ ᱯᱷᱩᱨᱜᱟᱹᱞ (ᱟᱨᱢᱤ ᱮᱵᱤᱭᱚᱥᱚᱱ ᱠᱚᱢᱟᱱᱰ ᱥᱟᱶᱛᱮ), ᱵᱨᱟᱡᱤᱞᱤᱭᱟᱹᱱ ᱯᱷᱩᱨᱜᱟᱹᱞ (ᱢᱟᱨᱤᱱ ᱠᱚᱨᱯᱥ ᱟᱨ ᱱᱮᱵᱟᱞ ᱮᱵᱤᱭᱚᱥᱚᱱ ᱥᱟᱶᱛᱮ) ᱟᱨ ᱵᱨᱟᱡᱤᱞᱤᱭᱟᱹᱱ ᱩᱰᱟᱹᱱ ᱯᱷᱩᱨᱜᱟᱹᱞ ᱢᱮᱱᱟᱜᱼᱟ ᱾ ᱵᱽᱨᱟᱡᱤᱞ ᱨᱮᱱᱟᱜ ᱨᱟᱡᱽᱟᱹᱨᱤ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱨᱟᱡᱽᱟᱹᱨᱤ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ, ᱡᱟᱦᱟᱸ ᱫᱚ ᱥᱮᱨᱢᱟ ᱨᱮ ᱑.᱖ ᱢᱤᱞᱤᱭᱚᱱ ᱠᱷᱚᱱ ᱦᱚᱸ ᱵᱟᱹᱲᱛᱤ ᱨᱤᱡᱟᱨᱵᱽ ᱠᱚ ᱢᱮᱱᱟᱜ ᱠᱚᱣᱟ ᱾[᱑᱖]

᱒᱓᱖,᱐᱐᱐ ᱜᱟᱱ ᱠᱟᱹᱢᱤᱭᱟᱹ ᱦᱚᱲ ᱥᱟᱶ[᱑᱗], ᱵᱽᱨᱟᱡᱤᱞ ᱨᱮᱱᱟᱜ ᱯᱷᱩᱨᱜᱟᱹᱞ ᱫᱚ ᱠᱚᱧᱮ ᱟᱢᱮᱨᱤᱠᱟ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱯᱷᱟ.ᱫᱽ ᱜᱟ.ᱰᱤ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱵᱚᱨᱢᱟᱨᱠ ᱥᱮᱵᱟ ᱟᱨ ᱛᱚᱝᱠ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ ᱾[᱑᱘] ᱯᱚᱱᱚᱛ ᱠᱚᱨᱮᱱᱟᱜ ᱢᱤᱞᱤᱴᱟᱨᱤ ᱯᱩᱞᱤᱥ ᱟᱨ ᱢᱤᱞᱤᱴᱟᱨᱤ ᱯᱷᱟᱭᱤᱢᱯᱟᱨᱴ ᱠᱚᱨᱯᱥ ᱫᱚ ᱥᱚᱝᱥᱚᱫᱽ ᱞᱮᱠᱟᱛᱮ ᱯᱷᱩᱨᱜᱟᱹᱞ ᱨᱟᱡᱽᱜᱟᱲ ᱨᱮᱱᱟᱜ ᱢᱤᱫ ᱮᱥᱠᱤᱞᱟᱨᱤ ᱯᱷᱳᱨᱥ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ, ᱢᱮᱱᱠᱷᱟᱱ ᱱᱩᱠᱩ ᱫᱚ ᱡᱚᱛᱚ ᱯᱚᱱᱚᱛ ᱨᱤᱱᱤᱡ ᱜᱚᱵᱷᱚᱨᱱᱚᱨ ᱟᱜ ᱠᱚᱱᱴᱨᱚᱞ ᱨᱮ ᱢᱮᱱᱟᱜᱼᱟ ᱾[᱑᱙]

ᱚᱛᱱᱚ

ᱵᱽᱨᱟᱡᱤᱞ ᱨᱮᱱᱟᱜ ᱥᱟᱢᱟᱝ ᱫᱚ ᱟᱴᱞᱟᱱᱴᱤᱠ ᱢᱚᱦᱟᱫᱚᱨᱮᱭᱟ ᱛᱮ ᱮᱥᱮᱫ ᱠᱟᱱᱟ ᱾ ᱠᱚᱧᱮ ᱥᱮᱫ ᱫᱚ ᱵᱷᱮᱱᱮᱡᱩᱭᱮᱞᱟ, ᱜᱟᱭᱟᱱᱟ, ᱥᱩᱨᱤᱱᱟᱢ ᱟᱨ ᱯᱷᱨᱟᱱᱥ ᱨᱮᱱᱟᱜ ᱯᱷᱚᱨᱟᱥᱤ ᱜᱟᱭᱟᱱᱟ᱾ ᱠᱚᱧᱮ ᱯᱟᱪᱮ ᱥᱮᱫ ᱠᱚᱞᱚᱢᱵᱤᱭᱟᱵ᱾ ᱯᱟᱪᱮ ᱥᱮᱫ ᱵᱚᱞᱤᱵᱷᱤᱭᱟ ᱟᱨ ᱯᱮᱨᱩ᱾ ᱮᱛᱚᱢ ᱯᱟᱪᱮ ᱥᱮᱫ ᱟᱨᱡᱮᱱᱴᱤᱱᱟ ᱟᱨ ᱯᱮᱨᱟᱜᱩᱭᱮ ᱾ ᱟᱨ ᱮᱛᱚᱢ ᱥᱮᱫ ᱫᱚ ᱩᱨᱩᱜᱩᱭᱮ ᱢᱮᱱᱟᱜᱼᱟ ᱾

ᱵᱽᱨᱟᱡᱤᱞ ᱨᱮᱱᱟᱜ ᱚᱛ ᱦᱟᱥᱟ ᱫᱚ ᱦᱩᱭᱩᱜ ᱠᱟᱱᱟ ᱘,᱕᱑᱕,᱗᱖᱗.᱐᱔᱙ ᱠᱤᱞᱚᱢᱤᱴᱚᱨ᱒ (᱓,᱒᱘᱗,᱙᱕᱖ sq mi), ᱚᱱᱟ ᱥᱟᱶᱛᱮ ᱫᱟᱜ ᱥᱤᱢᱟᱹᱱᱟ ᱦᱚᱸ ᱦᱩᱭᱩᱜ ᱠᱟᱱᱟ ᱕᱕,᱔᱕᱕ ᱠᱤᱞᱚᱢᱤᱴᱚᱨ᱒ (᱒᱑,᱔᱑᱑ sq mi)᱾[᱒᱐] ᱵᱽᱨᱟᱡᱤᱞ ᱨᱮᱱᱟᱜ ᱚᱛ ᱦᱟᱥᱟ ᱱᱟᱱᱟᱱ ᱯᱨᱟᱠᱟᱱ ᱜᱮᱭᱟ ᱾ ᱵᱩᱨᱩ, ᱵᱤᱨ, ᱜᱟᱰᱟ ᱛᱮ ᱵᱽᱨᱟᱡᱤᱞ ᱫᱚ ᱯᱮᱨᱮᱡ ᱠᱟᱱᱟ ᱾ ᱵᱽᱨᱟᱡᱤᱞ ᱨᱮᱜᱮ ᱡᱚᱛᱚ ᱠᱷᱚᱡ ᱡᱟᱹᱥᱛᱤ ᱵᱤᱨ ᱟᱨ ᱜᱟᱰᱟ ᱢᱮᱱᱟᱜᱼᱟ ᱾ ᱱᱚᱣᱟ ᱫᱷᱟᱹᱨᱛᱤ ᱨᱮᱭᱟᱜ ᱫᱚᱥᱟᱨ ᱞᱟᱹᱴᱩ ᱜᱟᱰᱟ ᱟᱢᱟᱡᱚᱱ ᱜᱟᱰᱟ ᱫᱚ ᱵᱽᱨᱟᱡᱤᱞ ᱨᱮᱜᱮ ᱢᱮᱱᱟᱜᱼᱟ ᱾

ᱟᱹᱨᱤ ᱪᱟᱹᱞᱤ

᱓ ᱥᱟᱭ ᱥᱮᱨᱢᱟ ᱯᱳᱨᱛᱩᱜᱤᱡᱟ ᱫᱚᱠᱷᱟᱞ ᱨᱮ ᱛᱟᱸᱦᱮᱸᱞᱮᱱᱛᱮ ᱵᱽᱨᱟᱡᱤᱞ ᱨᱮᱭᱟᱜ ᱟᱹᱨᱤ ᱪᱟᱹᱞᱤ ᱫᱚ ᱯᱳᱨᱛᱩᱜᱤᱠ ᱟᱹᱨᱤᱪᱟᱹᱞᱤ ᱠᱷᱚᱱ ᱜᱮ ᱦᱮᱡ ᱠᱟᱱᱟ ᱾ ᱚᱱᱟ ᱪᱷᱟᱰᱟ ᱠᱟᱛᱮ ᱦᱚᱸ ᱵᱽᱨᱟᱡᱤᱞ ᱨᱤᱱ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱟᱹᱨᱤᱪᱟᱹᱞᱤ ᱦᱚᱸ ᱱᱟᱯᱟᱭ ᱜᱮ ᱢᱮᱱᱟᱜᱼᱟ ᱾

ᱪᱤᱛᱟᱹᱨᱠᱚ

ᱟᱨᱦᱚᱸ ᱧᱮᱞᱢᱮ

ᱵᱟᱦᱨᱮ ᱡᱚᱱᱚᱲ

Government

General information

ᱯᱷᱮᱰᱟᱛ

  1. ↑ Geography of Brazil" Archived ᱒᱐᱒᱐-᱑᱒-᱒᱙ at the Wayback Machine.। The World Factbook। Central Intelligence Agency। ২০০৮। সংগৃহীত ২০০৮-০৬-০৩।
  2. ↑ "People of Brazil" Archived ᱒᱐᱒᱐-᱑᱒-᱒᱙ at the Wayback Machine.। The World Factbook। Central Intelligence Agency। ২০০৮। সংগৃহীত ২০০৮-০৬-০৩।
  3. ↑ Eduardo Bueno, Brasil: uma História (São Paulo: Ática, 2003; আইএসবিএন ৮৫-০৮-০৮২১৩-৪), p.36.
  4. ↑ CNRTL – Centre National de Ressources Textuelles et Lexicales (ফরাসি)
  5. ↑ Michaelis – Moderno Dicionário da Língua Portuguesa (পর্তুগিজ)
  6. ↑ iDicionário Aulete Archived ᱒᱐᱑᱒-᱐᱒-᱒᱙ at the Wayback Machine. (পর্তুগিজ)
  7. ↑ Boxer, p. 98.
  8. ↑ Boxer, p. 100.
  9. ↑ Lustosa, pp. 109–110
  10. ↑ Lustosa, pp. 150–153
  11. ↑ https://web.archive.org/web/20110725100724/http://www.brasembottawa.org/en/brazil_in_brief/political_institution.html
  12. ↑ http://www.planalto.gov.br/ccivil_03/constituicao/Emendas/Emc/quadro_emc.htm
  13. ↑ ISBN 85-7420-559-1
  14. ↑ https://web.archive.org/web/20071213194044/http://www.planalto.gov.br/CCIVIL_03/Constituicao/Constitui%C3%A7ao.htm
  15. ↑ https://web.archive.org/web/20170325232014/http://revistaepoca.globo.com/Revista/Epoca/0,,EMI14439-15273-2,00-UMA+NOVA+AGENDA+MILITAR.html
  16. ↑ https://www.cia.gov/the-world-factbook/countries/brazil/ᱟᱨ[permanent dead link]Central Intelligence Agency
  17. ↑ http://www.planalto.gov.br/ccivil_03/_Ato2004-2006/2006/Decreto/D5670.htm
  18. ↑ http://www.militarypower.com.br/mundo.htm
  19. ↑ https://web.archive.org/web/20180928070506/http://www.v-brazil.com/government/laws/titleI.html
  20. ↑ "Geography of Brazil" Archived ᱒᱐᱒᱐-᱑᱒-᱒᱙ at the Wayback Machine.. The World Factbook. Central Intelligence Agency. 2008. Retrieved 3 June 2008.
"https://sat.wikipedia.org/w/index.php?title=ᱵᱨᱟᱡᱤᱞ&oldid=149423" ᱠᱷᱚᱱ ᱧᱟᱢ ᱟᱹᱜᱩᱭ