'Omar ibn al-Khattāb
![](http://upload.wikimedia.org/wikipedia/commons/thumb/5/57/Grands_conquerants_-_Omar_le_2eme_calife_prenant_en_personne_possession_de_Jerusalem_l%27an_638_de_l%27ere_chretienne.derv..jpg/220px-Grands_conquerants_-_Omar_le_2eme_calife_prenant_en_personne_possession_de_Jerusalem_l%27an_638_de_l%27ere_chretienne.derv..jpg)
ʿOmar (oʿUmar) ibn al-Khaṭṭāb, عمر ابن الخطّاب (ca. 586 – 3 novemmre 644), ha state 'u seconne califfe islamiche apprisse Abū Bakr. Resse 'a Umma da 'u 634 a 'u 644.
Prime d'a conversione
[cange • cange 'a sorgende]Appartenende a 'u clan meccane de le Banū ʿAdi, d'a tribù de le Bànu Quraysh, ʿOmar non ge fù une de le primisseme convertite e, 'nvece, s'aví distinde inizialmende pè 'nu granne odie jndre le combronde de l'Islam. Se dìce ca 'a soje conversione fòsse avvenute 'n seguite a 'nu ironiche apprezzamende de 'nu soje concettadine, cumme jidde pagane, ca le avrebbe ditte ca 'a soje ostilità jndre le combronde d'a releggione predicate da Maometto avrebbe da esprimerse pure a le 'nderne d'a famigghie de ʿOmar e jndre le combronde d'a sora Fāṭima, devendate musulmane.
Fuscènne sus a case, avrebbe viste 'a sora ca stave a ligge 'nu scritte. Dope averle mappinate provocannole 'na sanguinose ferite Omar se sarebbe scurnacchiáte d'u soje geste assaje vile e avrebbe chieste de canoscere 'u condenute d'u scritte. Erene le prime uètte versette d'a sura XX d'u Corano, ditte Ta-Ha: .
«Nuje non t'avimme rivelate 'u Corano purcè tu patische, |
(trad. A. Bausani, 'U Corano, Firenze, Sansoni, 1955; pò Meláne, Rizzoli) |
L'operate medinese
[cange • cange 'a sorgende]'A soje spicce conversione illustre bbuène 'u carattere de l'omme, 'mbulsive a 'u limite qucche vote d'a sfrontatezze, forse frutte d'u soje 'mbonende e aitante cuerpe. Devende seguace assaje appassionato de l'Islam da essere spesse (e 'nu picche abusivamende) chiamate 'u "San Paolo de l'Islam". Accombagne cu decisione totte 'u cammine d'u profete Muhammad, talora esprimendogli cu singéretà assolute e spesse candide le proprie dubbie e pure le proprie criteche.
Seconne 'na tradiziune repurtate da Muslim ibn al-Hajjāj, une de le massime tradizioniste musulmane, ʿOmar se sarebbe misse d'accorde cu Abū Bakr e cu Abū ʿUbayda b. al-Jarrāḥ (pò muèrte prematuramende jndr'ô corse d'a cambagne militare islamiche de conguiste d'a Sirie) ca a guidà 'a comunità islamiche dope 'a muèrte de Muhammad fosse Abū Bakr.
Vere o none quèste tradiziune, stè de fatte ca a 'u mumende d'u soje trapasse, 'u prime califfe pretese da totte l'élite islamiche ca se recanoscesse 'a successione proprie de ʿOmar 'u quale, pure, demostre de essere a l'altezze d'u combite, revelannose une de le migliore califfe, pè energie e onestà morale, ca maje aví canosciute l'Islam.
'U califfate
[cange • cange 'a sorgende]Organizze le prime spediziune jndre le territorie arabofone sotte dirette o inderette condrolle de le Bizandine e de le persiane Sasanide. De nnanze ad 'a 'nconsistenze d'a reazione le piane iniziale ca prevedevane probbabbilmende 'na semblice serie de razzie e, a 'u massime, l'assoggettamende a tribute de le sedentarie ca se iacchievane vicine ad 'a steppe (bādiya) arabo-siriane, devendarene vere e proprie operaziune de conguiste. Caddere accusì sotte 'u putere islamiche 'a Sirie-Palestine, l'Egitte, 'a Mesopotamie e 'a Persie occidentale.
Jdre quiste 'mbrese se misere 'n evidenze 'u stesse Abū ʿUbayda b. al-Jarrāh, Yazīd b. Abī Sufyān, Shuraḥbīl b. Ḥasana, ʿAmr b. al-ʿĀṣ e, cchiù de totte, Khālid b. al-Walīd, recende trionfatore jndr'à uerre d'a ridda jndr'ô corse d'u precedende califfate.
ʿOmar creje 'a prime strutture amministrative d'u State islamiche, tande civile quanne militare, facènne preparà apposite reggistre (dīwān, pl. dawawīn, ovvere daftar, pl. dafātir) tenute 'n ordene da personale ca stàve a scrive jndr'à greche, ebraiche, aramaiche, copte o persiane (viste 'u state imberfette d'a lènga arabe scritte) ca, de conseguenze, ere cchiù o mene crestiáne, israelite o zoroastriane. Fù sembre ʿOmar, pè le stesse finalità burocratiche, a stabbelì ca cumme anne 1 d'u calendarie islamiche fosse fissate l'anne jndre cui Muḥammad avéve ordinate l'egira de le prime musulmane (622).
Cu jidde se cominge ad usà 'a fortunate espressione "Comandante de le credende" (Amīr al-muʾminīn), pè evità ca 'a già luènghe espressione Khalīfat rasūl Allāh (Successore de l'Inviate de Die) pè ‘ndecà 'u califfe, devendasse angore cchiù luènghe, viste 'a tendenze iniziale a chiamalle Khalīfat khalīfat Rasūl Allāh (Successore d'u successore de l'Inviate de Die).
ʿOmar mùere sotte le colpe de lame de 'nu schiave, forse persiane, de nome Luʾluʾa, senze ca sie possibbele vedè jndre stù fatte 'na qualsiase motivazione polìteche. Ere però 'a prime fine violende de 'nu successore d'u Profete e non ge sarebbe state l'urteme.
Face appene 'n timbe, prime de murì, a decidere ca a stabbelì 'u soje successore fosse 'nu Conziglie (Shūrā) furmate da le Combagne d'u Profete sopravvissute. Fù sepolte fianghe a fianghe ad Abū Bakr ca, a soje vote, ere state inumate accanto a 'u Profete jndre quèdde ca cchiù nnande devende 'a Moschee d'u Profete.
Bibliografije
[cange • cange 'a sorgende]- Donner, Fred, Le prime Conguiste Islamiche, Princeton University Press, 1981.
- Guillaume, A., 'A vite de Maometto, Oxford University Press, 1955.
- Hourani, Albert, 'Na Storie de le Popule Arabe, Faber and Faber, 1991.
- Madelung, Wilferd, 'A successione de Muhammad, Cambridge University Press, 1997.
- "G.LeviDellaVida e M.Bonner "Umar" in 'Ngeclopedije de l'Islam CD-ROM Edition v. 1.0, Koninklijke Brill NV, Leiden, The Netherlands 1999"
- Previte-Orton, C. W (1971). The Shorter Cambridge Medieval History. Cambridge: Cambridge University Press.
- Quande Combagne Canosce? De Ali Al-Halawani
Vôsce cullegate
[cange • cange 'a sorgende]- Mecca
- Medina
- Corane
- Califfe
- Abū Bakr
- Sepolture de Maometto a Medina
- Egira
- Combagne
- Umma
- Maometto
- Penisole arabe
Otre pruggette
[cange • cange 'a sorgende]Uicchiquote tène citazioni de oppure sus 'Omar ibn al-Khattāb
Uicchimedie Commons tène files multimediale sus 'Omar ibn al-Khattāb
Condrolle de autorità | VIAF (EN) 27868234 · ISNI (EN) 0000 0001 2125 5289 · CERL (EN) cnp00401090 · LCCN (EN) n81042737 · GND (DE) 118822810 · BNF (FR) cb11939742h (data) · J9U (EN, HE) 987007269275205171 |
---|
Collegaminde fore a Uicchipèdie
[cange • cange 'a sorgende]- Estratte de 'A storie de le Khalifahs de Jalal ad-Din as-Suyuti
- Sirah de Amirul Muminin Umar Bin Khattab (r.a.a.) de Shaykh Sayyed Muhammad bin Yahya Al-Husayni Al-Ninowy.
- (EN) The Caliphate, its rise, decline and fall, de William Muir Capitole I, 11 A.H., Death of Mohammad, Election of Abu Bekr, 'Omar, 'Ali, Abu 'Obeida
- Janine et Dominique Sourdel, Dictionnaire historique de l'islam, Éd. PUF, Template:ISBN
- Tabari, La Chronique (Volume II), Actes-Sud Template:ISBN