Mikhuq
Mikhuq nisqakunaqa ima mikhuna nisqatapas ukhunchakuspa mikhuq kawsaqkunam: uywakuna runakunapas.
Mikhuqkunaqa yurakunata icha huk uywakunata mikhuspa kawsa imayayta chaskinku. Huk kawsaqkunap kawsa imayaymanta kikinpa kawsa imayayninta mana kawsa imayaykunatapas ruraykunku. Tukuy mikhuqkunaqa samanmi, wayayta chaskispa, chimlasayta yaku wapsitapas wayra pachaman kachaykuspa.
Mikhunankamataq mikhuqkunataqa kay hinatam rakinchik:
- Yura mikhuq nisqakunaqa yurakunallatam mikhun, ahinataq waka, kawallu.
- Aycha mikhuq nisqakunataq uywakunallatam mikhun, ahinataq puma, tiwrun.
- Aya mikhuq nisqakunataq wañusqaña uywakunallatam mikhun, ahinataq wiskul.
- Tukuy mikhuq nisqakunataq yurakunata uywakunatapas mikhun, ahinataq khuchi, wallpa.
- Suysuspa mikhuq nisqakunataq ima ch'iñichakunallatapas - añakikunata, ch'ulla kawsaykuqkunata, huk uchuylla kawsaqchakunatapas - mikhun, ahinataq lakachu.