Spinegh

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Spinegh Stat: Italia Region: Piemont Provincia: Provincia ëd Lissandria Nòm 'n italian: Spineto Scrivia Coordinà: Latitudin: 44° 50′ 14.7′′ N Longitudin: 8° 52′ 21.0′′ E Autëssa: 260 m s.l.m. Surfassa: 3,95 km² Abitant: 325 (2017) Comun dj'anviron: Carbunera, Paderna, Torton-a, La Vilëtta CAP: 15050 Prefiss tel.: 0131 Còdes ÌSTAT: 006166 Còdes fiscal: I911  Sant protetor: san Giaco  Festa dël borgh: 25 ëd luj  Sit istitussional Spinegh o Spinèj (Spineto Scrivia an italian) a l'é un comun dël Piemont ëd 325 abitant , ant la provinsa ëd Lissandria. As treuva an sle colin-e an sla drita dla Scrivia, ant la region dij Còj Tortonèis ch'a fan part dël pre-Apenin lìgur-piemontèis. Stòria La cesa parochial ëd San Giaco Le orìgin ëd Spinegh a armonto a l'Età 'd Mès: a smìa ch'ël pais a sia stàit fondà dël Tërzent. A-i ero 'n cit castel con fonsion d'arset an sla sima dla colin-a e na cassin-a fortificà ai pé dla colin-a (che ancheuj as ciama Cassin-a Mariana). Për sécoj Spinegh a l'ha fàit part dël Vëscovà Tortonèis, valadì l'ansem dij possediment goernà diretament dal vësco ëd Torton-a. Tute le comun-e dël Vëscovà a l'avìo un cit Consèj ëd Chërdensa, ant ël qual tuti j'agn a j'ero elegiù tre cónsoj. Për soagné j'anteress generaj dël Vëscovà o për difendse da le mnasse ai drit comun as podìa samblé a Carzòu na Ciambrea General ëd tùit ij chërdensari. Contut ch'a sìa stàit sogetà al Ducà 'd Milan e peuj a jë Spagneuj, ël Vëscovà a manten soa autonomìa aministrativa. Dël 1713, an séguit al Tratà d'Utrecht, Spinegh e 'l Tortonèis a passo a l'Imper Austrìach. Dël 1735 Torton-a e ij sò anviron a passo sota la Cà 'd Savòja ëd Carl Emanuel III ant ël Regn ëd Sardëgna. A ven creà la Contà 'd Torton-a antestà al re, ma 'l Vëscovà a ven ancora anfeodà al vësco 'd Torton-a. A l'é mach dël 1786 ch'ël vësco Carl Morissi Peyret a ced ël Vëscovà al re, an cambi d'ën neuv tìtol prinsipesch. D'apress a l'época dla dominassion fransèisa ëd Napoleon Bon-a-part, Spinegh a torna al Regn ëd Sardëgna, ant la Divison (peui Provinsa) ëd Lissandria, ant la Provinsa (peui Sircondari) ëd Torton-a e ant ël Mandament ëd Vila Vèrnia. Dël 1828 Spinegh a l'é colpì da 'n fòrt teremòt ch'a causa vàire darmagi e a porta a la ricostrussion ëd la cesa parochial. Dël 1929 ël comun ëd Paderna a ven ancorporà a col ëd Spinegh ma a oten torna soa indipendensa aministrativa dël 1949. Aministrassion Ël sìndich a l'é Alessandro Canegallo (dal 14/06/2004, scond mandà da l'08/06/2009, ters mandà dal 26/05/2014). Anliure esterne Sit istitussional Arferiment Spinegh an sima a la colin-a

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi