Bard

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Bard

Stat:	Italia
Provincia:	Val d’Osta
Coordinà:	Latitudin: 45° 37′ 0′′ N Longitudin: 7° 45′ 0′′ E Mostra an sla carta
Autëssa:	400 m s.l.m.
Surfassa:	3,03 km²
Abitant:	132 (2010)
Comun dj'anviron:	Arnad, Donnas, Hône
CAP:	11020
Prefiss tel.:	0125
Còdes ÌSTAT:	007009
Còdes fiscal:	A643
Festa dël borgh:	15 d'ost

Sit istitussional

Bard (an franch provensal Bar) a l'é un comun dla Val d'Osta ëd 134 abitant.
Ël pais as treuva a 47,5 chilòmeter d'Osta, an na gòrgia topa, a 400 méter an sël livel dël mar.
A l'é ant un leu ëd passage për la comba ëd Champorcher.

Stòria

Ël pais ëd Bard a resta anfeodà a Ugon ëd Bard, quand chiel a fa at ëd sotmission a Tomà I dël 1191. Peui Castel ëd Bard e pais a resto ciapà ant le question antra fratej ch'a-i ven-o dapress a la mòrt d'Ugon, e dël 1242 pais e castel a-j van ai Savòja. Con sòn la sgnorìa ëd Bard as treuva separà da cola ëd Champorcher, che a-i resta a la famija Bard.

Ël castel a ven angrandì dai Savòja, fin-a a esse demolì da Napoleon, ai temp dla Sconda anession a la Fransa. Dël 1830, na vira che Val d'Osta e Piemont a-j torno an man ai Savòja, a sarà arfàita la fortificassion, ant la forma ch'a së s-ciàira anco' al dì d'ancheuj.

Atrassion

Mobilità

La stassion dij treno Hône-Bard, an sla lìnia Civass-Pré-Saint-Didier, a l'é ant la comun-a d'Hône.

Aministrassion

Ël sìndich a l'é Deborah Francesca Albina Jacquemet (dal 19/05/2005).

Bibliografìa

Pedrini, Ennio (1965). Passeggiata tra i castelli (Val d'Aosta). Turin: Editoriale Pedrini.