La Juventus Football Club S.p.a, o Juventus (dal latin iuventus, ch'a veul dì gioventura), o pura mach la Juve com as dis pì semplicement, a l'é un-a dle pì famose squadre ëd fótbal d'Italia e queidun a dis bele che dël mond.
A l'é nàita a Turin ant ël 1897 an sna banca ëd Cors Re Umbert.
Soa stòria a l'é gropà a la famija Agnelli: antra j'àutri, Giovanni Agnelli (stranomà l'Avocat, Gioanin, Gioanin dla Tòla, Monsù Fiat), Umberto Agnelli, John Elkan e Lapo Elkan (ij novod ed l'Avocat).
Antra ij giugador pì arnomà a-i ero ò a i son ancora: Andrea Pirlo, John Charles, Giampiero Boniperti, Gaetano Scirea, Antonio Cabrini, Dino Zoff, Michel Platini, Roberto Baggio, Gianluca Vialli, Alessandro Del Piero, Zinedine Zidane, Antonio Conte, Giorgio Chiellini, Claudio Marchisio, Gianluigi Buffon, Fabio Cannavaro.
|
|