Middawaida Dischbediere:Fränsmer

Ai Guude!

Wiesch gsiehn hon, hosch Du Disch käzlisch nai õõgmeld. Häzlisch willkumme im Tiem, Fränsmer!!!

Inzwische wärschDe schun ä klää bißje was gsien un villaischd aach probiad hän. Hilfe findsch bai äm jede vun uns un es Wichdigschde hämma mol doo zammegfaßd. Außadäm konnschDe nadierlisch aach am Schdammdisch frooche un im Sandkaschde ausprobiere, wasDe willd.

WannsDe in Diskussione schraibsch, donn duu bitte unnaschraiwe:

So orra so

gehd des aach bai Dia.

Noomol: Häzlisch willkumme un än liewe Gruuß, Skipper Michael- Diskussion 19:57, 7. Jän 2013 (CET)

Därkema Wabbe

Hallo Färnsmer!

Däädschde mär mol bidde vakliggan, fär was Du des Därkema Wabbe ausgedauschd hoschd? Is des jezad geännad worrn? Orra waa des schun die gonz Zaid falsch gewesd? Wohea wääschDu welles es rischdiche is? Un wäaschde bidde so lieb un däädschd des aach im Ardigl vamärge, jednfalls Doi Quell un aach wonns vun de Schdadt geännad worrn is, änwera inärem egschdra Abschnid orra als Fußnood. Liewe Gruß, --Skipper Michael- Diskussion 19:57, 7. Jän 2013 (CET)

Laida hot d Stadt Derkem kä Wappe uf ihra Homepage. S isch awa jetz schains scho des richtich Wappe, gucken emol do: [1], [2], [3]. --Holder (Diskussion) 21:38, 7. Jän 2013 (CET)

Isch vermut, des sin äfach zwee Variande, wies bei viele Wabbe so is. Des vorische schoint jedenfalls net verkehrt zu soi, wann s Fremmeverkehrsåmt des hot: [4]. Villeischt gibts jo en schbezielle Grund, awwer schunsch hätt ma des net ausdausche misse. --Melibokus (Diskussion) 22:15, 7. Jän 2013 (CET)

Korregdur: Sch seh grad, di verlinggde Seid hot mid em Fremmeverkehrsåmt Därkem nix zu du, die verweise nur druff, un die Abbildung hawwe se womeglisch aus da Wiki kobiert. Also unhe weidere Hieweis schwierisch. --Melibokus (Diskussion) 23:02, 7. Jän 2013 (CET)

Es gäbd awwa noch gnuuch Saide mid däm Wabbe. Desdewesche moi Frooch. Un desdewesche moi Bidde. Ä Vawaldung, wos ned fär needisch häld, ia Wabbe uf de Homepage zu zaische, hod dodemid endwärra Probleme orra skümmad se ned. Wonn dann zwäää Wabbe im Umlauf sin, frooch isch hald, um därre Sach ufde Grund zu geje. Die Ännarung hodda ned när do gmächd, sunnan aach inde de., so viel Mieh mechd mär sich ned ohne Grund. Un unsa Fraind muß aach ä Quell hän, wail so äbbes sauchd mär sisch ned aus de Finga. Un die dääd isch aach gärn im Ardiggl seje, fär daßs gaaned ärschd zu waidere Frooche un Annarunge kummd. - Zwää Versione is zwaa meeschlisch, awwa vaboode - es Wabbe soll jo än äädaidisch Kennzaische soi un im schdaadlische Bereich is des aach genehmisungsplischdich. (Kommunalufsischd, Londradsamd, etc.) --Skipper Michael- Diskussion 23:15, 7. Jän 2013 (CET)

Als Vorlage für das Wappen wird diese Referenz angegeben, was nicht vertrauenswürdig aussieht. Vielleicht gibt Fränsmer noch ein paar Informationen dazu. --Manuae^{@ ₪} 19:58, 8. Jän 2013 (CET)

Des komma so ned saache: Des schdehd zwaa unna "Quelle", is awwa ausdrigglisch när als Voalaach bzaischnd, Uahewa un Dadum uubekonnd. Wonn isch noo Quelle frooch, will isch awwa ned wisse, wasa als Voalaach fär soi Wegdoan genumme hod, sunnan wohea soi Informadzion schdamme duud, daß des es rischdisch Wabbe wäa. Un die Infoamadzion kann - bishea - uumechlisch falsch soi (un aach ned rischdich), wail mär se jo noch gaaned hän.

Soo gseje find isch die Rewärdierung - bsunnaschd in Ooberachd vun däm Hiewais vum Holder - grad so zwaiflhafd wie die Ännarung ohne Quelleoogaab. --Skipper Michael- Diskussion 21:00, 8. Jän 2013 (CET)

Kinschdlarische Verännerunge vun genehmischde Wabbe sin duajschaus zulässisch un aa gaa net so selde. Heidelberg hot zum Beischbiel soi Lewewabbe 1969 vumne Kinschdler schdilisiere losse. Haitzudag verwendt Heidelberg weder uf soiner Website noch uf soine Brief soi Wabbe, sunnan bloß noch e "Logo", wie Därkem offensischdlisch aa (des is hait "in", s gibt mehrere Beischbiele in da Region). Därkem hot offensischdlisch soin Mauerhooge aa, vor långem schun, verschnärgle losse. Di verschnärgeld Version exischdiert minnischns schun seit 1901 parallel zur schlichdare! Was uns bedrifft, is käns vun beide Wabbe verkehrt un s bschdeht kän Bedaaf, was zu ännare. Im iwwarische verweis isch uff di Leschdischbediererei uf Commons, unner annerem zum ågeblisch falsche Därkemer un vor allem zum Fränsmer Wabbe.

Åhang: Meyers Konversations-Lexikon, 1888 midare noch annare Version, Briefmaag Bayarische Zeit, Poschkatt, schun 1901 mim verschnärglde Wabbe, Poschkadd mi-da schlischdare Version --Melibokus (Diskussion) 21:54, 8. Jän 2013 (CET)

Du hoschd schun Räschd, awwa vagiß bidde ned, daß die Blasonierung uubeding bai alle Ännarunge inghalde wärrn muß, wonn ned ä onnaschdes Wabbe genehmischd is. Un des is baim Fränsmer soi Wersion ned de Fall. Im Geschesadz zu dänne Baischbiele, die wo Du gebrunge hoschd. - Was uf Commons abgehd, is zwaa indresand, fär uns awwa ned maßgewlisch. Mia hän uns när noo däm zu rischde, was agduell es "Gebrauchswabbe" is, also des, des wo die Schdadt nämme duud, wonn se mol ääns nämme duud. Alles onna konn mär im Abschnidd == Wabbe == behandln, aach mid ännare Galerie. Iwwarischns deng ich eha, doß des ääfache es naijare is, wail mär voam Logo eha zum schlichdare Schdil tendiad hod. Awwa aach des is när moi pärsehnlisch eOosischd un kongred noch ohne Quelle, also ned wägglisch maßgäblisch. Awwa isch wärd misch jednfalls mol an die Schdadt wende un hoff außadäm als noch uf äm Fränsmer soi Andword. --Skipper Michael- Diskussion 23:48, 8. Jän 2013 (CET)

Di Blasonierung lauded jo bloß: "In Silber ein schwarzer Maueranker (Türangel)." (de:Bad_Dürkheim#Wappen). Die is allemol erfilld. Beide Variande gibts seid allerminnischns 80 Johr, also käns vun beide is in de ledschde Jazehnde endwiggld worre. Bin mol gschbannd, was da Schdadtaaschivaa odder wer immer dort antwort, sescht. Alla, liewe Gruß --Melibokus (Diskussion) 00:02, 9. Jän 2013 (CET)

Alla, em Fränsmär soi Wärsion is die äänzisch deazaid rischdisch, alladings duud sisch die Gmää sadzungsmäßisch voa'bhalde, die Nudzung zu ärlaube - odda aach ned - und hod se widrischefalls ärschdemol unnasaachd. Isch hon jezad mol heeflisch fär uns um Ärlaubnis gebeede, äm Manuae soi voaailisch Rewärdierung rewärdiad un donn im Kaschde es Wabbe auskommendiad, um die Andword abzwaade. Wonn ich da aach ned droo zwaifl, is des doch ääfach ä Frooch vun Heeflischkaid un Tagdgfiel. Denoo kennne mär die Kommendierung jo wieda ändfärne. --Skipper Michael- Diskussion 14:31, 9. Jän 2013 (CET)

Alla, korrekt. Liewen Dank, Michael, fä doi Mieh. (Fä reschdlische Frooche zu Gemändewabbe is des indressant: de:Wikipedia:Wappen). Des annare Wabbe is dann als hischdoarisch zu bedrachde. Net falsch, awwer in friehere Zeide im Gebrauch. --Melibokus (Diskussion) 14:54, 9. Jän 2013 (CET)

Schraibwettbewerb

Herzliche Ailadung zur Tailnahm am erschde Schraibwettbewerb von de rhoifrängisch Wikipedia:! --Badener (Diskussion) 16:09, 16. Nov 2014 (CET)[Beantworten]

Das ich e kloine Erinnerung an de Schraibwettbewerb. Bis morge in ere Woch kann man noch Artigl schraiwe un nominiere. Wär suba, wenn du nochmitmachsch.--Badener (Diskussion) 13:49, 6. Dez 2014 (CET)[Beantworten]