Framing-Effeggd

Dialegd: Schbaimarisch

Vum Framing-Effeggd odda a äfach Framing schbrischdma wonn des was die Laid heeren odda leesn ä unnaschiedlischi Bedaidung krischd, eefach bloos wails oanaschda Ausgedriggd wead. De Roahme machd do de Inhald. Den Effeggd komma nedd midm gsunde Menschvaschdond eakläre.^[1]

Hinnagrund

Die Taadsach, dass allä die Ännarung vunde Aad wie was gsachd wead än Oifluss didruff hodd wies vaschdonne wead, widdaschbrichd nochm Daniel Kahneman unnem Amos Tversky mohl dem Razionalidedsgriderium vunde „Inwarions“. Dodenoch isch die Vaännerung vunde Zugänglischkaid vunem Raiz än wischdiga Meschonismus baide Framing-Effeggde.

Baischbiel

Bai Maßnoahme inde Gsundhaidsvoasoach wead ofd uff die schedliche Folsche vum Raache, uugschizde Sex, Iwwag’wischd odda iwwameesische Alkoholg’nuß hieg’wiese unn benuzd do s’Valuschd- odda Fuaschd-Framing. Im allg’moine nizd des awwa wenisch unn ma hodd mea Eafolsch wommas innen G’winnroahme oibedde dud. Do koama doann die guude Folsche uffzaische, wuma hawwe koan, woanma sisch wie g’winschd Vahalde dud.^[2]^[3]^[4]^[5] Mea Uffmeagsoamkaid krischdma awwa drozdem middm Oangsch-Framing womma uff die Risigge vum Raache etc. uffmeagsoam mache dud. Den Effeggd gibds a bai Umfrooche, wuma uffbaße muss wiema frooche dud.

Ä Unnanehme, wu ä ofd vakafdes awwa mongelhafdes Brodugd midd Sicherhaidsbroblem herschdelld, konn in soine Middelunge zu dem Thema z. B. die Brodugd vunnde Konkurrenz gridisiere odda s'Risiko vunde gsomde Brodugdkadegorie themadisiere. Do'd'zu werre ofd oigengische Slogans odda Soundbites b'nudzd, alla korze oibrächsome Zitad, wu die Effendlischkaid vum Schdondpungd vun Unnanehme iwwazaische unn die Uffmergsomkaid vunde ugindschdische Aspegde weg'g'lengd werre solln.

Gugschd a uff

Spin

Bischa

D. Kahneman und A. Tversky (Hrsg.), (2000): Choices, values and frames. Cambridge University Press, Cambridge

Vawais

↑ Volker Stocké: Framing und Rationalität. die Bedeutung der Informationsdarstellung für das Entscheidungsverhalten. Oldenbourg, 2002, ISBN 3-486-56646-6, S. 10.
↑ A.J. Rothman et al. (1993)The influence of message framing on intentions to perform health behaviors. Journal of Experimental Social Psychology, 29, S. 408–433
↑ A.J. Rothman & Peter Salovey (1997). Shaping perceptions to motivate healthy behavior: The role of message framing. Psychological Bulletin, 121, S. 3–19
↑ Jones, Sinclair & Courneya (2003). The effects of source credibility and message framing on exercise intentions, behavior and attitudes: An integration of the Elaboration Likelihood Model and Prospect Theory. Journal of Applied Social Psychology, 33, S. 179–196
↑ Meyerowitz & Chaiken (1987). The effect of message framing on breast self-examination attitudes, intentions, and behavior. Journal of Personality and Social Psychology, 52, S. 500–510

[Stocké_2002-1] Volker Stocké: Framing und Rationalität. die Bedeutung der Informationsdarstellung für das Entscheidungsverhalten. Oldenbourg, 2002, ISBN 3-486-56646-6, S. 10.

[2] A.J. Rothman et al. (1993)The influence of message framing on intentions to perform health behaviors. Journal of Experimental Social Psychology, 29, S. 408–433

[3] A.J. Rothman & Peter Salovey (1997). Shaping perceptions to motivate healthy behavior: The role of message framing. Psychological Bulletin, 121, S. 3–19

[4] Jones, Sinclair & Courneya (2003). The effects of source credibility and message framing on exercise intentions, behavior and attitudes: An integration of the Elaboration Likelihood Model and Prospect Theory. Journal of Applied Social Psychology, 33, S. 179–196

[5] Meyerowitz & Chaiken (1987). The effect of message framing on breast self-examination attitudes, intentions, and behavior. Journal of Personality and Social Psychology, 52, S. 500–510

[1]

[2]

[3]

[4]

[5]