Affelboch
49.5938888888898.8558333333333357Koordinaten: 49° 36′ N, 8° 51′ O
Affelboch (außerhalb vum Iwwerwald aa Affolderbach) is e Dorf im Iwwerwald, wu heit zur Gemeinde Wald-Mischlbach im hessische Kreis Bergschdrooß ghert. Di Gemaakung vun Affelboch liggt im Ulfebachdal, zwische 352 un 410 m Heh i. NN. Da geologische Unnergrund beschdeht aus Buntsandschdåå.
Gschischt
[Schaffe | Om Gwelltegschd schaffe]Zum erschdemol erwähnt worre iss-es im Johr 1353 im kurpälzische Kopialbuch als Affolderbach. Affolter is des alde Wort fär Abblbååm[1]. Da Ortsnåme muß vun da Bach kumme, wu siedlisch am Owwerdorf entlång fließt. Die heeßt hait Abblbach. Da Ort waa als Schdroßedorf ågelegt.
1353 waa Affelboch im Bsitz vum Palzgraf Ruprecht, wu-s 1398 em Schenk Ewwerhad vun Erbach als Lehe iwwerlosse hot. Demm soin Nochfaa mim selwe Nåme Ewwerhad vun Erbach hot-s 1509 an di Kurpalz abgedrede. Urschbringlisch waa Affelboch da Haubdort vun da Håmmlbacher Zent. Mim pälzische Owweramt Lindefels isses 1803 zu Hesse kumme.
Im Zug vun da Gemeindereform is 1970 des Dorf Kocherbach zu Affelboch oigemaindt worre. Nur zwee Johr schbäder hot ma Affelboch, gege massive Prodeschde un entgege alle demogradische Regle zu Wald-Mischlbach zåwngsoigemeindt.
Oiwuhnerendwigglung
[Schaffe | Om Gwelltegschd schaffe]| Johr | 1784 | 1829 | 1939 | 1961 | 1970 | 1984 | 1990 | 2003 | 2010 |
|---|---|---|---|---|---|---|---|---|---|
| Oiwuhner[2] | 192 | 499 | 587 | 863 | 983 | 1.163 | 1.259 | 1.278 | 1.245 |
Vun de 1.278 Oiwuhner im Johr 2003 ware 656 efangelisch, 318 kadolisch un 304 schunschdische. 115 ware Auslänner, vor allem aus da Tirkei.
Kuldur
[Schaffe | Om Gwelltegschd schaffe]
Bauwerge
[Schaffe | Om Gwelltegschd schaffe]Di vum Arschidekt Friedrich Pützer im Jugendschdil endworfene efangelische Guschdaf-Adolf-Kärsch is 1906-07 erbaut worre. In de Johre 1995/96 hot ma se auße un 2001 inne widderhergerischt.[3]
Brauchdum
[Schaffe | Om Gwelltegschd schaffe]Di Affelbescher Kerwe werd irgendwånn zwische Åfang Mai un Åfang Juni gfeiert.
Perseenlischkaide
[Schaffe | Om Gwelltegschd schaffe]- Des Grab vum Leander van Eß (* 1772 in Warburg; † 1847 in Affelboch), äm vun de große Biwel-Iwwersetzer newam Martin Luther, ligt uffm Kärschhof vun Affelboch.
- Da Obernsänger Joachim Sattler is 1899 in Affelboch uf di Welt kumme († 1984). Noch ihm is da Kammersänger-Joachim-Sattler-Weg benånnt[4].
Quelle
[Schaffe | Om Gwelltegschd schaffe]Lidaradur
[Schaffe | Om Gwelltegschd schaffe]- Wolfram Einsingbach (Beaawaider): Kreis Bergstraße, Die Kunstdenkmäler des Landes Hessen. Textbånd un Bildbånd. 1969
Im Netz
[Schaffe | Om Gwelltegschd schaffe]- Londesgschischdlisches Informaziunssyschdem Hesse, Hischdorisches Ortslexikon
- 650 Jahre Affolterbach, Ein Dorf im Wandel der Zeit (Direktlink) vum Odewaldklub Affelboch
Änzlnochwais
[Schaffe | Om Gwelltegschd schaffe]- ↑ Friedrich Kluge, Etymologisches Wörterbuch der deutschen Sprache, (verwendt: 22. Ufflaach 1989)
- ↑ Oiwuhnerzahle bis 1970: Londesgschischdlisches Informaziunssyschdem Hesse; danoch: Odewaldklub Affelboch: „650 Jahre Affolterbach“; 2010: www.wamiba.de
- ↑ Efangelische Kärschegemaind Affelboch
- ↑ Kuldurpordal Hesse (abgerufe am 14.6.2012; 2019 net uffzurufe)
