Waide
El waide (eute écrivure : wède) ch’est unne plante conmunne in Picardie pi in Urope qui servoét eutréfoés à foaire el couleur por ches hardes.
![](http://upload.wikimedia.org/wikipedia/commons/thumb/8/83/Isatis_tinctoria_%286124353313%29.jpg/300px-Isatis_tinctoria_%286124353313%29.jpg)
Cheus-lo qui tchultivoétte el waide (por nin estroaire el bleute poude qui servoét à tinde ches toéles) os les lonmoét ches waidiers obin wédiers.
Ech bleu dor d’Anmien
éditerUnne couleur divinne
éditerConme ech bleus ch’est, dins l’simbolike crétienne, el couleur ed ches cius, d’ech « Roéïaume ed ches Cius » dont Jésus-Crisse i parle dins ches Évangiles, ech bleu il o toudis ‘tè unne couleur granmint aperchièe pi dmandèe (èn sroét-‘ch eq por ches églises). Ch’est étou l’couleur qu’os use ech pus souvint por erprésinter l’Vierge Marie.
El ritchèce Anmien
éditerConme el waide a permet d’porduire un bieu bleu avuc el poude ed ses rachinnes, ches régions qui porduiztte el waide is vont dvénir riches. Adon, el Picardie a dvient fin vivemint connute por ès waide, seurtout ech tchuin Anmien, pi l’réputacion a croét granmint dins ch’Roéïaume ed Franche au point douqu’os seurlonme el waide l’or bleu d’Amiens (« ech bleu dor d’Anmien »).
In 1260, Sant Louis i déclére qu’ech bleu-waide ch’est l’couleur Sante-Marie pi l’couleur d’ech Roéïaume Franche. Adon, l’utilisacion d’waide al esplose pi Anmien a dvient fin riche. Ch’est grache à ch’conmerche d’el waide qu’el catédrale Anmien al o pu ète construite. Ech Santère pi ch’poaiyis Anmiennoés is dvienntte ches deus régions dousqu’el waide al est l’mius réputèe dins toute l’Urope.
Ech conmerche i décroét
éditerAvuc el Dgère d'Un Chint Ans, ch’conmerche ed waide i vo boaissier, ches Ingloés is étoétte des grands acateus d’waide, el dgère a vo ruinner ch’conmerche. Aprés cho, l’waide Anmien a vo ète réusèe in Franche dusqu’au XVIIe sièke, quant d’eutes plantes is vont rimplacher l’waide por foaire el bleute couleur.
Ches resses innui
éditerDins ch’wartier Sant-Leu à Anmien, os put toudis vir ches molins pi ches vius batimints dousqu’os foaisoét ches tindures alors. I resse innui seulemint qu’unne porduiseuse ed waide tradicionnèle, eslon ches anchiennés métodes éritèes d’ches waidiers d’eutréfoés[1].