Istmo

istmo

Supkategoria di	landform
Lo kontrario di	strait

Un istmo ta un faha di tera ku ta konektá dos masa di tera mas grandi. E griegonan a introdusí e palabra istmo, ku ta nifiká garganta, i a us’é spesialmente pa e Istmo di Korinto. Fuera di esun aki, e istmonan mas famoso ta esunnan di Panama i Suez, ku tur dos ta konektá dos kontinente. Kanalnan igualmente konosí ta kore dor di tur tres di e istmonan aki.

Mas komunmente, un istmo ta konektá un península ku tera firme, òf dos parti di un isla ku otro.

Hopi definishon ta bisa ku un istmo mester ta limitá na kada banda pa laman, pero e Istmo Kareliano, ku ta separá e Golfo di Finlandia for di Lago Ladoga, ta proba ku un lago tambe por kumpli ku e ròl ei.

Lo kontrario di un istmo ta un estrecho òf estrecho di laman, ku ta muchu mas komun.

Istmo di Korinto na Gresia

Istmo di Panama

Mira tambe e kategoria Isthmi di Wikimedia Commons pa mas dato mediatiko tokante di e tema aki.

Fuente, nota i/òf referensia