Gabinete Wever-Croes II
| Fecha di fundashon òf kreashon | 9 ougùstùs 2021  |
|---|---|
| Hurisdikshon | Aruba |
| Ta remplasá | Gabinete Wever-Croes I |
Gabinete Wever-Croes II ta e gabinete demisionario di Aruba. El a wordo instala dia 20 di september 2021[1] como e di dos gabinete cu Evelyn Wever-Croes como minister-presidente. E gabinete ta un coalicion entre e partidonan MEP y RAIZ cu sosten di 11 asiento den parlamento di Aruba. E ta e prome gabinete den cual RAIZ ta carga responsabilidad pa gobernacion. Dia 9 di september 2024 Wever-Croes a entrega retiro di su gabinete na gobernador, despues di un kiebro di confiansa entre e partidonan di coalicion. Base di a kiebro tabata cu Parlamento di Aruba a elegi Raymond Kamperveen (RAIZ) riba Edgard Vrolijk (MEP) como presidente di parlamento.[2] El a pidi pa disolve e parlamento y yama eleccionnan pa 6 di december.
Formacion
[editá | editá fuente]Cu e gran cantidad di partido participante (12) na eleccion parlamentario di Aruba 2021 di dia 25 di juni MEP ta sali e partido cu mas voto y e unico partido di gobierno cu ta logra mantene su asientonan den parlamento. E partido ta declara di ta dispuesto pa traha den coalicion cu tur partido excepto AVP.[3] Dia 5 di juli Gobernador Boekhoudt a apunta como informador e duo Eddy Werleman, ex-politico y Tisa Lasorte, presidente di SER Aruba.[4] Tres dia despues MEP y RAIZ ta firma un acuerdo di intencion pa forma un gobierno di coalicion pa e periodo 2021-2025. Evelyn Wever-Croes ta wordo apunta como formador cu e encargo pa:
forma un gabinete stabil cu por conta cu e sosten di e fraccion di MEP y RAIZ den parlamento y cu ta consisti pa personanan cu ta dispuesto y capas pa yega na un maneho comun cu ta dedica na e recuperacion financiero y social-economico di Aruba, en particular na e concretisacion y ehecucion di e asina yama "landspakket".[5]
Durante formacion e dos partner di coalicion a tene un serie di reunion consultivo cu mas di cien (100) organisacion di stakeholders.[6] Dia 19 di augustus MEP y RAIZ ta firma e "acuerdo di gobernacion di San Nicolas" y dia 9 di september formador Croes ta entrega su reportahe final di e formacion y ta anuncia e reparticion di cartera.[7]
Constelacion
[editá | editá fuente]E di dos gabinete Wever-Croes ta consisti di ocho (8) minister, reparti den seis pa MEP y dos pa RAIZ. Cuater minister di e gabinete anterior ta continua den funcion, esta Evelyn Wever-Croes, Xiomara Maduro, Dangui Oduber y Glenbert Croes.[8] Sinembargo compara cu e gabinete anterior nan carteranan a mira cambio.[9]
| Imagen | Nomber | Ministerio | Periodo | Partido | Remarca | |
|---|---|---|---|---|---|---|
 |
Evelyn Wever-Croes (1966) |
• Asunto General • Innovacion • Organisacion Gubernamental • Infrastructura • Planificacion Teritorial |
20 september 2021 - presente | MEP | alabes prome-minister | |
 |
Ursell Arends | • Integridad • Naturalesa • Transporte • Asuntonan di Adulto Mayor |
20 september 2021 - presente | RAIZ | alabes vice prome-minister | |
.jpg) |
Xiomara Maduro (1974) |
* Finansas * Cultura |
20 september 2021 - presente | MEP | di dos vice prome-minister | |
 |
Glenbert Croes (1966) |
• Labor • Integracion • Energia |
20 september 2021 - presente | MEP | ||
 |
Dangui Oduber (1978) |
• Turismo • Salud Publico |
20 september 2021 - presente | MEP | ||
 |
Rocco Tjon | • Husticia • Asuntonan Social |
20 september 2021 - presente | MEP | ||
 |
Endy Croes | • Enseñansa • Deporte |
20 september 2021 - presente | MEP | ||
 |
Geoffrey Wever (1980) |
• Asunto Economico • Desaroyo Sostenibel • Comunicacion |
20 september 2021 - presente | RAIZ |
Otro puesto
[editá | editá fuente]E puesto di Minister plenipotenciario no ta un funcion di gabinete, sino ta resorta bou di Ministerio di Asuntonan General.
| Imagen | Nomber | Funcion | Periodo | Partido | Remarca | |
|---|---|---|---|---|---|---|
| Guillfred Besaril (1974) |
Minister plenipotenciario na Den Haag (alabes miembro di "Rijksministerraad") | 21 september 2021 - juni 2022 | MEP | a tuma retiro | ||
 |
J.E. (Juan) Thijsen (1958) |
13 oktober 2022 - presente | tambe representante di Aruba na Union Europeo | |||
|
J.E. (Juan) Thijsen (1958) |
Minister plenipotenciario interino na Den Haag | 1 februari 2022 - 13 oktober 2022 | MEP | tambe representante di Aruba na Union Europeo | |
| Joselin Croes | Director Gabinete di minister plenipotenciario na Den Haag | 1 december 2023 - presente | - | |||
| Joselin Croes | Minister plenipotenciario na Washington D.C. | 21 september 2021 - augustus 2023 | - | |||
| Zulema Dabian-Erasmus[10] | december 2023 - presente | - |
Mira tambe
[editá | editá fuente]Referensia
|