Antriol
- E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
Antriol ta un bario di Kralendijk, kapital di Boneiru. E bario ta situá mas den tera i ta konsisti di 5 besindario: Amboina, Antriol P'abou, Antriol P'ariba, Guatemala i Lagun Hill. Ku masomènos 4.000 habitante Antriol ta e bario mas grandi di Kralendijk.[1] Desde 2022 e bario tin su mesun bandera i himno.[2]
Na 1626 a fundá Antriol tempu ku spaño i portugues tabata wòrdu deportá pa Boneiru. Su nòmber ta un korupshon di "Al interior" (den tera), kual a bira Entrejol i mas despues Antriol. Inisialmente e nomber tabata referi solamente na e parti ku awe ta yama Antriol P'abao. Tabata bedei Antriol P'ariba tambe komo Den Tera.[1]
![](http://upload.wikimedia.org/wikipedia/commons/thumb/b/b7/Collectie_NMvWereldculturen%2C_TM-10021545%2C_Repronegatief_%27Een_kunukuhuis_%28%3F%29_in_Antriol%27%2C_fotograaf_niet_bekend%2C_1947.jpg/220px-Collectie_NMvWereldculturen%2C_TM-10021545%2C_Repronegatief_%27Een_kunukuhuis_%28%3F%29_in_Antriol%27%2C_fotograaf_niet_bekend%2C_1947.jpg)
![](http://upload.wikimedia.org/wikipedia/commons/thumb/4/41/Flag_of_Antriol%2C_Bonaire_%28Netherlands%29.svg/220px-Flag_of_Antriol%2C_Bonaire_%28Netherlands%29.svg.png)
![](http://upload.wikimedia.org/wikipedia/commons/thumb/e/e9/KKBW_Kolegio_Kristu_Bon_Wardador_2022_Antriol.jpg/220px-KKBW_Kolegio_Kristu_Bon_Wardador_2022_Antriol.jpg)
Te ku prinsipio di siglo 20 kas di bara tabata e tipo di bibienda mas komun na Antriol.[3] Den kurso di tempo Antriol i Kralendijk a krese hunta ku otro.
Na Antriol ta situá e parokia La Birgen di Coromoto, kual misa a wòrdu konsagrá na 1955. Su promé pastor tabata Pader R. Nooyen. E tin dos klup di futbòl Vitesse i Juventus, ku ta hunga ambos den Stadion di Kralendijk.
Anualmente ta selebra riba dia 27 di aprel Dia di Antriol, banda di e selebrashon di Dia di Rei.[4] Na 2022 e bario a introdusí su propio bandera i himno. Diseñadó di e bandera ta Rolando Marin i outor di e himno ta Reginald Dortalina.[5]
Fuente, nota i/òf referensia
|