Manuel Roxas

Para keng balen, lawen ya ing Pres. Manuel A. Roxas, Zamboanga del Norte

Manuel Roxas

Pamituki-tuki (Pang-pilan)	Ika-limang Pamuntuk ning Filipinas (Pangatlung Pamuntuk ning Commonwealth; Mumunang Pamuntuk ning pangatlung Republika)
Panaun ning Pamanibala	Mayu 28, 1946 (bilang Pamuntuk ning Commonwealth anggang Julio 4 1946, at bilang Pamuntuk ning Republika kaibat na nita – Abril 15, 1948
Kadwang Pamuntuk	Elpidio Quirino
Elilan	Sergio Osmeña
Katuki	Elpidio Quirino
Mibait	Eneru 1, 1892 Roxas City, Capiz, Filipinas
Mete	Abril 15, 1948 Syudad ning Angeles, Pampanga, Filipinas

Y Manuel Acuña Roxas (Eneru 1, 1892—Abril 15, 1948) iyang mumunang pamuntuk ning timawang Republika ning Filipinas. Migsilbi yang pamuntuk manibat inyang binie de ing pangatimawa inyang 1946 anggang inyang bigla yang mete inyang 1948.

Bye Kayanakan at Ayari

Y Roxas mibait ya inyang Eneru 1, 1892 a nung nu mipalgiu ya kaya kaibat ning pang-mate na, Roxas City, Capiz kang Rosario Acuna. Y tatang na, y Gerardo Roxas, mete ya bayu ya mibait.

Y Roxas megaral yang abugasya king University of the Philippines at iya ing pekamatas king Bar. Politiku ing kayang karera at megumpisa yang probinsiya fiscal. Inyang 1921, meyalal yang king Bale Mangawang Batas (House of Representatives) ning Filipinas at kaibat ning metung a banua iya ing meging tagapagsalita.

Kaibat ning pangatatag ning Commonwealth ning Filipinas inyang (1935), y Roxas meging kayanib ya keng meto-Kapulungan Pangbangsa, at migsilbi ya bilang (1938-1941) Secretary of Finance keng Kabinete nang President Manuel L. Quezon. Kaibat dang mipasar deng susug keng 1935 Philippine Constitution inyang 1941, meyalal ya (1941) keng Senadu ning Filipinas, oneng e mekapagsilbi anggang inyang 1945 pauli na ning siniklab ya ing Meto-yatung Guerra II (World War II).

Linub yang reserba bilang official bayu mika Meto-yatung Guerra II (World War II), meging yang opisyal a mamilatan pilatan da reng gubiernu ning Commonwealth at ing United States Army Forces in the Far East headquarters ng General Douglas MacArthur. Tikyan ne y President Quezon papunta Corregidor nung nu ne pepautus king pangasira ning perang Filipinu bang kanita deng Japon ero akua at agamit. Inyang y Quezon likuan ne ing Corregidor, Y Roxas minta ya Mindanao ba yang manimunu kareng sasalang ka reng Japon. Bayu ya meko y Quezon, kanita iya gewa rang Executive Secretary at iyang makatutuk maging kalibe na a maging pamuntuk (presidenti) sakaling y Quezon o ing kaduang pamuntuk Sergio Osmeña marakap la o mate la. Y Roxas arakap (1942) de reng Japon a maniukup Filipinas. Kaibat ning kayang pangasukul, midala ya Menila at pinirma ne ing Constitution a pepalwal da reng Japon para keng Republika ning Filipinas. Iya ing menibala kareng patakaran ning gubiernu para keng pamagsiasat (economy) lalam ng ning gubiernung Jose P. Laurel. At kanitang panaun a ita migsilbi ya naman bilang tagapagmasid da reng ukbung Filipinu a tagalual 1944. Inyang 1944 sibukan nang tumakas papunta kareng Kakampi (Allied). Deng mibabalik a Americanung ukbu dikpan de bilang kakampi da reng Japon. Kaibat ning guerra y Gen. Douglas MacArthur lininis ne at binalik ne bilang ating katungkulan na ning ukbung Amerikanu. Ini yang memie bie king kayang pangapolitika.

Inyang ing Congress ning Filipinas mirungut la inyang 1945, deng mangawang batas a meyalal pinili re y Roxas bilang pamuntuk ning Senadu. Inyang alalan ning pambangsa inyang 1946, y Roxas tinagal yang pamuntuk ning pakpak liberal ning Nacionalista Party. Ing masusing sasaup kaya yapin y General MacArthur. Ing kayang kalaban yapin y Sergio Osmeña, nung nu e mengampanaya uling balu na kilala da ne reng tau. Dapot inyang alalan ning April 23, 1946 , y Roxas iyang menyambut at mika 54 porcientu ning botu, at ding Partidu Liberal ilang menyambut king Bale Mangawang Batas. Inyang ing Katimawan ning Filipinas kilala ne ning America, y Roxas ing mumunang meging pamuntuk ning Republika.

Panga-Pamuntuk

y Manuel Roxas makalarawan ya keng 100-peso bill

Inyang 1948, y Roxas memie yang kapatawaran kareng kinampi kareng Japon inyang Meto-yatung Guerra maliban karing ginawang mangarok a kasalanan.

Inyang Abril 15, 1948, me-ataki ya kaibat nang migsalita king Clark Air Base. Ing kayang kaduang pamuntuk y Elpidio Quirino, ing menalili kaya.

Suglung Palwal

• The Philippine Presidency Project
• A Country Study: Philippines
• WW2DB: Manuel Roxas

Minuna kaya {{{before}}}

{{{title}}} 1946–1948

Menalili kaya {{{after}}}