Procès Frasch
Lo procès Frasch es un metòde minier que permet d'extraire lo soupre elementari contengut dins de depaus de saus sosterranhs[1]. Concebut en 1894 per lo quimista germanoestatsunidenc Hermann Frasch (1851-1914), permet de produrre un soupre fòrça pur en injectant d'aiga cauda en subreebullicion e sota pression (165 °C sota 2,5 a 3 MPa) dins lo depaus. Aquò entraïna la fusion dau soupre natiu qu'es remontat a la superficia gràcias a l'injeccion d'aire comprimit. Aqueu procès es ben adaptat ai depaus situats a mens de 50 m de prefondor. En delà, son utilizacion èra rara car lo còst veniá tròp important. Pasmens, la màger part de la produccion mondiala de soupre foguèt realizada segon aquela tecnica dau començament a la fin dau sègle XX. Uei, son usatge perdura en certanei regions de Mexic e de Polonha, mai aperaquí 90 % de la produccion es assegurat per la desulfuracion de gas de rafinatge realizada segon lo procès Claus.
Liames intèrnes
[modificar | Modificar lo còdi]Bibliografia
[modificar | Modificar lo còdi]- (de) Walter Botsch, « Chemiker, Techniker, Unternehmer: Zum 150. Geburtstag von Hermann Frasch », Chemie in Unserer Zeit, 2001, vol. 35, n° 5, pp. 324-331.
Nòtas e referéncias
[modificar | Modificar lo còdi]- ↑ (en) Wolfgang Nehb e Karel Vydra, intrada « Sulfur », dins Ullmann's Encyclopedia of Industrial Chemistry, Weinheim, Wiley-VCH, 2005.