Jacques Higelin
![](http://upload.wikimedia.org/wikipedia/commons/thumb/2/29/Jacques_Higelin_Festival_Bretagne_1988_Photographie_Olivier_DUMAY.jpg/200px-Jacques_Higelin_Festival_Bretagne_1988_Photographie_Olivier_DUMAY.jpg)
Jacques Higelin, nascut en 1940, es un cantaire, guitarrista e compositor francés. Au començament, fasiá de cinemà, puèi s'es virat cap a la cançon francesa (Boris Vian, Charles Trenet) e al rock francés. Es lo paire de Izïa, cantaire devenguda ela tanben emblematica del rock francés. Son filh, Arthur H, el, fa puslèu dins la cançon francesa, ambe d'influéncias jazz e electro.
Defuntèt lo 16 d'abril de 2018.
Biografia
[modificar | Modificar lo còdi]Jacques Higelin es nascut lo 18 d'octobre de 1940 a Nogent-sur-Marne (region parisenca) d'un paire alsacian e d'una maira de Belgica. Pichon, se passiona de cançon francesa coma las de Charles Trenet e un pauc mai grand, per las de Boris Vian.
A sètze ans, intègra lo Cors Simon per i aprendre lo mèstier de comedian. Aital, comença per far un pauc de cinemà, e per exemple jòga de cap sos 20 ans dins lo filme Le Bonheur est pour demain. Pr'aquò, de caps 1959 se liga d'amistat ambe lo guitarrista Henri Crolla que l'apren a jogar de guitarra e lo conselha alavetz de se virar cap a la cançon.
En 1964, lo productor Jacques Canetti prepausa a Jacques Higelin d'enregistrar cançons de Boris Vian, e en 1966, pel primièr còp enregistra sas pròpias cançons. En aquesta periòda, comença tanben de collaborar ambe Brigitte Fontaine.
De caps 1973, prend la decision de's virar artisticament cap al rock, e es a-n'aqueste moment que prend per guitarrista lo tot jovent Louis Bertignac. En 1978, es la consecracion populara : obteng un primièr tube, Pars, lo primièr d'une longa seria d'autres, coma Champagne ! en 1979 o encara Tombé du ciel en 1988, cançoneta clarament inspirada de l'estili de Charles Trenet qu'escota dempuèi son enfància.
En 2013, collabòra ambe Édith Fambuena per l'album Beau Repaire.
Discografia
[modificar | Modificar lo còdi]- Higelin et Areski (1969)
- Jacques Crabouif Higelin (1971)
- BBH 75 (1974)
- Irradié (1975)
- Alertez les bébés ! (1976)
- No Man's Land (1978)
- Champagne pour tout le monde... (1979)
- ... Caviar pour les autres (1979)
- La bande du Rex (1980, benda originala del filme La bande du Rex)
- Inédits 1970 (1980, compilacion)
- Higelin '82 (1982)
- Aï (1985)
- Tombé du ciel (1988)
- Illicite (1991)
- Aux héros de la voltige (1994)
- Paradis païen (1998)
- Jacques Higelin chante Vian et Higelin (2005)
- Amor Doloroso (2006)
- Coup de foudre (2010)
- Beau Repaire (2013)
- Higelin 75 (2016)
Cançons mai conegudas
[modificar | Modificar lo còdi]- Mona Lisa Klaxon (1974)
- Pars (1978)
- Champagne ! (1979)
- Tête en l'air (1979)[1]
- Je ne peux plus dire je t'aime (1979)
- Mon portrait dans la glace (1983)
- La croisade des enfants (1985)
- Tombé du ciel (1988)[2]
- Poil dans la main (1989)
- Ce qui est dit doit être fait (1991)
- Électrocardiogramme plat (1994)
- Crocodaïl (2006)