Gollum
Gollum es un personatge fictiu de l'univèrs de J.R.R Tolkien, la Tèrra Mejana. A l'origina èra un hobbit amb lo nom de Sméagol, mas en trobant l'Anèl Unic se corrompiguèt fins a se convertir en una creatura deformada e completament dominada per l'influéncia de l'anèl. Aquesta meteissa influéncia va tanben prolongar sa vida. Pels desagradables sons guturals qu'emetiá en parlant foguèt rebatejat amb lo nom de Gollum. Es un dels protagonistes principals de la novèla del Senhor dels Anèls.