François Hollande

François Hollande
President de la Republica Francesa
President de la Republica Francesa
15 de mai de 2012–14 de mai de 2017
Predecessor	Nicolas Sarkozy
Successor	Emmanuel Macron
Partit	Partit Socialista
Biografia
Naissença	12 d'agost de 1954 Roan, Nauta Normandia, França
Conjunt	Ségolène Royal (ex) Valérie Trierweiler(ex) Julie Gayet
Profession	avocat e òme politic

François Gérard Georges Nicolas Hollande (Roan, lo 12 d'agost de 1954) es un politician francés, membre del Partit Socialista. Foguèt president de la Republica francesa entre 2012 e 2017.

Biografia

François Hollande es lo filh cabdet del doctor Georges Gustave Hollande, un mètge otorrinolaringològ e de Nicole Frédérique Marguerite Tribert, una trabalhadora sociala. Son paire foguèt candidat sus una lista d'extrèma drecha durant las eleccions municipalas de Roan en 1959 e en 1965. Hollande passèt una bèla part de son enfança a Bois-Guillaume, una zòna residenciala de la banlèga de la capitala normanda, e foguèt escolan a l'internat Jean-Baptiste-de-La-Salle de Roan. Pr'amor de las posicions politicas del paire qu'èra favorabla a l'OAS e a sa proximitat amb Jean-Louis Tixier-Vignancour la familha aguèt de partir de la vila lo primièr trimèstre de 1968. Aprèp la venda de totes sos bens e la clinica que teniá dins la ciutat, lo paire e tota la familha s'installèron a Neuilly-sur-Seine, ont entamenèt un comèrci immobiliari.

François Hollande estudièt al licèu Pasteur de Neuilly-sur-Seine, e puèi després dintrèt a la Facultat de drech de París, ont obtenguèt una licéncia de drech. Contunhèt los estudis a HEC de la capitala francesa e puèi a l'Institut d'Estudis Polítics, ont militava a l'UNEF-Renouveau, un sindicat estudiant pròche del Partit Comunista Francés. En 1980 foguèt lo 7en melhor estudiant de la promocion Voltaire de l'Escòla Nacionala d'Administracion.

Foguèt noven primièr secretari del Partit Socialista (1997-2008), cònsol de Tula (2001-2008), deputat de la primièra circonscripcion de Corresa (1997-2012) e president del conselh general de Corresa (2008-2012). Lo 16 d'octobre de 2011 foguèt designat candidat del Partit Socialista a l'eleccion presidenciala de 2012, lo 6 de mai de 2012 ven lo seten president francés de la cinquena República. Se tornèt pas presentar en 2017. En junh de 2024, es tornarmai candidat dins sa circonscripcion de Corresa a las eleccions legislativas.

Vida personala

Foguèt lo companh de Ségolène Royal pendent 30 annadas ; an quatre mainatges: Thomas (1984), Clémence (1985), Julien (1987) e Flora (1992). Entre 2007 e 2014 aguèt una relacion amb la jornalista Valérie Trierweiler. Esposèt l'actritz Julie Gayet en 2022.

Precedit per	François Hollande	Seguit per
Nicolas Sarkozy	President de la Republica Francesa 2012-2017	Emmanuel Macron
Nicolas Sarkozy	Coprince d'Andòrra amb Joan Enric Vives i Sicília 2012-2017	Emmanuel Macron