Dominik Nicolas

Lo guitarrista de rock francés Dominique Nicolas, aquí sus l'empont ambe Indochine en 1984

Dominik Nicolas (nom d'artista) o Dominique Nicolas (nom oficiau) es un musician e un compositor de rock, occitan e francés, nascut lo 5 de julhet de 1958 a París (França) e que, uei lo jorn, viu en Occitània, en Lemosin. Es conegut perque foguèt lo cofondador, lo guitarrista e lo compositor dau celèbre grop Indochine de 1981 a 1994, pendent l'expansion dau movement musicau new wave. Dominik Nicolas es donc lo compositor d'aquelas chançons que son vengudas daus grands succès en Occitània e en França dins los ans 1980 coma L'Aventurier, Miss Paramount, Kao Bang, 3e sexe, Trois nuits par semaine, Tes yeux noirs, Les Tzars o Canary Bay.

Publiquèt lo 25 de mai de 2015 son primier album sòlo entitolat La Beauté de l'idée («La beutat de l'idèa»), que s'anoncièt d'avança per la publicacion de la vidèo de la chançon Underground tre novembre de 2014. Aquel album lo tornèron publicar en 2022.

Dominik Nicolas demòra a l'ora d'aura en Occitània, mai precisament en Lemosin (en Corresa), e d'alhors a de las originas nòrd-lemosinas per son paire.