Desplegant commons

Pel document

Wikimedia Commons, la mediatèca numerica liura

Wikimedia Commons es una mediatèca numerica liura en linha que servís de repertòri de fichièrs multimèdia jos licéncia liura. Es enriquida de contunh pels utilizaires que i plaçan lors fichièrs pròpris o de fichièrs venent de fonts liuras. Son nom ven del mot anglés commons, designant los « bens comuns ». Los fichièrs partejats sus Commons son, aital, d'un biais legal, utilizables per totes e per tot usatge, especialament per l'ensemble dels projèctes Wikimedia coma Wikipèdia. Wikimedia Commons prepausa mai d'un milion de fichièrs multimèdias de totes tipes : fotografias, dessenhs, esquèmas, musicas, tèxtes escriches e parlats, animacions e vidèos. Totes los documents disponibles sus Com­mons se pòdon reütilizar liurament, copiats segon las condicions causidas per lor autor. Aqueste pòt doncas impausar sa paternitat o lo partiment d'òbras derivadas jos una licéncia identica.

Chifras e ligams Començat lo : setembre de 2004 Nombre de fichièrs: -4 milions 500000 Contributors actius: -21500 Adreça : http://commons.wikimedia.org

Estadistica de mai de 2009. Actiu qu'a contribuit almens un còp pendent lo mes passat. Wikimedia Commons e son lògo son de marcas depausadas de Wikimedia Foundation, Inc.