David Ginola
| ||||
[[imatge: | ||||
| Situacion actuala | ||||
| Numèro | 10 | |||
| Ficha d’identitat | ||||
|---|---|---|---|---|
| Nom complet | David Ginola-Ceze | |||
| Nacionalitat esportiva | França | |||
| Naissença | 25 janvier 1967 a Gassin | |||
| Talha | 1m85 | |||
| Pòst | {{{posicion}}} | |||
|
* Partits jogats e buts marcats dins cada club | ||||
 |
||||
David Ginola, nascut lo 25 de genièr de 1967 a Gassin (Var), es un fotbolaire internacional e animator de television francés.
A 18 ans, comença son trajècte de jogaire professional al SC Tolon. Arriba al Matra Racing abans d'integrar lo club breton del Brest Armorique, a la debuta de las annadas 1990. Remarcat pel Paris Saint-Germain, signa amb lo club en 1992. Sa carrièra pren alara una dimension novèla, e l'exposicion mediatica que l'acompanha o revèla al public grand. En 1993, rascla lo títol de melhor jogaire francés de l'annada. Amb lo club parisenc, empòrta lo campionat de França (1994), doas Copas de França (1993 e 1995), una Copa de la Liga (1995) e atenh las semifinalas de la Copa d'Euròpa tres còps (1993,1994 e 1995), sustot de cap al Real Madrid que li val lo chafre d'El Magnifico per la premsa espanhòla. Sa popularitat lo conduch suls platèls d'emissions televisadas ont es regularament convidat al mièg de las annadas 1990, segon l'exemple d'Éric Cantona e Jean-Pierre Papin, autres figuras emblematicas de l'epòca.
David Ginola perseguís sa carrièra en Anglatèrra ont jòga sustot per Newcastle (1995-1997) e Tottenham (1997-2000). Empòrta en 1999, los títols de Jogaire de l'annada PFA e de Fotbolaire de l'annada de la FWA.
En seleccion nacionala, Ginola empòrta lo Festenal internacional espèrs en 1987 e en 1988. Parallèlament a sa capitada en club, lo jogaire coneis pas la meteissa capitada en equipa de França A. Regularament cridat pels diferents seleccionaires, son ròtle s'acantona al de remplaçant. Simbòl de la non-qualificacion al Mondial 1994 en seguida de la partida perduda contra Bulgaria, Ginola es pas mai convocat après 1995.