ARL 44
L’ARL 44 (nom complèt : Caçaire de carris de 48 tonas) es un caçaire de carris francés desvolopat après la Segonda Guèrra Mondiala per remplaçar de blindats alemands utilizats dins certanei regiments francés après 1945. Èra armat d'un canon de 90 mm e doas mitralhièras de 7,5 mm. Per sa proteccion, aviá un blindatge clinat de 120 mm que foguèt lo pus important blindatge d'un carri francés fins a l'intrada en servici dau Leclerc. Pasmens, sa mecanica èra pauc fisabla e solament 60 exemplaris foguèron produchs de 1947 a 1950. Foguèron retirats dau servici tre 1953 quand França poguèt crompar de M47 Patton estatsunidencs.