Tumen
![](http://upload.wikimedia.org/wikipedia/commons/thumb/f/f4/Location_Tumen-River.png/250px-Location_Tumen-River.png)
Lo fluvi de Tumen (Tumen ula en manchó, 們江 en chinés tradicionau; pinyin: Túmen Jiāng, Түмэн гол Tümen gol en mongòl) o de Tuman (두만강 en corean a còps transcrivut Duman, Туманная река Tumannaya reka en rus) que marca ua part de la termièra enter la Republica Populara de China e la Corèa deu Nòrd e, suus sons darrèrs 17 km, enter Russia e la Corèa deu Nòrd. Lo nom d'aqueth arriu que vien deu mongòl tümen qui significa «dètz mila».
Aqueth fluvi qu'a la soa hont dens la montanha Paektu, puish que correish sus 521 km entà getà's dens la Mar de Japon. Sus la soa arriba nòrd que s'esten la província chinesa de Jilin e, au sud, las províncias nòrd-coreanas de Hamgyong deu Nòrd e de Yanggang.
Los entorns de l'estuari que's compausan d'ua vegetacion e ua fauna raras, uei lo dia hèra protegidas.